ខេត្តកំពង់ចាម៖ មន្ត្រីប៉ូលិសបានឱ្យដឹងថា យុទ្ធនាការបង្ក្រាបគ្រឿងញៀនក្នុងរយៈពេល១ ខែកន្លងមកនេះ សមត្ថកិច្ចបង្ក្រាបបាន២០ករណី និងបានឃាត់ខ្លួនអ្នកពាក់ព័ន្ធ៥៦នាក់ ក្នុងនោះមានស្ត្រី១១នាក់ផងដែរ ។ ការប្រកាសឱ្យដឹងនេះបានធ្វើឡើង នៅព្រឹកថ្ងៃទី១១ ឧសភា ក្នុងកិច្ចប្រជុំបូកសរុបលទ្ធផលនៃយុទ្ធនាការការងារប្រឆាំងគ្រឿងញៀន
ខេត្តកំពង់ចាម៖ មន្ត្រីប៉ូលិសបានឱ្យដឹងថា យុទ្ធនាការបង្ក្រាបគ្រឿងញៀនក្នុងរយៈពេល១ ខែកន្លងមកនេះ សមត្ថកិច្ចបង្ក្រាបបាន២០ករណី និងបានឃាត់ខ្លួនអ្នកពាក់ព័ន្ធ៥៦នាក់ ក្នុងនោះមានស្ត្រី១១នាក់ផងដែរ ។ ការប្រកាសឱ្យដឹងនេះបានធ្វើឡើង នៅព្រឹកថ្ងៃទី១១ ឧសភា ក្នុងកិច្ចប្រជុំបូកសរុបលទ្ធផលនៃយុទ្ធនាការការងារប្រឆាំងគ្រឿងញៀនរយៈពេល១ខែ (១២ មេសា ដល់ថ្ងៃទី១២ ឧសភា ២០១១) ក្រោមអធិបតីភាពលោកឧត្តមសេនីយ៍ត្រីនួន សាមិន ស្នងការនគរបាលខេត្ត នៅសាលប្រជុំស្នងការដ្ឋានខេត្ត ។
លោកវរសេនីយ៍ត្រីសោម រស់ ប្រធានការិយាល័យប្រឆាំងគ្រឿងញៀនខេត្ត បានលើកឡើងបន្ថែមថា ក្រៅពីការឃាត់ខ្លួន សមត្ថកិច្ចបានដកហូតថ្នាំញៀនប្រភេទក្រាមពណ៌.ស ចំនួន៨២កញ្ចប់ មានទម្ងន់៤៩,៣ក្រាម និងប្រភេទគ្រាប់ពណ៌ផ្កាឈូកចំនួន២៥គ្រាប់ ឧបករណ៍សេពគ្រឿងញៀនមួយចំនួន និងសំភារវេចខ្ចប់មួយចំនួនទៀត ។ លោកវរសេនីយ៍ត្រី សោម រស់ បានបន្តថា ក្នុងចំណោមអ្នកឃាត់ខ្លួនគឺមានអ្នកខុសច្បាប់១៤នាក់ ក្នុងនោះស្ត្រី៣នាក់ អ្នកចែកចាយ៩នាក់ ក្នុងស្ត្រី២នាក់ អ្នកប្រើប្រាស់ចំនួន៣២នាក់ ក្នុងស្ត្រី៥នាក់ អ្នករក្សាទុកគ្រឿងញៀនម្នាក់ ជាស្ត្រី ។ ក្នុងការបង្ក្រាបនេះដែរ ក៏បានរឹបអូសប្រាក់ដុល្លារក្លែងក្លាយចំនួន១៤០ដុល្លារ (ប្រភេទក្រដាស់១០០ដុល្លារនិង២០ដុល្លារ) ទូរស័ព្ទដៃចំនួន៣គ្រឿង វិទ្យុទាក់ទង១គ្រឿង ដំបងឆក់១គ្រឿង ។
លោកវរសេនីយ៍ឯក ជឹម សេងហុង ស្នងការរងនគរបាលខេត្តទទួលផែនកណ្តាលយុត្តិធម៌ បានគូសបញ្ចាក់ថា បន្ទាប់ពីទទួលបានបទបញ្ជាពីលោកនាយឧត្តមសេនីយ៍នេត សាវឿន អគ្គស្នងការនគរបាលជាតិ ក្នុងវិធានការបង្ក្រាបបទល្មើសគ្រឿងញៀន រូបលោកក៏បានចាប់ផ្តើមសុំគោលការណ៍ពីលោកឧត្តមសេនីយ៍ត្រីនួន សាមិន ស្នងការនគរបាលខេត្ត ហើយលោកក៏ចាប់ផ្តើមអនុវត្តបង្ក្រាបយ៉ាងតឹងរ៉ឹង និងធ្វើដូចភ្លៀងរលឹម ៕
ចែករំលែកព័តមាននេះ