ភ្លើងឆេះព្រៃអាក្រក់បំផុតនៅកាណាដាជម្លៀសមនុស្សចេញពីទីក្រុងមួយ
ប្រទេសកាណាដា ៖ ទីក្រុងYELLOWNIFE ជាទីក្រុងសំខាន់មួយនៅភាគពាយ័ព្យកាណាដា ត្រូវបាន
ប្រទេសកាណាដា ៖ ទីក្រុងYELLOWNIFE ជាទីក្រុងសំខាន់មួយនៅភាគពាយ័ព្យកាណាដា ត្រូវបានជម្លៀសមនុស្សចេញដោយសារការគំរា.មកំហែ.ងនៃភ្លើងឆេះព្រៃ។
ភ្លើងឆេះព្រៃត្រូវរាលដាលមកដល់ទីក្រុងនោះនាថ្ងៃទី១៨ឬ១៩សីហា។ គឺនាយប់ថ្ងៃទី១៦សីហាដែលអាជ្ញាធរបានស្នើដល់ប្រជាជន ក្រុងនេះ ២២.០០០នាក់ចាកចេញពីផ្ទះសម្បែងពួកគេ។ រថយន្តច្រើនពាន់គ្រឿងបានបន្តកន្ទុយគ្នាចាកចេញពីទីក្រុងនោះតាមផ្លូវថ្នល់តែមួយ។ ប្រជាជនក្រុងYELLOWNIFE ភាគច្រើនប្រើផ្លូវថ្នល់តែមួយ ឆ្ពោះមកភាគខាងត្បូងដែលអាចមកកាន់ខេត្តអាល់ប៊ែរតាជិតខាង ក្នុងចម្ងាយផ្លូវច្រើនរយគីឡូម៉ែត្រ។
គេត្រូវចំណាយពេលដល់៥ម៉ោង ធ្វើដំណើរតាមរថយន្តបានចម្ងាយត្រឹម១០០គីឡូម៉ែត្រ ពេលចេញពីក្រុងYELLOWNIFE មកពីរថយន្តប្រជ្រៀតគ្នាច្រើន នឹងត្រូវឈប់ចៀសឲ្យរថយន្តដឹកគ្រឿងចក្រទៅត្រាយព្រៃនិងធ្វើរបាំង រារាំងកុំឲ្យភ្លើងឆេះរុលទៅមុខលឿងពេក ខណៈអណ្ដាតភ្លើងជះពន្លឺដល់ផ្លូវថ្នល់នោះ។ ចំណែកកងទ័ពត្រៀមបណ្ដាយន្តហោះសម្រាប់ជួយជម្លៀសប្រជាជនចេញពីក្រុងនោះ។
ចាប់តាំងពីដើមឆ្នាំនេះមក កាណាដាជួបប្រទះនឹងភ្លើងឆេះព្រៃដ៏អាក្រក់បំផុតជាប្រវត្តិសាស្ត្រ ដោយព្រៃឈើជាង១៣,៧លានហិកតារងការបំផ្លាញរួចហើយដោយសារភ្លើង។ ភ្លើងឆេះព្រៃនៅបន្តឆេះខ្លាំងច្រើនកន្លែង គឺ១០៥៤កន្លែងកំពុងសកម្មមកដល់ថ្ងៃទី១៧សីហា ក្នុងនោះ៦៦៩កន្លែងមិនអាចត្រួតត្រាបាន៕
ចែករំលែកព័តមាននេះ