ក្រុងប៉ោយប៉ែត ៖ ជនសង្ស័យម្នាក់ត្រូវកងរាជអាវុធហត្ថក្រុងប៉ោយប៉ែតឃាត់ខ្លួនកាល ពីវេលាម៉ោង៣ និង៣០នាទីរសៀលថ្ងៃទី១០ ឧសភា នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខណៈរូបគេកំពុងនាំយកថ្នាំញៀនទៅឱ្យម៉ូយ ។ ជនសង្ស័យឈ្មោះលុយ ព្រីង ភេទប្រុស អាយុ២៦ឆ្នាំ ជាអ្នករត់ម៉ូតូឌុប បច្ចុប្បន្នរស់នៅក្នុងភូមិបាលិលេយ្យ
ក្រុងប៉ោយប៉ែត ៖ ជនសង្ស័យម្នាក់ត្រូវកងរាជអាវុធហត្ថក្រុងប៉ោយប៉ែតឃាត់ខ្លួនកាល ពីវេលាម៉ោង៣ និង៣០នាទីរសៀលថ្ងៃទី១០ ឧសភា នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខណៈរូបគេកំពុងនាំយកថ្នាំញៀនទៅឱ្យម៉ូយ ។ ជនសង្ស័យឈ្មោះលុយ ព្រីង ភេទប្រុស អាយុ២៦ឆ្នាំ ជាអ្នករត់ម៉ូតូឌុប បច្ចុប្បន្នរស់នៅក្នុងភូមិបាលិលេយ្យ ។
បើតាមការឱ្យដឹងពីសមត្ថកិច្ចប៉េអឹមក្រុងថា សមត្ថកិច្ចបានតាមដាន និងស្រាវជ្រាវជាយូរមកហើយ ទើបពេលគេកំពុងជិះម៉ូតូឆ្ពោះទៅដោះដូរថ្នាំញៀន ត្រូវសមត្ថកិច្ចឃាត់ខ្លួនឆែកឆេរហើយប្រទះឃើញថ្នាំញៀនប្រភេទយ៉ាម៉ា WY ពណ៌ក្រហមចំនួន៣០គ្រាប់ ។
លោកវរសេនីយ៍ទោម៉ែន ភិរម្យ មេបញ្ជាការរងកងរាជអាវុធហត្ថ និងជាប្រធានមន្ទីរស្រាវជ្រាវនៃកងរាជអាវុធហត្ថខេត្តបន្ទាយមានជ័យប្រាប់កោះសន្តិភាពថា អនុវត្តតាមបទបញ្ជាដ៏ម៉ឺងម៉ាត់ពីនាយឧត្តមសេនីយ៍សៅ សុខា មេបញ្ជាការកងរាជអាវុធហត្ថលើផ្ទៃប្រទេសក៏ដូចជាការណែនាំចង្អុលបង្ហាញផ្ទាល់ពីលោកឧត្តមសេនីយ៍ត្រីរ័ត្ន ស្រ៊ាង មេបញ្ជាការកងរាជអាវុធហត្ថខេត្តឱ្យកម្លាំងក្រោមឱវាទយកចិត្តទុកដាក់រួមគ្នាបង្ក្រាបរាល់បទល្មើស និងដោយមានសេចក្តីរាយការណ៍ពីបណ្តាញបានប្រាប់ពីមុខសញ្ញារូបនោះ ទើបលោកបញ្ជាកម្លាំងឱ្យទៅឃាត់ខ្លួន ។
លោកម៉ែន ភិរម្យ បន្តថា ជនសង្ស័យសារភាពថា ថ្នាំញៀនទាំង៣០គ្រាប់នោះ គឺគេទិញពីអ្នកផ្សេង ដើម្បីទៅឱ្យម៉ូយបន្ត ។ ជនសង្ស័យម្នាក់នេះនឹងបញ្ជូនទៅទីបញ្ជាការកងរាជអាវុធហត្ថខេត្ត ដើម្បីឱ្យចាត់ការបន្ត ៕
ចែករំលែកព័តមាននេះ