បុរសម្នាក់ត្រូវបានប្រជាពលរដ្ឋប្រទះឃើញដួលសន្លប់នៅលើផ្លូវលំមួយកន្លែង ហើយត្រូវអ្នកជិតខាងនាំគ្នាជួយយកប្រេងខ្យល់ និងសង្គ្រោះបឋមដែរ ប៉ុន្តែជាអកុសលបុរសរូបនេះបានដាច់ខ្យល់ស្លា.ប់បា.ត់ទៅហើយ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវបានប្រជាពលរដ្ឋប្រទះឃើញដួលសន្លប់នៅលើផ្លូវលំមួយកន្លែង ហើយត្រូវអ្នកជិតខាងនាំគ្នាជួយយកប្រេងខ្យល់ និងសង្គ្រោះបឋមដែរ ប៉ុន្តែជាអកុសលបុរសរូបនេះបានដាច់ខ្យល់ស្លា.ប់បា.ត់ទៅហើយ បង្កឱ្យមានការភ្ញាក់ផ្អើលកាលពីវេលាម៉ោង៥ល្ងាច ថ្ងៃទី២១ ខែសីហា ឆ្នាំ២០២៣ ស្ថិតនៅផ្លូវលំមួយកន្លែង ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
សេចក្តីរាយការណ៍បន្តថា បុរសខាងលើរូបនេះ មានឈ្មោះ យ៉ាន សូផល អាយុ៣៨ឆ្នាំ មុខរបរមិនពិតប្រាកដ។
បើយោងតាមប្រភពព័ត៌មានពីកន្លែងកើតហេតុ បានប្រាប់ឲ្យដឹងថា បុរសខាងលើ ពីដើមឡើយធ្លាប់មានគ្រួសារ និងមានផ្ទះសម្បែងធម្មតាដែរ ប៉ុន្តែដោយសារគាត់បានប្រើប្រាស់សារធាតុញៀ.ន ទើបសម្រេចចិត្តចេញពីផ្ទះដើរតែលតោលជាមួយជនអនាថាផ្សេងទៀត រហូតក្លាយជាជនអនាថាតែម្ដងទៅ។
អ្នកឃើញហេតុការណ៍បានបន្តថា លុះដល់ល្ងាចថ្ងៃកើតហេតុ បុរសខាងលើបានដួលសន្លប់នៅចំណុចទីតាំងកើតហេតុ ហើយត្រូវប្រជាពលរដ្ឋប្រទះឃើញក៏នាំគ្នាជួយសង្គ្រោះបឋម និងនាំគ្នាយកប្រេងខ្យល់ទៅជួយរឹត ប៉ុន្តែជាអកុសល បុរសរូបនេះបានដាច់ខ្យល់ស្លា.ប់បា.ត់ទៅហើយ។
ក្រោយពេលកើតហេតុ គេក៏បានឃើញវត្តមានសមត្ថកិច្ចចុះមកដល់ទីតាំងកើតហេតុខាងលើ រួចបានបំពេញឯកសារ និងប្រគល់ស.ពជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ