រាជធានីភ្នំពេញ ៖ មន្ទីរប្រឆាំងបទល្មើសគ្រឿងញៀ.ន កាលពីព្រឹកថ្ងៃទី១៩ ខែសីហា ឆ្នាំ២០២៣ បានធ្វើសន្និសីទសារព័ត៌មានបង្ហាញអំពីលទ្ធផលប្រតិបត្តិការលម្អិតបន្ថែមក្នុងការតាមបង្ក្រាបក្រុមឧក្រិ.ដ្ឋជនប្រដាប់អាវុ.ធដែលបានធ្វើសកម្មភាពសម្រុកចូលទៅរំដោះមេខ្លោងគ្រឿងញៀ.នម្នាក់ នៅខេត្តសៀមរាប ដែលត្រូវអនុវត្តទោស៥២ឆ្នាំ ពាក់ព័ន្ធការជួញដូរគ្រឿងញៀ.នទ្រង់ទ្រាយធំ ហើយបញ្ជាឲ្យជួញដូរចេញពីពន្ធនាគារថែមទៀតផង ។
សន្និសីទនោះធ្វើឡើង ក្រោមអធិបតីភាពឯកឧត្តមនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិទទួលផែនការងារប្រយុទ្ធប្រឆាំ ងបទល្មើសជួញដូរគ្រឿងញៀ.ន លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀ.ន និងលោកឧត្តមសេនីយ៍ ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ ។
ឯកឧត្តមនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ បានមានប្រសាសន៍ថា រហូតមកដល់ពេលនេះឧក្រិ.ដ្ឋជនចំនួន៧នាក់ហើយដែលត្រូវបានកម្លាំងនគរបាលចាប់ខ្លួនក្នុងនោះមានខ្មែរសញ្ជាតិអាមេរិកចំនួន៦នាក់ (កាន់លិខិតឆ្លងដែនអាមេរិក) និងជនជាតិចិន សញ្ជាតិអាមេរិកម្នាក់ (កាន់លិខិតឆ្លងដែនអាមេរិក) ពួកគេជាឧក្រិ.ដ្ឋជនស៊ីឈ្នួល ដើម្បីធ្វើសកម្មភាព ។
ឯកឧត្តម នាយឧត្តមសេនីយ៍ អគ្គស្នងការរងបន្តថា ក្រុមឧក្រិ.ដ្ឋជនមានអង្គការចាត់តាំងច្បាស់លាស់បានរៀបចំផែនការត្រៀមធ្វើសកម្មភាពរយៈពេល២ខែមកហើយ ពោលរៀបចំផែនការតាំងពីនៅសហរដ្ឋអាមេរិកមកម្ល៉េះ ហើយពួកគេបានធ្វើដំណើរមកដល់ប្រទេសកម្ពុជា ដើម្បីពិនិត្យទីតាំងភូមិសាស្ដ្រតែកន្លះខែប៉ុណ្ណោះ ។
នៅថ្ងៃកើតហេតុទី១៧ ខែសីហា ឆ្នាំ២០២៣ មានឧក្រិ.ដ្ឋជន៤ នាក់ ជាអ្នកចូលធ្វើសកម្មភាពរំដោះដោយផ្ទាល់នៅគ្លីនិកធ្មេញ ក្នុងក្រុងសៀមរាប ពេលអនុរក្សពន្ធនាគារបញ្ជូនឧក្រិ.ដ្ឋជនម្នាក់ទៅព្យាបាលជំងឺធ្មេញ ដែលកន្លងទៅធ្លាប់ព្យាបាលនៅក្នុងពន្ធនាគារ ប៉ុន្ដែមិនបានធូរស្រាល ។ ក្រៅពីឧក្រិ.ដ្ឋជន៤នាក់ ដែលធ្វើសកម្មភាពផ្ទាល់នោះ ពួកគេនៅមានក្រុមជំនួយ២នាក់ទៀត ដើម្បីត្រៀមជួយអន្ដរាគមន៍ក្នុងករណីមានការប៉ះទង្កិចគ្នាជាមួយកម្លាំងសមត្ថកិច្ច ។
ឯកឧត្តម នាយឧត្តមសេនីយ៍ ម៉ក់ ជីតូ បន្ថែមទៀតថា ក្រោយកើតហេតុភ្លាមៗ ដោយអនុវត្តតាមបទបញ្ជាយ៉ាងម៉ឺងម៉ាត់របស់ឯកឧត្តម នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ កម្លាំងនគរបាលទាំងអស់បានរួមគ្នាធ្វើការស្រាវជ្រាវរហូតកំណត់មុខសញ្ញា ដែលពួកគេរត់ពីខេត្តសៀមរាបមកកាន់រាជធានីភ្នំពេញ ដើម្បីលាក់ខ្លួនបណ្ដោះអាសន្ន ។
ទើបនៅរំលងអធ្រាត្រឈានចូលយប់ថ្ងៃទី១៨ ខែសីហា ឆ្នាំ២០២៣ កម្លាំងអគ្គស្នងការដ្ឋាននគរបាលជាតិបានកំណត់បានទីតាំងដែលឧក្រិ.ដ្ឋជនលាក់ខ្លួន និងឈានទៅដល់ការចាប់ខ្លួនជនសង្ស័យជាបន្ដបន្ទាប់ចំនួន៧នាក់ ។ ដោយឡែកសម្រាប់មេក្លោងពិរុទ្ធជននោះ បានរត់គេចខ្លួនចេញទៅក្រៅប្រទេសបាត់ ។
ឯកឧត្តម នាយឧត្តមសេនីយ៍ ម៉ក់ ជីតូ បានសង្កត់ធ្ងន់ថា កម្លាំងសមត្ថកិច្ចកម្ពុជា បានដឹងទីតាំងប្រទេសដែលមេខ្លោងនោះរត់ទៅលាក់ខ្លួនហើយ ហើយកំពុងតែសហការគ្នាយ៉ាងស្អិតរមួតជាមួយប្រទេសជិតខាង ដើម្បីតាមប្រមាញ់ចាប់ខ្លួនជនសង្ស័យឲ្យខាងតែបាន ដើម្បីយកមកផ្ដន្ទាទោសតាមច្បាប់យ៉ាងឲ្យតឹងរឹងបំផុត មិនអាចលើកលែងបានឡើយ ។
ឯកឧត្តម នាយឧត្តមសេនីយ៍បន្ដថា កម្លាំងសមត្ថកិច្ចតាមព្រំដែនក៏កំពុងសហការគ្នា ដើម្បីស្រាវជ្រាវបន្ដទៀត ។ ដោយឡែកចំពោះចម្ងល់ថា តើករណីនេះអាចមានការឲ្យដៃពីផ្ទៃក្នុងដែរឬទេ ? ឯកឧត្តម នាយឧត្តមសេនីយ៍ ម៉ក់ ជីតូ បានអះអាងថា ក្នុងនាមជាមន្ដ្រីនគរបាលអ្នកអនុវត្តច្បាប់កម្លាំងជំនាញនឹងស្រាវជ្រាវលើចំណុចនេះ ដើម្បីបញ្ចប់រាល់មន្ទិលសង្ស័យទាំងឡាយដែលបានលើកឡើងក្នុងករណីរកឃើញមានការពាក់ព័ន្ធកម្រិតណានោះនឹងអនុវត្តតាមផ្លូវច្បាប់ជាធរមានមិនលើកលែងឡើយ។
ឆ្លើយតបចំពោះការលើកឡើងថា ហេតុការណ៍នេះអាចដោយមានភាពចន្លោះប្រហោងរបស់អនុរក្សពន្ធនាគារដែរឬទេ ? ឯកឧត្តម នាយឧត្តមសេនីយ៍ អគ្គស្នងការរងនគរបាលជាតិបានទទួលស្គាល់ថា នេះអាចជាភាពចន្លោះប្រហោងរបស់សមត្ថកិច្ចពិតមែន ដោយសារតែកន្លងទៅកម្ពុជាមិនដែលធ្លាប់មានករណីខ្មា.ន់កាំភ្លើ.ងសម្រុកចូលមករំដោះអ្នកទោសបែបនេះទេ ។
ឯកឧត្តម នាយឧត្តមសេនីយ៍ ម៉ក់ ជីតូ បានបន្ថែមថា អនុរក្សពន្ធនាគារនៅពេលបញ្ជូនពិរុទ្ធជនមេខ្លោងគ្រឿងញៀ.នទៅកាន់គ្លីនិចធ្មេញក៏មានអាវុ.ធទៅជាមួយដែរ ប៉ុន្ដែជាប្រភេទអាវុ.ធវែងទុកនៅក្នុងរថយន្ដពេលនោះប្រសិនបើអនុរក្សពន្ធនាគារមានកាំភ្លើ.ងកាន់នៅក្នុងដៃច្បាស់ណាស់នឹងមានការប៉ះទង្កិចគ្នាជាមួយក្រុមឧក្រិ.ដ្ឋជន ហើយកាន់តែច្បាស់ទៀតនោះ គឺនឹងមានអ្នករងរបួស ឬអាចគ្រោះថ្នាក់ដល់អាយុជីវិតថែមទៀតផង ។
ចំពោះមុខនេះឯកឧត្តម នាយឧត្តមសេនីយ៍ ម៉ក់ ជីតូ បានអះអាងថា កម្លាំងនគរបាលជាតិ និងអនុរក្សពន្ធនាគារនឹងបង្កើតការយកចិត្តទុកដាក់ឲ្យកាន់តែខ្ពស់បន្ថែមទៀត នៅពេលបញ្ជូនអ្នកជាប់ទោសទៅកាន់គោលដៅណាមួយ ដើម្បីទប់ស្កាត់ និងបង្ការមិនឲ្យមានបទល្មើសប្រភេទនេះកើតឡើងទៀតឡើយ ៕
ចែករំលែកព័តមាននេះ