រាជធានីភ្នំពេញ ៖ នារីជនជាតិចិនម្នាក់ មិនដឹងមានវិបត្តិអ្វី ឈរលើបង្កានដៃស្ពានអាកាស អោបបង្គោលភ្លើងបំភ្លឺផ្លូវ បង្កឲ្យមានការភ្ញាក់ផ្អើលកាលពីវេលាម៉ោង០៨និង២០នាទីយប់ ថ្ងៃទី២២ ខែតុលា ឆ្នាំ២០២៥…
រាជធានីភ្នំពេញ ៖ នារីជនជាតិចិនម្នាក់ មិនដឹងមានវិបត្តិអ្វី ឈរលើបង្កានដៃស្ពានអាកាស អោបបង្គោលភ្លើងបំភ្លឺផ្លូវ បង្កឲ្យមានការភ្ញាក់ផ្អើលកាលពីវេលាម៉ោង០៨និង២០នាទីយប់ ថ្ងៃទី២២ ខែតុលា ឆ្នាំ២០២៥ ស្ថិតនៅលើស្ពានអាកាសមរតកតេជោ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ស្ត្រីខាងលើឈ្មោះ Yang Meiqin ភេទស្រី អាយុ៣១ឆ្នាំ ជនជាតិចិន ស្នាក់នៅចល័ត (ព្រោះជាភ្ញៀវទេសចរណ៍) ។
តាមប្រភពព័ត៌មានប្រជាពលរដ្ឋបានអោយដឹងថា គេឃើញស្ត្រីខាងលើ មិនដឹងមានបញ្ហាអ្វីនោះទេ បានឡើងទៅឈរលើបង្កាន់ដៃស្ពាន រួចអោបបង្គោលភ្លើង ហើយស្រែកឡូឡា ។ ភ្លាមៗប្រជាពលរដ្ឋបានប្រញាប់រាយការណ៍ជូនអាជ្ញាធរមូលដ្ឋាន ចុះមកទីតាំងខាងលើផងដែរ ដើម្បីឃាត់ស្ត្រីខាងលើ ទៅសួរនាំ ។
ពលរដ្ឋលើកឡើងថា បើសិនជាធ្លាក់ចុះក្រោម ប្រាកដជាមិនរស់ទេ ព្រោះកម្ពស់ស្ពាន ទីតាំងនោះ ប្រហែលជា៣០ម៉ែត្រ ។
ក្រោយកើតហេតុ សមត្ថកិច្ចមូលដ្ឋាន បាននាំស្ត្រីជនជាតិខាងលើ យកទៅប៉ុស្តិ៍ដើម្បីសួរនាំ ៕
ចែករំលែកព័តមាននេះ