យាន LUNA -25 រុស្ស៊ីផ្ទុះ ពេលប៉ងចុះលើភពព្រះចន្ទ
ប្រទេសរុស្ស៊ី ៖ ទីភ្នាក់ងារអវកាសរុស្ស៊ី ROSCOMOSប្រកាសថា យានLUNA -25 ដែលជាយានទៅកាន់
ប្រទេសរុស្ស៊ី ៖ ទីភ្នាក់ងារអវកាសរុស្ស៊ី ROSCOMOSប្រកាសថា យានLUNA -25 ដែលជាយានទៅកាន់ភពព្រះចន្ទបាញ់បង្ហោះដោយរុស្ស៊ីលើកដំបូង ពុំធ្លាប់មានចាប់តាំងពីឆ្នាំ១៩៧៦មក បានផ្ទុះបែកលើផ្ទៃភពនេះកាលពីថ្ងៃទី១៩ សីហា ដែលនោះជាបរាជ័យមួយសម្រាប់ក្រុងមូស្គូ។ គួររំលឹកថា យានរុស្ស៊ី LUNA-25 ហោះចូលតារាវិថីភពព្រះចន្ទហើយ
យានLUNA -25 ត្រូវបានបា.ញ់បង្ហោះកាលពីថ្ងៃទី១០សីហា ចេញពីទីតាំងបាញ់បង្ហោះVOSTOTCHNYនៅចុងបូព៌ារុស្ស៊ី។ ក្នុងសេចក្ដីប្រកាសមួយROSCOMOSពន្យល់ថា ពេលរៀបចំការចុះចតយាននេះក៏ដាច់់ការទាក់ទង។ បណ្ដាវិធានការត្រូវបានចាត់នាថ្ងៃទី១៩ និង២០ សីហា ដើម្បីតាមរកយាននោះ តែការទាក់ទងពុំបានផលណាមួយឡើយ។ ទីភ្នាក់ងារនោះដែលសម្ដែងការសោកស្ដាយបន្តថា តាមលទ្ធផលដំបូងៗនៃការសើុបអង្កេត យាននេះបានរងការផ្ទុះបែកខ្ទេចពេលប៉ះជាមួយផ្ទៃដីភពព្រះចន្ទ។
បរាជ័យនេះកើតមានក្នុងពេលដែលប្រធានាធិបតីរុស្ស៊ី លោកវ្ល៉ាឌីមៀរ ពូទីន សន្យាបន្តកម្មវិធីអវកាសរុស្ស៊ី ក៏ទោះបីមានបញ្ហាហិរញ្ញវត្ថុ រឿងអាស្រូវពុករលួយនានា និងបញ្ហាការប្រើប្រាស់បច្ចេកវិទ្យាផលិតក្ដី៕
ចែករំលែកព័តមាននេះ