ក្រុងប៉ោយប៉ែត ៖ ជនសង្ស័យ២នាក់ប្តីប្រពន្ធ ត្រូវបានកម្លាំងប៉ូលិសការពារព្រំដែនគោកវរសេនាតូចលេខ៨០៧ ប៉ុស្តិ៍ច្រកតំបន់បឹងត្រកួន ឃាត់ខ្លួនកាលពីវេលាម៉ោង១០និង១០នាទីព្រឹកថ្ងៃទី១១ ឧសភា បន្ទាប់ពីឆែកឆេររកឃើញថា ពួកគេជាប់ពាក់ព័ន្ធនឹងការលួចនាំយកព្រះបដិមាមួយអង្គទៅលក់នៅស្រុកសៀម ។ ប្តីប្រពន្ធ២នាក់នេះ
ក្រុងប៉ោយប៉ែត ៖ ជនសង្ស័យ២នាក់ប្តីប្រពន្ធ ត្រូវបានកម្លាំងប៉ូលិសការពារព្រំដែនគោកវរសេនាតូចលេខ៨០៧ ប៉ុស្តិ៍ច្រកតំបន់បឹងត្រកួន ឃាត់ខ្លួនកាលពីវេលាម៉ោង១០និង១០នាទីព្រឹកថ្ងៃទី១១ ឧសភា បន្ទាប់ពីឆែកឆេររកឃើញថា ពួកគេជាប់ពាក់ព័ន្ធនឹងការលួចនាំយកព្រះបដិមាមួយអង្គទៅលក់នៅស្រុកសៀម ។ ប្តីប្រពន្ធ២នាក់នេះ ប្តីឈ្មោះសឿ ញ៉ាញ់ អាយុ៤៥ឆ្នាំ ប្រពន្ធឈ្មោះប៊ុន ចាន់ថន អាយុជាង៣០ឆ្នាំ រស់នៅភូមិបន្ទាយមានឫទ្ធិ ឃុំគោករមៀត ស្រុកថ្មពួក ខេត្តបន្ទាយមានជ័យ ។
ព្រះបដិមាមួយអង្គដែលចាប់បានពីជនសង្ស័យមានកម្ពស់០,៨ម៉ែត្រ និងទទឹង២តឹក ប៉ុន្តែមិនដឹងថា បានកសាងក្នុងសម័យកាលណា ឬពីថ្មអ្វីនោះទេ ដោយសារតែមន្ត្រីជំនាញមិនទាន់មកធ្វើការពិនិត្យ ។ តាមលោកប្រាក់ សាំ ប្រធានប៉ុស្តិ៍ច្រកតំបន់បឹងត្រកួននៃប៉ូលិសការពារព្រំដែនគោកវរសេនាតូចលេខ៨០៧ បានប្រាប់កោះសន្តិភាពតាមទូរស័ព្ទថា មុនការចាប់ឃាត់បានព្រះបដិមាមួយអង្គនេះ កម្លាំងរបស់លោកបានឆែកឆេររថយន្តជនសង្ស័យពីរនាក់ប្តីប្រពន្ធខាងលើ គឺរថយន្តម៉ាកកាមរី ស៊េរីឆ្នាំ១៩៩៣ ពណ៌សំបកឪឡឹក ចង្កូតស្តាំ ពាក់ស្លាកលេខបន្ទាយមានជ័យ 2A-2028 ដែលរថយន្តនេះដឹកព្រះបដិមាក្នុងគោលបំណងនាំយកចូលទៅទឹកដីសៀម ។
លោកពេលប្រាក់ សាំ បានបន្តថា យោងលើការសួរនាំជនសង្ស័យទាំង២នាក់ប្តីប្រពន្ធប្រាប់ថា ពួកខ្លួនគ្រាន់តែស៊ីឈ្នួលដឹកទៅឱ្យសៀមតែប៉ុណ្ណោះ។ ទាំងជនសង្ស័យទាំងវត្ថុតាង និងរថយន្ត ត្រូវបានបញ្ជូនទៅស្នងការដ្ឋានខេត្ត ដើម្បីចាត់ការតាមច្បាប់ក្រោយពេលធ្វើកំណត់ហេតុរួច ៕
ចែករំលែកព័តមាននេះ