គ្រប់គ្នាសម្ដែងការរំភើបចិត្តយ៉ាងខ្លាំង បន្ទាប់ពីរកឃើញរុក្ខជាតិដែលមានរូបរាងដូចជាសត្វទីទុយជាច្រើន ឬហៅថាភ្នែកសត្វទីទុយដ៏អាថ៌កំបាំង ហើយវាគឺជាប្រភេទដើមឈើតូចបំផុត មិនធ្លាប់ឃើញពីមុនមកនោះទេ។ វាមានរូបរាងពណ៌
ប្រទេសថៃ ៖ កាលពីថ្ងៃទី២៤ ខែសីហា ឆ្នាំ២០២៣ម្សិលម៉ិញនេះ អ្នកសារព័ត៌មានជាច្រើននាក់ បាននាំគ្នារាយការណ៍មកពីខេត្តតាកថា ក្នុងចម្ងាយផ្លូវប្រមាណ៩គីឡូម៉ែត្រ ពីការធ្វើដំណើររបស់ក្រុមលោក Thanapawat ចៅហ្វាយស្រុកអ៊ុំផាង ខេត្តតាក រួមជាមួយអង្គការរដ្ឋាភិបាលនៅក្នុងតំបន់ បុគ្គលិកដែនជម្រកសត្វព្រៃភ្នំពាម និងក្លិបទាក់ទងនឹងទេសចរណ៍ ទៅផ្លូវ Ban Palatha ជាមួយនឹងគោលដៅនៅ Doi Hua Mot ហើយធ្វើដំណើរពី Doi Hua Mod ប្រហែល៣០នាទី ដើម្បីស្វែងរករុក្ខជាតិដ៏អាថ៌កំបាំងមួយ ដែលមានរូបរាងដូចទៅនឹងសត្វទីទុយ នៅតាមផ្លូវទៅចំណុច Pha Tang។
មិនត្រឹមតែប៉ុណ្ណោះ គ្រប់គ្នាសម្ដែងការរំភើបចិត្តយ៉ាងខ្លាំង បន្ទាប់ពីរកឃើញរុក្ខជាតិដែលមានរូបរាងដូចជាសត្វទីទុយជាច្រើន ឬហៅថាភ្នែកសត្វទីទុយដ៏អាថ៌កំបាំង ហើយវាគឺជាប្រភេទដើមឈើតូចបំផុត មិនធ្លាប់ឃើញពីមុនមកនោះទេ។ វាមានរូបរាងពណ៌ខៀវ-បៃតង មានផ្កា៦ កម្ពស់ ៧,៥-១១ មីល្លីម៉ែត្រ បំពង់រាងមូល និងត្រូវបានគេរកឃើញតែនៅចំណុចដូយហួម ស្រុកអ៊ុំផាង តែប៉ុណ្ណោះ គឺមិនមានឱកាសបានជួបពួកវាដោយងាយស្រួលនោះឡើយ ព្រោះថា រាល់ឆ្នាំអាចនឹងមានមនុស្សរកឃើញ ឬមិនឃើញអស់រយៈពេលជាច្រើនឆ្នាំមកហើយ ដោយសារតែដើមឈើនោះនៅក្រោមដើមប៉េង។ ប្រសិនបើអ្នកមិនចាប់អារម្មណ៍ទេនោះ អ្នកនឹងមិនអាចឃើញពួកគេទាំងអស់នោះបានទេ។
បើតាមលោក Thanapawat បាននិយាយថា «ខ្ញុំទើបតែបានឃើញរុក្ខជាតិដូចសត្វទីទុយនេះជាលើកដំបូង។ វាពិតជាមានភាពស្រស់ស្អាតគួរអោយស្រលាញ់ និងទាក់ទាញខ្លាំងណាស់ ហើយចំណុចដែលគេរកឃើញ គឺស្ថិតនៅ Doi Hua Mow Phao ដែលជាកន្លែងទេសចរណ៍ វានៅមិនឆ្ងាយប៉ុន្មានពីស្រុកអ៊ុំផាង តាមផ្លូវអ៊ុំផាងនោះទេ»។
ខណៈពេលនោះដែរ លោក ស៊ូឆាត ក៏បាននិយាយដែរថា «លោកបានជួបរុក្ខជាតិដែលមានរូបរាងដូចសត្វទីទុយ ឬហៅថា «ភីសាវង្ស ថៃថុង» នេះ កាលពីឆ្នាំ២០១៤ នៅជុំវិញ ដូយហួរម៉ុតម្តងដែរ គឺនៅក្នុងតំបន់ដែនជម្រកសត្វព្រៃភ្នំពាម វាមានចម្ងាយប្រហែល៩គីឡូម៉ែត្រ ពីស្រុកអ៊ុំផាង។ ហើយចំពោះភាពអស្ចារ្យនៃរុក្ខជាតិនេះ បើតាមអាកាសធាតុល្អ គេនឹងឃើញច្រើន ហើយដុះនៅតំបន់ដើមប៉េង ឬដើមត្នោត»។
ចំណែកលោក ផាក់ ភុំមីរិន ដែលជាប្រធានក្លិបផ្សព្វផ្សាយទេសចរណ៍ និងអភិរក្សអ៊ុំផាង ក៏បានឱ្យដឹងដែរថា «គាត់មកស្រុកអ៊ុំផាង ជាយូរមកហើយ រហូតមកដល់ពេលនេះ គាត់មានអាយុ៥៤ឆ្នាំហើយ មិនដែលឃើញរុក្ខជាតិមានរូបរាងដូចទៅនឹងសត្វទីទុយទេ ទើបតែឃើញឆ្នាំនេះឯង។ ឆ្នាំមុន ខ្ញុំដើររកដែរ តែរកមិនឃើញ ស្រាប់តែនៅឆ្នាំនេះបានឃើញហើយ ពិតជាស្អាតណាស់ ខ្ញុំសូមអញ្ជើញអ្នកទេសចរមកមើលរុក្ខជាតិដ៏អស្ចារ្យនេះទាំងអស់គ្នា។ ក្នុងអំឡុងខែសីហា រហូតដល់ខែកញ្ញា ឆ្នាំនេះ វាអាចរកបានតែនៅ Doi Hua Mot ក្នុងដែនជម្រកសត្វព្រៃ Umphang តែប៉ុណ្ណោះ»។
គួរបញ្ជាក់ថា យ៉ាងណាមិញ Owl-eyed wonder ឬយើងហៅថា ដើមទីទុយ គឺជារុក្ខជាតិដែលពឹងផ្អែកទៅលើផ្សិត។ ឆ្នាំនេះ ចាប់ផ្ដើមចេញមកឃើញចំនួនច្រើនគួរសម។ ក្រោយចេញមក វាអាចនៅបានប្រហែល១ខែ៕ ដោយ ៖ សុភា ដានេត
ចែករំលែកព័តមាននេះ