ភ្នាក់ងារស៊ើបការណ៍អាមេរិកថាការវា.យបករបស់អ៊ុយក្រែនបរាជ័យ
សង្គ្រាមអ៊ុយក្រែន ៖ បន្ទាប់ពីជាង១ឆ្នាំនៃការធ្វើសង្គ្រាមប្រឆាំងរុស្ស៊ី តើសភាពការណ៍របស់កងទ័ព
សង្គ្រាមអ៊ុយក្រែន ៖ បន្ទាប់ពីជាង១ឆ្នាំនៃការធ្វើសង្គ្រាមប្រឆាំងរុស្ស៊ី តើសភាពការណ៍របស់កងទ័ពអ៊ុយក្រែនកំពុងរំកិលទៅរកភាពយ៉ាប់យ៉ឺនមែនទេ? តាមអត្ថបទមួយរបស់កាសែតវ៉ាស៊ីនតោនប៉ុស្តិ៍ថា ផ្នែកស៊ើបការណ៍អាមេរិក បង្ហាញពីភាពមិនច្បាស់លាស់កាន់តែខ្លាំងឡើង លើភ័ពវាសនានៃជោគជ័យការវាយបករបស់អ៊ុយក្រែន ដែលបើកធ្វើពីខែមិថុនាមកសំដៅដណ្ដើមយកវិញបណ្ដាដែនដី ស្ថិតក្រោមការត្រួតត្រារបស់រុស្ស៊ីនៅភាគខាងកើតនិងភាគខាងត្បូងប្រទេស។
អត្ថបទនោះដែលផ្អែកទៅលើប្រភពក្នុងផ្ទៃភ្នាក់់ងារស៊ីបការណ៍អាមេរិកបន្តថា កងទ័ពអ៊ុយក្រែននឹងទទួលបរាជ័យក្នុងការវាយដណ្ដើមយកមកវិញទីក្រុងមេលីតូប៉ូល ហើយអាចរហូតដល់ត្រូវកងទ័ពរុស្ស៊ីបញ្ឈប់ ត្រឹមច្រើនគីឡូម៉ែត្រពីទីក្រុងនោះ។ មែនហើយការវាយដណ្ដើមយកក្រុងមេលីតូប៉ូល ជាដំណាក់កាលសំខាន់ សម្រាប់ជោគជ័យនៃការវាយបករបស់កងទ័ពអ៊ុយក្រែន។ ការវាយយកបានទីក្រុងនោះជាការកាត់ផ្ដាច់ជា២ដែនដីដែលរុស្ស៊ីកាន់កាប់ ដោយបែបនោះនាំឲ្យការផ្គត់ផ្គង់របស់កងទ័ពរុស្ស៊ីជួបការលំបាកខ្លាំង។
តាមកាសែតញូវយ៉កថែមថា អ៊ុយក្រែនបាត់បង់គ្រឿងសព្វាវុធនិងយានយន្តយោធាដល់២០% ចាប់តាំងពីការវាយបកមក។ ការបាត់បង់ទាហានក៏មានយ៉ាងខ្ពស់បំផុតដែរ។ កងទ័ពរុស្ស៊ីអះអាងនាថ្ងៃទី១៩សីហាថា បានសម្លា.ប់ទាហានអ៊ុយក្រែនដល់១៥០នាក់ ដែលប៉ុនប៉ងឆ្លងកាត់ទន្លេឌីនីប្រូភាគខាងត្បូងប្រទេស។ តាមឧត្ដមសេនីយអាមេរិកMARK MILLEYថា ការវាយបករបស់អ៊ុយក្រែនចំណាយពេលយូរ ជួបប្រទះការបង្ហូរឈា.មខ្លាំងបំផុតហើយជាពិសេសយឺតបំផុត។ ប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គីផ្ទាល់ក៏ទទួលស្គាល់ដែរថា កងទ័ពរបស់លោកពេលនេះកំពុងស្ថិតក្នុងដំណាក់កាលលំបាកមួយ។
អ្នកទទួលខុសត្រូវមូលដ្ឋានអ៊ុយក្រែនម្នាក់ប្រកាសនាថ្ងៃទី១៩ សីហាថា ការវាយប្រហាររបស់រុស្ស៊ី លើភាគកណ្ដាលទីក្រុងTCHERNIGUIVស្ថិតនៅភាគខាងជើងអ៊ុយក្រែន បណ្ដាលឲ្យមនុស្សស្លា.ប់យ៉ាងតិច៧នាក់និងរបួស១១០នាក់។ ការវាយប្រហារដោយគ្រាប់មីស៊ីលនោះរបស់រុស្ស៊ីត្រូវចំសាកលវិទ្យាល័យមួយនិងរោងមហោស្រពមួយនៃទីក្រុងនោះ ៕
ចែករំលែកព័តមាននេះ