អាមេរិកនិងកូរ៉េខាងត្បូងចាប់ផ្ដើមសមយុទ្ធយោធារួមធំ
កូរ៉េខាងត្បូង-អាមេរិក ៖ ប្រទេសកូរ៉េខាងត្បូងនិងសហរដ្ឋអាមេរិកចាប់ផ្ដើមនាថ្ងៃទី២១សីហា សម
កូរ៉េខាងត្បូង-អាមេរិក ៖ ប្រទេសកូរ៉េខាងត្បូងនិងសហរដ្ឋអាមេរិកចាប់ផ្ដើមនាថ្ងៃទី២១សីហា សមយុទ្ធយោធារួមដ៏ធំULCHI FREEDM SHIELD (UFS) ក្នុងគោលបំណងពង្រឹងស្ថានភាពរៀបចំរួមប្រឈមមុខនឹងការគំរា.មកំហែងខាងយោធារបស់កូរ៉េខាងជើង។ នេះបើតាមសេចក្ដីរាយការណ៍កាលពីថ្ងៃទី២១សីហា របស់ទីភ្នាក់ងារព័ត៌មានកូរ៉េខាងត្បូងYONHAP ។
បន្ទាប់ពីធ្វើសមយុទ្ធគ្រប់គ្រងវិបត្តិរួម កាលពីសប្ដាហ៍មុន កងយោធារបស់ប្រទេសទាំង២ នឹងធ្វើរហូតដល់ថ្ងៃទី៣១សីហា នូវសមយុទ្ធរួមប្រចាំឆ្នាំនេះ ធ្វើត្រាប់ជាសេណារីយ៉ូ់ដូចសង្គ្រាមទាំងស្រុងមួយ។
ឆ្នាំនេះសេណារីយ៉ូហាក់ដូចជាផ្លាស់ប្ដូរទាំងស្រុង ដោយយោងតាមភាពទំនើបនៃសមត្ថភាពនុយក្លេអ៊ែរនិងមីស៊ីលកូរ៉េខាងជើង ព្រមទាំងបណ្ដាចេតនារបស់ប្រទេសនេះ ការវិវត្តន៍នៃសភាពការណ៍សន្តិសុខ បណ្ដាមេរៀនទាញពីសង្គ្រាមនៅអ៊ុយក្រែន និងការឆ្លើយតបចំពោះបណ្ដាព័ត៌មានក្លែងក្លាយដែលក្រុងព្យុងយ៉ាងអាចចេញផ្សាយក្នុងករណីមានសង្គ្រាមឬក្នុងករណីបន្ទាន់។
ពិសេសបំផុតសមយុទ្ធនៅលើទីលានដែលទំហំត្រូវបានកាត់បន្ថយ ចាប់តាំងពីឆ្នាំ២០១៩មកនោះនឹងត្រូវពង្រីកជាមួយសមយុទ្ធហ្វឹកហ្វឺន១៣ប្រមូលផ្ដុំកងទ័ពច្រើនកងពលតូច និងសមយុទ្ធ២៥កម្រិតកងពលធំ។ សមយុទ្ធការពារស៊ីលULCHI ក៏នឹងមានការចូលរួមផងដែររបស់ប្រជាជននាថ្ងៃទី២៣សីហា ជាលើកដំបូងចាប់តាំងពី៦ឆ្នាំមកហើយ ក្រោមការដឹកនាំរបស់ក្រសួងមហាផ្ទៃនិងសន្តិសុខក្នុងកម្រិតជាតិ។
នាឆ្នាំនេះសមយុទ្ធUFS នឹងប្រព្រឹត្តទៅជា២ដំណាក់កាល ដំណាក់កាលទី១ពីថ្ងៃទី២១ទៅ២៥សីហានិងដំណាក់កាលទី២ពីថ្ងៃទី២៨ទៅ៣១សីហា ដោយមានការចូលរួមមិនត្រឹមតែកងទ័ពជើងគោកទេ តែដោយកងទ័ពជើងអាកាសនិងជើងទឹករបស់ប្រទេសទាំង២និងដោយកងកម្លាំងអវកាសអាមេរិកផងដែរ។
ទន្ទឹមនឹងនេះកងទ័ពរបស់ប្រទេស៩ជាសមាជិកទីបញ្ជាការដ្ឋានយោធាអ.ស.បUNC ក៏ចូលរួមក្នុងសមយុទ្ធនោះដែរ។ ប្រទេសទាំងនេះមានអូស្ត្រាលី កាណាដា បារាំង អង់គ្លេស ក្រិក អ៊ីតាលី នូវែលហ្សេឡង់ ថៃនិងហ្វ៊ីលីពីន។
សមយុទ្ធយោធារួមអាមេរិកនិងកូរ៉េខាង ត្បូងនេះ ក៏មានការដាក់ពង្រាយគ្រឿងសព្វាវុធយុទ្ធសាស្ត្រអាមេរិកដូចជាយន្តហោះទម្លាក់គ្រាប់បែកយុទ្ធសាស្ត្រB-1B។ កងទ័ពកូរ៉េខាងត្បូងមានបំណងពង្រឹងការរៀបចំរបស់ខ្លួន ប្រឆាំងបណ្ដាសកម្មភភាពយោធាជាយថាហេតុរបស់កូរ៉េខាងជើង ដូចជាការបាញ់មីសីុលបាលីស្ទិកជាដើម៕
ចែករំលែកព័តមាននេះ