កីឡាករហូឡង់ ពៀទ័រ វីនីង បានសំដែងនូវក្តីរីករាយជាខ្លាំងបន្ទាប់ពីបានយកឈ្នះដំណាក់ទី៥ នៃការប្រណាំងកង់កម្មវិធី Giro d’Italia នៅប្រទេសអ៊ីតាលី កាលពីថ្ងៃពុធ ទី១១ ខែសភាកន្លងមកនេះ។ ការប្រណាំងដំណាក់ខាងលើនេះបញ្ចប់នៅទីក្រុងOrvieto ប្រទេសអ៊ីតាលី។
វីនីង ដែលជាអ្នកជិះកង់ឱ្យក្រុម LRabo-bank Cycling
កីឡាករហូឡង់ ពៀទ័រ វីនីង បានសំដែងនូវក្តីរីករាយជាខ្លាំងបន្ទាប់ពីបានយកឈ្នះដំណាក់ទី៥នៃការប្រណាំងកង់កម្មវិធី Giro d’Italia នៅប្រទេសអ៊ីតាលី កាលពីថ្ងៃពុធ ទី១១ ខែសភាកន្លងមកនេះ។ ការប្រណាំងដំណាក់ខាងលើនេះបញ្ចប់នៅទីក្រុងOrvieto ប្រទេសអ៊ីតាលី។
វីនីង ដែលជាអ្នកជិះកង់ឱ្យក្រុម LRabo-bank Cycling Team បានយកឈ្នះដំណាក់ដែលមានចម្ងាយផ្លូវ១៩១គីឡូម៉ែត្រចេញដំណើរពីទីក្រុង Piombino ឆ្ពោះទៅកាន់ទីក្រុង Orvieto ប្រទេសអ៊ីតាលី ដោយប្រើអស់ថិរវេលា៤ម៉ោង៥៤នាទីនិង៤៩វិនាទី យកឈ្នះកីឡាករកូឡុំប៊ីហ្វាប៊ីយ៉ូ អង់ដ្រេសឌុយអាត អារ៉េវ៉ាឡូ ជិះកង់ឱ្យក្រុម Geox-TMC និងឈ្នះកីឡាករកូឡុំប៊ីម្នាក់ទៀតឈ្មោះចូស រ៉ូដូលហ្វូ សេប៉ា ប៉េរេស ជិះឱ្យកង់ក្រុម Androni Giocattoli ដែលកីឡាករទាំង២នាក់ប្រើថិរវេលាច្រើនជាងកីឡាករវីនីង៨វិនាទីស្មើៗគ្នា ។
សម្រាប់កីឡាករវីនីង ជ័យជម្នះលើកនេះពិតជាមានន័យបំផុតដ្បិតវាបានជួយឱ្យរូបគេនាំមុខនៅលើតារាងពេលវេលាសរុបទៀតផង។ កីឡាករវីនីង បន្ទាប់ពីបានឈ្នះដំណាក់ទី៥នេះ គេបានគ្រងអាវកាក់ពណ៌លឿងក្នុងនាមជាអ្នកនាំមុខគេសម្រាប់កម្មវិធីទាំងមូល។
នៅលើតារាងពេលវេលាសរុប បន្ទាប់ពីឆ្លងកាត់ការប្រណាំងអស់៥ដំណាក់មកនេះ កីឡាករហូឡង់វីនីងគឺជាអ្នកនាំមុខគេគ្រប់គ្រងអាវកាក់ពណ៌លឿង។កីឡាករវីនីង បានប្រើអស់ថិរវេលាតិចជាងគេបំផុតគឺ១៤ម៉ោង៥៩នាទីនិង៣៣វិនាទីនាំមុខកីឡាករអុីតាលីម៉ាកូ ពីណូតទី ជិះកង់ឱ្យក្រុម HTC-Highroad ដែលបានប្រើអស់ថិរវេលាច្រើនជាង២វិនាទី និងឈ្នះកីឡាករបេឡារុស កង់ស្តង់ស៊ីន ស៊ីវសូវជិះកង់ឱ្យក្រុមHTC-Highroad ដូចគ្នាដែលបានប្រើពេលច្រើនជាងកីឡាករវីនីង២វិនាទីដូចគ្នា ។
សូមបញ្ជាក់ថា ការប្រណាំងកម្មវិធី Giro d’Italia ឆ្នាំនេះមាន២១ដំណាក់។ ដោយឡែកដំណាក់ទី៦ដែលជាដំណាក់បន្តមានចម្ងាយផ្លូវ២១៦គីឡូម៉ែត្រ ចេញដំណើរពីទីក្រុង Orvieto ឆ្ពោះទៅកាន់ទីក្រុង Fiuggi ប្រទេសអ៊ីតាលី ៕
ចែករំលែកព័តមាននេះ