បណ្តាប្រទេសអាហ្វ្រិក ចង់ឱ្យចិនផោតលើឧស្សាហូបនីយកម្ម ជាងការកសាងហេដ្ឋារចនាសម្ព័ន្ធ
ប្រទេសចិន ៖ អ្នកការទូតអាហ្វ្រិកកំពូលរបស់ប្រទេសចិន កាលពីថ្ងៃទី២២ ខែសីហា ឆ្នាំ២០២៣ បាន
ប្រទេសចិន ៖ អ្នកការទូតអាហ្វ្រិកកំពូលរបស់ប្រទេសចិន កាលពីថ្ងៃទី២២ ខែសីហា ឆ្នាំ២០២៣ បាន
ប្រទេសចិន ៖ អ្នកការទូតអាហ្វ្រិកកំពូលរបស់ប្រទេសចិន កាលពីថ្ងៃទី២២ ខែសីហា ឆ្នាំ២០២៣ បានលើកឡើងក្នុងសន្និសីទខ្លីមួយនៅខាងក្រៅកិច្ចប្រជុំកំពូល BRICS នៅប្រទេសអាហ្វ្រិកខាងត្បូងថា បណ្តាប្រទេសអាហ្វ្រិកចង់ឱ្យចិនផ្លាស់ប្តូរការផ្តោតអារម្មណ៍របស់ខ្លួនពីការកសាងហេដ្ឋារចនាសម្ព័ន្ធក្នុងទ្វីបនេះ ទៅជាឧស្សាហូបនីយកម្មក្នុងស្រុក ដែលមានសារៈសំខាន់ក្នុងការលើកតម្កើងផលិតផលក្នុងស្រុក និងបង្កើតការងារ។
លោក Wu Peng អគ្គនាយកនៃនាយកដ្ឋានកិច្ចការអាហ្វ្រិករបស់ចិន នៃក្រសួងការបរទេសបានលើកឡើងថា សមាហរណកម្មទ្វីបអាហ្វ្រិកកំពុងកើនឡើង ហើយបណ្តាប្រទេសអាហ្វ្រិកជាច្រើន បានស្នើសុំប្រទេសចិនពិចារណាផ្លាស់ប្តូរការផ្តោតអារម្មណ៍ លើការផ្លាស់ប្តូរជាចាំបាច់ ជាពិសេសការពិចារណាលើកិច្ចព្រមព្រៀងពាណិជ្ជកម្មសេរីទ្វីបអាហ្វ្រិក (AfCFTA) ដែលត្រូវបានដាក់ដំណើរការកាលពីដើមឆ្នាំ ២០២១ នៅក្នុងគោលបំណងអនុញ្ញាតឱ្យបណ្តាប្រទេសអាហ្វ្រិកធ្វើពាណិជ្ជកម្មដោយគ្មានពន្ធ នាពេលអនាគត។
ប្រទេសចិននឹងពិភាក្សាតាមរយៈផែនការរបស់ខ្លួន សម្រាប់ឧស្សាហូបនីយកម្មនៅទ្វីបអាហ្វ្រិកជាមួយបណ្តាមេដឹកនាំអាហ្វ្រិក នៅថ្ងៃទី២៤ ខែសីហា ឆ្នាំ ២០២៣នៅតុមូលពិសេសមួយនៅខាងក្រៅកិច្ចប្រជុំកំពូលរយៈពេល៣ថ្ងៃ ពោលថ្ងៃទី ២២-២៤ ខែសីហា នៃប្លុកសមាជិក BRICS ដែលរួមមាន ប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង។
នៅចន្លោះឆ្នាំ ២០០០ ដល់ឆ្នាំ ២០២០ អ្នកផ្តល់ប្រាក់កម្ចីរបស់ចិន ដែលភាគច្រើនជាធនាគារគ្រប់គ្រងដោយរដ្ឋ បានយល់ព្រមផ្តល់ប្រាក់កម្ចីចំនួន ១៦០ពាន់លានដុល្លារ ដល់បណ្តាប្រទេសនៅអាហ្វ្រិក ខណៈដែលការប្តេជ្ញាចិត្តលើប្រាក់កម្ចីបានកើនឡើង បន្ទាប់ពីលោកប្រធានាធិបតីចិន ស៊ី ជីនពីង (Xi Jinping) បានចាប់ផ្តើមគំនិតផ្តួចផ្តើម «ខ្សែក្រវាត់ និងផ្លូវ» កាលពីឆ្នាំ ២០១៣ ដើម្បីផ្តល់មូលនិធិសម្រាប់ការកសាងហេដ្ឋារចនាសម្ព័ន្ធក្នុងប្រទេសកំពុងអភិវឌ្ឍន៍ ប៉ុន្តែបន្ទាប់មកបានធ្លាក់ចុះយ៉ាងខ្លាំងពីកម្រិតកំពូល ២៨.៤ពាន់លានដុល្លារក្នុងឆ្នាំ ២០១៦ មកនៅត្រឹម ១.៩ពាន់លានដុល្លារក្នុងឆ្នាំ ២០២០។
ជាមួយគ្នានោះ លោក Wu Peng ក៏បានលើកឡើងអំពីការវិនិយោគរបស់ក្រុមហ៊ុនចិននៅអាហ្វ្រិក ជាពិសេសពីក្រុមហ៊ុនខ្នាតតូច និងមធ្យម ដែលនឹងកើនឡើង ហើយមិនថាមានរឿងអ្វីកើតឡើងអំពីសេដ្ឋកិច្ចពិភពលោក ឬសេដ្ឋកិច្ចចិន ជាមួយនិន្នាការក្នុងពាក់កណ្តាលរយៈពេលវែង ឬរយៈពេលវែងនោះទេ ក្រុមហ៊ុនចិនមានឆន្ទៈក្នុងការទទួលយកហានិភ័យមួយចំនួនក្នុងទ្វីបអាហ្វ្រិក៕ (ប្រភពពី Reuters)
ចែករំលែកព័តមាននេះ