ខ្មា.ន់កាំភ្លើ.ងចំនួន៦នាក់បាននាំគ្នាចូលធ្វើសកម្មភាពភ្ជ.ង់សមត្ថកិច្ច មន្ត្រីអនុរក្សពន្ធនាគារ ដែលបញ្ជូនយកអ្នកទោសគ្រឿ.ងញៀ.នមកព្យាបាលធេ្មញយីហោ «ជុំ ចិន្តា» ដោយរំដោះអ្នកទោសជនជាតិចិនម្នាក់យកទៅបាត់
ខេត្តសៀមរាប ៖ ខ្មា.ន់កាំភ្លើ.ងចំនួន៦នាក់បាននាំគ្នាចូលធ្វើសកម្មភាពភ្ជ.ង់សមត្ថកិច្ច មន្ត្រីអនុរក្សពន្ធនាគារ ដែលបញ្ជូនយកអ្នកទោសគ្រឿ.ងញៀ.នមកព្យាបាលធេ្មញយីហោ «ជុំ ចិន្តា» ដោយរំដោះអ្នកទោសជនជាតិចិនម្នាក់យកទៅបាត់ដោយសុវត្ថិភាព។ ហេតុការណ៍នេះបានកើតឡើងកាលពីវេលាម៉ោង៨និង៤៥នាទីព្រឹក ថ្ងៃទី១៧ ខែសីហា ឆ្នាំ២០២៣ នៅចំណុចផ្លូវជាតិលេខ៦ មុខហ្គាសសាំងតេលា ស្ថិតក្នុងងភូមិតាភុល សង្កាត់ស្វាយដង្គំ ក្រុង-ខេត្តសៀមរាប។
បើតាមប្រភពពីសមត្ថកិច្ចនគរបាលខេត្ត បានប្រាប់នៅរសៀលថ្ងៃទី១៧ ខែសីហា ឆ្នាំ២០២៣នេះថា មានករណីជនសង្ស័យ១ក្រុម មានគ្នា៦នាក់ បើកបររថយន្ត Lexus ៣៣០ ពណ៌ប្រផេះ ពាក់ស្លាកលេខ ភ្នំពេញ២ AA.៤៣១៥ មករំដោះអ្នកទោសជនជាតិចិនម្នាក់មានឈ្មោះ Chen Hsin Han នៅកន្លែងពេទ្យធ្មេញ យីហោ «ជុំ ចិន្តា» ស្ថិតនៅភូមិតាភុល សង្កាត់ស្វាយដង្គំ ក្រុងសៀមរាប រួចក៏បានយករថយន្តឡិចស៊ីស៣៣០ នោះ ទៅប្លុ.ងចោលនៅខាងក្រោយបុរី «អាន់ខេត» ស្ថិតក្នុងសង្កាត់ស្វាយដង្គំ។ បន្ទាប់ក្រុមខ្នាន់កាំភ្លើ.ងក៏ឡើងរថយន្តសាំងយ៉ុងមួយគ្រឿង រត់គេចខ្លួនបាត់ ដែលមាគ្នាចំនួន៧នាក់ ក្នុងនោះរួមទាំងអ្នកទោសផងដែរ ទៅទិសខាងលិច រួចបត់ទៅទិសខាងជើង បម្រុងចេញតាមច្រកទ្វារអន្តរជាតិច្រកជាំច្រងាំ ឬច្រកអូរស្មាច់ ខេត្តឧត្តរមានជ័យ ដើម្បីចូលទៅប្រទេសថៃ ដោយសុវត្ថិភាព។
សមត្ថកិច្ចនគរបាលខេត្ត បានឱ្យដឹងទៀតថា អ្នកទោសជនជាតិចិន ដែលបក្សពួកមករំដោះយកទៅនោះ ជាមេខ្លោងជួញដូរគ្រឿ.ងញៀ.ន ឈ្មោះ «CHEN HSIN HAN» ដែលត្រូវបានតុលាការកាត់ទោសឱ្យជាប់ពន្ធនាគាររយៈពេល៥២ឆ្នាំ ក្រោយពីសមត្ថកិច្ចឃាត់ខ្លួនបាននៅថ្ងៃទី១១ ខែសីហា ឆ្នាំ២០០៩ មកម្ល៉េះ។
ប្រភពពីសមត្ថកិច្ច បានបញ្ជាក់ទៀតថា ក្នុងពេលអនុវត្តទោសនៅពន្ធនាគារ អ្នកទោសរូបនេះមានជំងឺឈឺធ្មេញ ពិបាកទទួលអាហារ ហើយត្រូវបានមន្ត្រីអនុរក្សពន្ធនាគារបញ្ជូនមកព្យាបាលធ្មេញម្តងរួចមកហើយ ប៉ុន្តែមិនធូរស្បើយឡើយ។ លុះដល់ថ្ងៃកើតហេតុ ជាថ្ងៃទី១៧ ខែសីហា ឆ្នាំ២០២៣ គ្រូពេទ្យបានណាត់ជួបអ្នកជំងឺ ទើបក្រុមមន្ត្រីអនុរក្សពន្ធនាគារខេត្តសៀមរាប ក៏បានបញ្ជូនអ្នកទោសរូបនោះមកម្តងទៀត។
ប្រភពពីសមត្ថកិច្ច បានបញ្ជាក់ទៀតថា ហើយក្នុងពេលគ្រូពេទ្យកំពុងតែព្យាបាលនោះ ក៏ស្រាប់តែលេចមុខខ្មា.ន់កាំភ្លើ.ងមួយក្រុមមានគ្នា៦នាក់ប្រដាប់ដោយអាវុ.ធ បិទមុខ ដូចរឿងនិនចារ ចេញមកពីខាងក្រោយចំនួន៤នាក់ និងមកពីខាងមុខចំនួន២នាក់ ក្នុងបរិវេណពេទ្យធ្មេញយីហោ «ជុំ ចិន្តា» រួចដើរចូលមក ដោយក្នុងដៃមានកាន់កាំភ្លើ.ងគ្រប់ដៃភ្ជ.ង់មកលើសមត្ថកិច្ចអនុរក្សពន្ធនាគារចំនួន៤ នាក់ ដែលមកការពារអ្នកទោស។ ខណៈពេលនោះ ក្រុមខ្មា.ន់កាំភ្លើ.ងក៏ធ្វើការរំដោះអ្នកទោស រួចបើករថយន្តឡិចស៊ីស៣៣០រត់គេចខ្លួនទៅទិសខាង លិច រួចបត់ចូលទៅខាងក្រោយបុរី «អាន់ខេត» បន្ទាប់មកទុករថយន្ត៣៣០ ចោល ហើយក៏នាំគ្នាឡើងរថយន្តសាំងយ៉ុង រត់គេចខ្លួនបាត់ស្រមោលតែម្ដង។
បច្ចុប្បន្ន កម្លាំងសមត្ថកិច្ចចម្រុះ នៃស្នងការដ្ឋាននគរបាលខេត្តសៀមរាប កំពុងតាមប្រមាញ់ ក្រុមខ្មា.ន់កាំភ្លើ.ង និងអ្នកទោសទាំង៧នាក់ដែលរត់គេចខ្លួនបាត់នោះ ដើម្បីយកមកផ្តន្ទាទោសឱ្យខានតែបាន៕
ចែករំលែកព័តមាននេះ