ខេត្តស្វាយរៀង ៖ ប្រជាកសិករដែលមានដីស្រែនៅជិតបន្ទាត់ព្រំដែនស្រុកស្វាយជ្រំ រីករាយក្នុងការបង្កបង្កើនផល ដោយអាចធ្វើស្រែបាន៣ដងក្នុង១ឆ្នាំ ហើយតម្លៃស្រូវខ្ពស់ស្រូវអ៊ីអ៊ែរK៥៦ក្នុង១គីឡូក្រាម លក់ឱ្យវៀតណាមផ្ទាល់បានតម្លៃ១,២០០រៀល ទៅ១,៣០០រៀល ។ បើតាមប្រជាកសិករម្នាក់រស់នៅភូមិក្រសាំងជ្រំ…
ខេត្តស្វាយរៀង ៖ ប្រជាកសិករដែលមានដីស្រែនៅជិតបន្ទាត់ព្រំដែនស្រុកស្វាយជ្រំ រីករាយក្នុង
ការបង្កបង្កើនផល ដោយអាចធ្វើស្រែបាន៣ដងក្នុង១ឆ្នាំ ហើយតម្លៃស្រូវខ្ពស់ស្រូវអ៊ីអ៊ែរK៥៦ក្នុង១គីឡូក្រាម លក់ឱ្យវៀតណាមផ្ទាល់បានតម្លៃ១,២០០រៀល ទៅ១,៣០០រៀល ។
បើតាមប្រជាកសិករម្នាក់រស់នៅភូមិក្រសាំងជ្រំ ឃុំក្រួសស្រុកស្វាយជ្រំបានប្រាប់កោះសន្តិភាពនៅរសៀលថ្ងៃទី២៨ សីហា ២០២៣ ថា គាត់មានដីស្រែចំនួន៣ហិកតា នៅចំណុចជិតបង្គោលព្រំដែនលេខ២២៩ -១០(១)ចន្លោះបង្គោលលេខ ១១(១)គឺធ្វើស្រែ ពង្រោះក្នុង១ឆ្នាំបាន០៣ដង ហើយក្នុង១ហិកតា បានទិនផល ៤តោនទៅ៥តោន ។
ប្រភពបន្តថា ការធ្វើស្រែទាំងប្រាំងនិងវស្សា នៅពេលខ្វះទឹក ពួកគាត់បូមទឹកពីព្រែកក្រសាំងជ្រំ ព្រែកនៅព្រំដែនកម្ពុជា_វៀតណាម គឺបូមប្រើប្រាស់ទឹកធម្មតា គ្មានបុគ្គលណាមកហាមឃាត់ទេ ។ ហើយខាងប្រជាជនវៀតណាម គេក៏ប្រើប្រាស់ទឹកព្រែកព្រំដែននេះដែរ ដោយព្រែកព្រំដែននេះចែកពាក់កណ្តាលម្នាក់ខ្មែរយើងប្រើប្រាស់ទឹកខាងយើងប្រជាជនវៀតណាមគេប្រើប្រាស់ទឹកដាក់ម៉ាស៊ីនបូមទឹកខាងវៀតណាម។
បើតាមស្ត្រីម្នាក់ អាយុ៧៣ឆ្នាំ រស់នៅភូមិជៀសឬស្សី ឃុំកំពង់ចម្លង ស្រុកស្វាយជ្រំ បានមានប្រសាសន៍ថា គាត់មានដីស្រែចំនួន២ហិកតា នៅជិតបន្ទាត់ព្រំដែន ព្រែកជៀសឬស្សី ហើយនៅពេលដែលជួបភាព រាំងស្ងួតខ្វះទឹក គាត់ប្រើប្រាស់ទឹកព្រែកជៀសប្ញស្សី ដាក់ម៉ាស៊ីនបូមទឹកបញ្ចូលស្រែធម្មតា ពុំមានខាងណាមកហាមឃាត់ទេ ហើយខាងភាគីវៀតណាម ក៏គេមិនមកហាមឃាត់ដែរ ។
ចំពោះប្រជាពលរដ្ឋដែលមានដីស្រែ នៅតាមបន្ទាត់ព្រំដែន ឃុំកំពង់ចម្លង ឃុំក្រួស ស្រុកស្វាយជ្រំ បានលើកឡើងថា ដោយប្រទេសមានសន្តិភាព រាជរដ្ឋភិបាលបានសាងសង់ផ្លូវតាមក្រវ៉ាត់ព្រំដែន ធ្វើឲ្យប្រជាពលរដ្ឋងាយស្រួលធ្វើដំណើរ ជាពិសេស ដឹកគ្រឿងចក្រមកភ្ជួរស្រែ ដឹកស្រូវពូជ ដឹកជី មកថែទាំស្រូវ មកបូមទឹកដាក់ស្រូវ និងពេលប្រមូលផល និងដឹកទិន្នផលស្រូវទៅលក់ឲ្យវៀតណាមបានស្រួល ហើយរាជរដ្ឋាភិបាលបានធ្វើការអភិវឌ្ឍន៍តាមជនបទ ដោយសាងសង់ប្រពន្ធ័ធារាសាស្ត្រ ប្រឡាយ មេធានាទឹកឲ្យប្រជាពលរដ្ឋបូមទឹកដាក់ស្រែងាយស្រួល បើប្រៀបធៀបកាលពីមិនទាន់សាងសង់ផ្លូវតាមក្រវ៉ាត់ព្រំដែន គឺពិបាកក្នុងការធ្វើដំណើរ ជាពិសេស ការបើកបរគ្រឿងចក្រមកភ្ជួរស្រែ ដឹកស្រូវពូជមកថែទាំនិងការប្រមូលផលពេលមានផ្លូវងាយស្រួលដឹកម៉ាស៊ីនបូមទឹកមកបូមទឹកដាក់ស្រែ។
ប្រជាពលរដ្ឋដែលរស់នៅភូមិក្រសាំងជ្រំដែលមានដីស្រែនៅតាមបន្ទាត់ព្រំដែនត្រង់ចំណុចចន្លោះបង្គោលព្រំដែនលេខ១០ (១) ទៅបង្គោលព្រំដែនលេខ១១(១)ឃុំក្រួស បានប្រាប់អ្នកសារព័ត៌
មានយើងថា គ្មានឈ្មោះព្រែកកំពង់ស្នាយទេ គឺមានត អ្នកតាទួលស្នាយនៅក្នុងភូមិក្រសាំងជ្រំ។
ហើយនៅរដូវវស្សាខែសីហា ឆ្នាំ២០២៣នេះ ប្រជាកសិករដែលមានដីស្រែតាមបន្ទាត់ព្រំដែន រស់នៅក្នុងភូមិជៀសប្ញស្សី ភូមិត្រោក ឃុំកំពង់ចម្លង និងភូមិក្រសាំងជ្រំ ឃុំក្រួស ស្រុកស្វាយជ្រំ គឺព្រោះស្រូវបានប្រមាណ៨៥ភាគរយហើយ ។
ចែករំលែកព័តមាននេះ