ខេត្តរតនគិរី ៖ រថយន្តប៉ាហ្សេរ៉ូ ពណ៌ត្រេអ៊ី គ្មានស្លាកលេខមួយគ្រឿងដែលដឹកឈើប្រណីតប្រភេទនាងនួន ដាក់តាមសិប្បកម្ម ក្នុងក្រុងបានលុង ត្រូវប៉ូលិសសេដ្ឋកិច្ចចាប់កាលពីវេលាម៉ោង២រសៀល ថ្ងៃទី១១ ឧសភា ដោយរួមសហការជាមួយកងរាជអាវុធហត្ថក្រុងបានលុង និងមន្ត្រីរដ្ឋបាលព្រៃឈើ សង្កាត់កាចាញស្ទាក់ចាប់បានរួចបញ្ជូនទៅ
ខេត្តរតនគិរី ៖ រថយន្តប៉ាហ្សេរ៉ូ ពណ៌ត្រេអ៊ី គ្មានស្លាកលេខមួយគ្រឿងដែលដឹកឈើប្រណីតប្រភេទនាងនួន ដាក់តាមសិប្បកម្ម ក្នុងក្រុងបានលុង ត្រូវប៉ូលិសសេដ្ឋកិច្ចចាប់កាលពីវេលាម៉ោង២រសៀល ថ្ងៃទី១១ ឧសភា ដោយរួមសហការជាមួយកងរាជអាវុធហត្ថក្រុងបានលុង និងមន្ត្រីរដ្ឋបាលព្រៃឈើ សង្កាត់កាចាញស្ទាក់ចាប់បានរួចបញ្ជូនទៅរក្សាទុកនៅបរិវេណទីធ្លារដ្ឋបាលខណ្ឌព្រៃឈើខេត្ត ដើម្បីធ្វើកំណត់ហេតុចាត់ការតាមច្បាប់ ។
សមត្ថកិច្ចដែលបានបង្ក្រាបផ្ទាល់ឱ្យដឹងថា រថយន្តប៉ាហ្សេរ៉ូ ពណ៌ត្រេអ៊ី នេះ ដឹកឈើនាងនួនចំនួន១៧ដុំ ស្មើនឹងជាងបួនផ្លាននិងថូផ្កាចំនួនពីរទៀតដែលដឹកជញ្ជូនពីស្រុកកូនមុំ ក្នុងបំណងយកដាក់តាមសិប្បកម្មក្នុងក្រុងបានលុង ប៉ុន្តែត្រូវកម្លាំងសហការបង្ក្រាបបាននៅចំណុចយាយទូលចេកលើដងផ្លូវជាតិលេខ78A ក្នុងភូមិបុរីកម្មករ៤ ស្ថិតក្នុងសង្កាត់ កាចាញ ក្រុងបានលុង ។ រថយន្តដែលដឹកជញ្ជូនឈើនេះជាកម្មសិទ្ធិរបស់ឈ្មោះកំព្រា ភេទប្រុស រស់នៅក្នុងភូមិ៣ ឃុំត្រពាំងក្រហម ស្រុកកូនមុំ តែងប្រកបរបរដឹកជញ្ជូនឈើប្រណីតនេះជារឿយៗ ។ ឈើដែលបង្ក្រាបបាននោះ ត្រូវគេបង្ហើបឱ្យដឹងថា ជាឈើរបស់មន្ត្រីប៉ូលិសថ្នាក់ធំមានឋានៈជាស្នងការរង ប៉ុន្តែត្រូវកម្លាំងប៉ូលិសសេដ្ឋកិច្ចខេត្តទទួលបទបញ្ជាពីលោកស្នងការត្រូវតែបង្ក្រាបឱ្យខាងតែបាន ។
ពេលស្ទាក់ចាប់រថយន្ត នោះ គេសង្កេតឃើញមានការធ្វើអន្តរាគមន៍ពីមន្ត្រីប៉ូលិសថ្នាក់ធំនោះទៅកងកម្លាំងគ្រប់ស្ថាប័នដែលចុះបង្ក្រាបប៉ុន្តែមិនអាចអនុគ្រោះបានឡើយ ព្រោះសកម្មភាពល្មើសបែបនោះ ធ្លាប់បានប្រព្រឹត្តញឹកញាប់ដោយសំអាងលើបុណ្យស័ក្តិធំ ទើបលោកស្នងការបញ្ជាបង្ក្រាបឱ្យរាងចាលម្តង ។
ចំពោះសកម្មភាពប្រព្រឹត្តបទល្មើសដឹកជញ្ជូនឈើប្រណីតរបស់ជនទុច្ចរិតមួយចំនួនក្នុងខេត្តរតនគិរីគឺមានការប្រែប្រួលផ្លាស់ប្តូរគ្រប់រូបភាពតាមតម្រូវការទីផ្សារក្រៅប្រទេស បើទីផ្សារនៅប្រទេសវៀតណាមត្រូវការប្រភេទឈើគ្រញូងគឺនាំគ្នាសម្រុកដឹកគ្រញូង បើទីផ្សារប្រទេសវៀតណាមត្រូវការប្រភេទឈើផ្សេងៗទៀតនោះគេនាំគ្នាសម្រុកដឹកឈើប្រភេទផ្សេងនោះភ្លាម ។
បើតាមការសង្កេតរយៈកាលជាងមួយខែនេះ ទីផ្សារនៅប្រទេសវៀតណាមលែងត្រូវការឈើប្រភេទចំនៀរគ្រញូង គឺត្រូវការប្រភេទឈើបេង និងនាងនួនវិញម្តង ទើបឈ្មួញសម្រុកដឹកបេង និងនាងនួនវិញម្តង ពិសេសគឺថូផ្កានាំចូលតាមច្រកទ្វារអន្តរជាតិជាច្រើន សុទ្ធតែមន្ត្រីកងកម្លាំងមានបុណ្យ ស័ក្តិធំៗ មិនមានសមត្ថកិច្ចណាហ៊ានបង្ក្រាបឡើយ បើបង្ក្រាបបានតែតូចតាច ហើយពុំដែល ចាប់បានអ្នកប្រព្រឹត្តនេះទេ គឺបានតែរថយន្ត និងឈើប៉ុណ្ណោះនាពេលកន្លងមក ក៏ដូចជាពេលនេះជាដើម ៕
ចែករំលែកព័តមាននេះ