រថពាសដែកលោកខាងលិច ប្រមូលបាននៅអ៊ុយក្រែន ត្រូវរុស្ស៊ីដាក់តាំងជិតក្រុងមូស្គូ
សង្គ្រាមអ៊ុយក្រែន ៖ កងទ័ពរុស្ស៊ីបានប្រមូលយកមកតាំងនៅជិតក្រុងមូស្គូ បណ្ដារថពាសដែកសន្មត់
សង្គ្រាមអ៊ុយក្រែន ៖ កងទ័ពរុស្ស៊ីបានប្រមូលយកមកតាំងនៅជិតក្រុងមូស្គូ បណ្ដារថពាសដែកសន្មត់ថារឹបអូសយកបានក្នុងសង្គ្រាមនៅអ៊ុយក្រែន។ ឧបករណ៍យោធាលោកខាងលិចយកមកតាំងទាំងនេះ មានជាពិសេសរថពាសដែកបារាំងនិងរថពាសដែកប្រយុទ្ធអាមេរិក។ ទិសដៅនៃការតាំងនេះហាក់ចង់អួតពីគ្រឿងសព្វាវុធរបស់ខ្លួន និងចំអ.កចំពោះការវា.យបករបស់អ៊ុយក្រែនដែលកំពុងប្រព្រឹត្តទៅ។
នៅឧទ្យានស្នេហាមាតុភូមិ ជាទីលានលើកតម្កើងកិត្តិយសដល់កងទ័ពរុស្ស៊ី ស្ថិតក្នុងតំបន់ក្រុងមូស្គូ មេបញ្ជាការរុស្ស៊ីមួយរូបពាក់មួកកាស់យោធាពណ៌ខៀវ បានថ្លែងបង្ហាញនៅមុខរថពាសដែកដឹកទ័ពអាមេរិក១គ្រឿង ធុនMAXXPRO ដែលក្រុងមូស្គូថា ជារថពាសដែកអាមេរិកផ្ដល់ដល់កងទ័ពអ៊ុយក្រែន។
មេបញ្ជាការរូបនេះនិយាយថា រថពាសដែកនេះកងទាហានអ៊ុយក្រែនបោះបង់ចោលលើទីលានប្រយុទ្ធ។ បន្ទាប់មកបង្ហាញរថយន្តពាសដែកអង់គ្លេសធុនHUSKY ដែលកញ្ចក់ខាងមុខមានស្នាមត្រូវគ្រាប់។ ចំណែកនាយទាហានរុស្ស៊ីម្នាក់ទៀត បង្ហាញអត្តសញ្ញាណរថពាសដែកធុនAMX-10 RCដែលមានកាណុងប្រឆាំងរថក្រោះវែងបារាំងផ្ដល់ឲ្យ។ ក្រៅពីនេះមានរថពាសដែកដឹកទ័ពអាមេរិកធុនM113និងរថពាសដែកប្រយុទ្ធស៊ុយអែតធុនCV90-40។
ផ្នែកសារព័ត៌មានរបស់កងទ័ពរុស្ស៊ីនិយាយថា ផ្នែកមួយធំនៃឧបករណ៍យោធាទាំងនេះ គឺជារបស់អង់គ្លេស។ អតីតប្រធានាធិបតីរុស្ស៊ី លោកឌីមីឌ្រីមេដវេដេវ បានទៅទស្សនាការដាក់តាំងនោះកាលពីថ្ងៃទី១៦ សីហា ៕
ចែករំលែកព័តមាននេះ