កូរ៉េខាងជើងប្រកាសពីការបា.ញ់បង្ហោះផ្កាយរណបរបស់ខ្លួន
ប្រទេសកូរ៉េខាងជើង ៖ រដ្ឋាភិបាលជប៉ុនថ្លែងកាលពីព្រឹកថ្ងៃទី២២ សីហាថា កូរ៉េខាងជើងបានជូន
ប្រទេសកូរ៉េខាងជើង ៖ រដ្ឋាភិបាលជប៉ុនថ្លែងកាលពីព្រឹកថ្ងៃទី២២ សីហាថា កូរ៉េខាងជើងបានជូនព័ត៌មានពីការបាញ់បង្ហោះផ្កាយរណបរបស់ខ្លួនរវាងថ្ងៃទី២៤ទៅ៣១ សីហា វេលាម៉ោងសូន្យ ។
បណ្ដាសារព័ត៌មានជប៉ុនពិសេសទីភ្នាក់ងារព័ត៌មានក្យូដូ បានលើកឡើងលម្អិតថា របបកូរ៉េខាងជើងបានផ្ដល់ព័ត៌មានពីផែនការរបស់ខ្លួនបង្កើតតំបន់គ្រោះថ្នាក់៣ក្នុងសមុទ្រមកពីការបាញ់បង្ហោះផ្កាយរណបនោះ ។ ក្នុងចំណោមតំបន់ទាំង៣នោះ ចំណុច២ស្ថិតក្នុងដែនទឹកភាគនិរតីកូរ៉េខាងជើងក្នុងសមុទ្រលឿង ហើយចំណុចមួយទៀតក្នុងមហាសមុទ្រប៉ាស៊ីហ្វិកខាងកើតប្រទេសហ្វ៊ីលីពីន ។ ចំណុចទាំង៣នោះសុទ្ធតែស្ថិតនៅក្រៅតំបន់សេដ្ឋកិច្ចដាច់មុខរបស់ជប៉ុន ។ កងឆ្មាំឆ្នេរសមុទ្រជប៉ុនបានចេញការប្រកាសអាសន្នសម្រាប់ការធ្វើនាវាចរណ៍ដោយស្នើដល់បណ្ដានាវាឲ្យមានការប្រុងប្រយ័ត្ន ។
គម្រោងនៃការបាញ់បង្ហោះផ្កាយរណបនោះគឺបន្ទាប់ពីបរាជ័យនៃការបាញ់បញ្ជូនផ្កាយរណបស៊ើបការណ៍យោធារបស់កូរ៉េខាងជើងកាលពីខែឧសភាកន្លងទៅ ។ កាលពីថ្ងៃទី៣១ ឧសភា កូរ៉េ
ខាងជើងបានបាញ់បង្ហោះកាំជ្រួចអវកាសរបស់ខ្លួនឈ្មោះ CHOLLIMA-1 បញ្ជូនផ្កាយរណប
ស៊ើបការណ៍យោធា MALLIGYONG-1 តែត្រូវបរាជ័យដោយកាំជ្រួចនោះក្រោយការបាញ់បង្ហោះបានប៉ុន្មាននាទីក៏ធ្លាក់ក្នុងសមុទ្រលឿង មកពីម៉ូទ័រនៅជាន់ទី២នៃកាំជ្រួចមិនដំណើរការ ។
ក្រោយការស្រង់បំណែកកាំជ្រួច និងផ្កាយរណបនោះ កងទ័ពកូរ៉េខាងត្បូងអះអាងកាលពីខែកក្កដាថា ផ្គាយរណបនេះគ្មានប្រយោជន៍ណាមួយខាងផ្នែកយោធាឡើយ ៕
ចែករំលែកព័តមាននេះ