ទីភ្នាក់ងារព័ត៌មានផ្លូវការ ANSA របស់អ៊ីតាលីបានដកស្រង់សម្តីរដ្ឋមន្ត្រីការបរទេសអ៊ីតាលី លោក Franco Frattini ដែលថ្លែងថា តុលាការឧក្រិដ្ឋកម្មអន្តរជាតិ (ICC) ទំនងជានឹងចេញដីកាចាប់ខ្លួនមេដឹកនាំផ្តាច់ការលីប៊ី លោកមូអាម៉ា កាដាហ្វី នៅចុងខែនេះ ។ លោក Franco Franttini ថ្លែងឱ្យដឹងដូច្នេះនៅពេលលោកលើកឡើងពីកាលបរិច្ឆេទដែលបេសកកម្ម របស់យោធាអ៊ីតាលីនៅប្រទេសនេះអាចត្រូវបញ្ចប់ ។
ទីភ្នាក់ងារព័ត៌មានផ្លូវការ ANSA របស់អ៊ីតាលីបានដកស្រង់សម្តីរដ្ឋមន្ត្រីការបរទេសអ៊ីតាលី លោក Franco Frattini ដែលថ្លែងថា តុលាការឧក្រិដ្ឋកម្មអន្តរជាតិ (ICC) ទំនងជានឹងចេញដីកាចាប់ខ្លួនមេដឹកនាំផ្តាច់ការលីប៊ី លោកមូអាម៉ា កាដាហ្វី នៅចុងខែនេះ ។ លោក Franco Franttini ថ្លែងឱ្យដឹងដូច្នេះនៅពេលលោកលើកឡើងពីកាលបរិច្ឆេទដែលបេសកកម្មរបស់យោធាអ៊ីតាលីនៅប្រទេសនេះអាចត្រូវបញ្ចប់ ។
រដ្ឋមន្ត្រីការបរទេសអ៊ីតាលីរូបនេះថ្លែងទៀតថា នៅដំណាច់ខែឧសភានេះ រដ្ឋអាជ្ញាតុលាការឧក្រិដ្ឋកម្មអន្តរជាតិនឹងចេញដីកាចាប់ខ្លួនលោកកាដាហ្វី និងសមាជិកមួយចំនួនក្នុងរបបរបស់លោកដែលនោះប្រហែលជាសមាជិកគ្រួសាររបស់លោក ។
ប្រទេសអ៊ីតាលីបានចូលរួមក្នុងការវាយប្រហារតាមអាកាសដែលដឹកនាំដោយអង្គការអូតង់នៅលីប៊ី កាលពីចុងខែមេសា កន្លងមក ។
តុលាការឧក្រិដ្ឋកម្មអន្តរជាតិ (ICC) គូសបញ្ជាក់ថា រដ្ឋអាជ្ញាមួយរូបរបស់ខ្លួនលោក Luis Moreno-Ocampo បានស្នើដល់តុលាការឱ្យចេញដីកាចាប់ខ្លួនលោកកាដាហ្វី ។ លោក Franco ថ្លែងថា លោកកាដាហ្វី អាចមានពេលដល់ត្រឹមចុងខែនេះ ដើម្បីចាកចេញពីប្រទេសព្រោះដីកាចាប់ខ្លួននោះនឹងផ្លាស់ប្តូរតួនាទីរបស់លោក ។ លោកថ្លែងទៀតថា វាច្បាស់ណាស់ថា ក្រោយការចេញដីកាចាប់ខ្លួននោះ សហគមន៍អន្តរជាតិនឹងមានកាតព្វកិច្ចស្របច្បាប់ ដើម្បីតាមរកចាប់ខ្លួនលោកកាដាហ្វី ដូចដែលយើងបានធ្វើចំពោះអតីតមេដឹកនាំយូហ្គោស្លាវី លោកស្លូបូដាន មីឡូសាវីក និងមេដឹកនាំស៊ែបបូស្នី លោក Raco Bladic អ៊ីចឹងដែរ ៕
ចែករំលែកព័តមាននេះ