រាជធានីភ្នំពេញ ៖ កម្មករសំណង់ម្នាក់ត្រូវជនមិនស្គាល់មុខកា.ប់ផុងសៀតផ្កាខាងឆ្វេង បណ្តាលឱ្យរងរបួសធ្ងន់កាលពីវេលាម៉ោង១១និង៤៥នាទីយប់ថ្ងៃទី១០ ឧសភា នៅចំណុចលូ៥ ភូមិទ្រាទី៣ សង្កាត់ស្ទឹងមានជ័យ ខណ្ឌមានជ័យ។ តាមប្រភពព័ត៌មានពីឈ្មោះសុខ ល័ក្ខ ភេទប្រុស អាយុ៣២ឆ្នាំ ជាកម្មករសំណង់
រាជធានីភ្នំពេញ ៖ កម្មករសំណង់ម្នាក់ត្រូវជនមិនស្គាល់មុខកាប់ផុងសៀតផ្កាខាងឆ្វេង បណ្តាលឱ្យរងរបួសធ្ងន់កាលពីវេលាម៉ោង១១និង៤៥នាទីយប់ថ្ងៃទី១០ ឧសភា នៅចំណុចលូ៥ ភូមិទ្រាទី៣ សង្កាត់ស្ទឹងមានជ័យ ខណ្ឌមានជ័យ។
តាមប្រភពព័ត៌មានពីឈ្មោះសុខ ល័ក្ខ ភេទប្រុស អាយុ៣២ឆ្នាំ ជាកម្មករសំណង់ មានស្រុកកំណើតនៅភូមិគោកព្រិច ឃុំសំរោង ស្រុកគិរីវង់ ខេត្តតាកែវ បានឱ្យដឹងថា គាត់ និងប្រពន្ធមកធ្វើការសំណង់នៅចំណុចកើតហេតុខាងលើ ។ ចំណែកបុរសរងគ្រោះដែលត្រូវគេកាប់នោះឈ្មោះម៉ៅ ហួន អាយុ២៦ឆ្នាំ មានប្រពន្ធទៅរស់នៅភូមិគគរទី១ ឃុំគគរទី១ ស្រុកកំពង់សៀម ខេត្តកំពង់ចាម តែបច្ចុប្បន្នមកធ្វើកម្មករសំណង់ជាមួយគ្នា ។ ជារៀងរាល់ថ្ងៃ បន្ទាប់ពីធ្វើការងារចប់ ហូបបាយពេលល្ងាចរួចរាល់ បុរសរងគ្រោះតែងតែទៅអង្គុយច្រៀងខារ៉ាអូខេ ដែលនៅជាប់កន្លែងធ្វើសំណង់នោះ។
នៅថ្ងៃកើតហេតុ បុរសរងគ្រោះបានទៅច្រៀងខារ៉ាអូខេដូចសព្វដង ហើយខ្លួន និងប្រពន្ធក៏បានទៅអង្គុយផឹកកាហ្វេ មើលវីដេអូនៅផ្ទះក្បែរនោះដែរ ។ លុះម៉ោង៩យប់ក៏មកសម្រាកវិញ ចំណែកបុរសរងគ្រោះនៅអង្គុយច្រៀងខារ៉ាអូខេ មិនទាន់ត្រឡប់មកកន្លែងសម្រាកវិញទេ ។ លុះដល់ម៉ោងប្រមាណ១២និង២៥នាទីរំលងអធ្រាត្រឈានចូលថ្ងៃទី១១ ឧសភា ស្រាប់តែឮសំឡេងឈ្មោះហួន ស្រែកហៅឱ្យជួយ ពេលនោះគាត់ពីរនាក់ប្តីប្រពន្ធក៏បើកទ្វារមកឃើញឈាមហូរស្រោចខ្លួន មិនដឹងគេកាប់ពីណាមកទេ ឯផ្ទះអ្នកជិតខាងក៏បិទទ្វារអស់ដែរ ។
ទាំងពីរនាក់ប្តីប្រពន្ធបានសួររកមូលហេតុ និងរកមុខអ្នកណាកាប់ ប៉ុន្តែជនរងគ្រោះនិយាយលែងដឹងខុសត្រូវហើយ ឃើញដូច្នេះក៏នាំគ្នាគ្រាហ៍សំដៅទៅផ្លូវវ៉េងស្រេង ដើម្បីរកម៉ូតូឌុបនាំយកទៅមន្ទីរពេទ្យ តែពេលជួបម៉ូតូឌុបហើយគេមិនហ៊ានឌុបទៅទេ ក៏ចេះតែគ្រាហ៍ទៅមុខបានចម្ងាយ៤០០ម៉ែត្រដល់កន្លែងកុងស៊ីកាប់ជ្រូក នៅបឹងក្រពើមានហាងលក់កាហ្វេមួយឃើញប៉ូលិសកំពុងអង្គុយផឹកកាហ្វេក៏ប្តឹង ទើបប៉ូលិសទូរស័ព្ទហៅរថយន្តសាមុយរបស់មន្ទីរពេទ្យព្រះកុសុមៈមកដឹកយកទៅព្យាបាល ។
ប៉ូលិសប៉ុស្តិ៍ស្ទឹងមានជ័យបានឱ្យដឹងថា កាលពីវេលាម៉ោង១១និង៥០នាទីយប់ មានម៉ូតូឌុបជិះមករាយការណ៍ប្រាប់ថា នៅក្នុងភូមិត្រពាំងថ្លឹង សង្កាត់ចោមចៅ មានមនុស្ស២ក្រុមកំពុងតែកាប់ចាក់គ្នា ។ ប៉ូលិសឮដូច្នេះក៏នាំគ្នាជិះម៉ូតូទៅរក តែពេលទៅដល់អត់មានឃើញអ្វីទេ ក៏ត្រឡប់មកវិញ ហើយទៅអង្គុយផឹកកាហ្វេ ស្រាប់តែឃើញជនរងគ្រោះត្រូវគេនាំមកហើយសួរនាំទៅមិនដឹងអ្វីទាំងអស់ ។ ខណៈពេលទៅដល់មន្ទីរពេទ្យ គ្រូពេទ្យបានថតពិនិត្យឃើញផុងសៀតផ្កាខាងឆ្វេង ៕
ចែករំលែកព័តមាននេះ