រាជធានីភ្នំពេញ ៖ ក្មេងប្រុសជំទង់ម្នាក់បានធ្វើសកម្មភាពចាប់រំលោ.ភសេពសន្ថវៈក្មេងស្រីអាយុ៨ឆ្នាំម្នាក់ ប៉ុន្តែមិនបានសម្រេចនោះទេ ក៏ត្រូវម្តាយក្មេងស្រីប្តឹងប៉ូលិសឱ្យចាប់ខ្លួនកសាងសំណុំរឿងចាត់ការតាមផ្លូវច្បាប់ កាលពីវេលាម៉ោង៩និង៣០នាទីព្រឹកថ្ងៃទី១០ ឧសភា ២០១១ នៅរោងបាយផ្ទះជនសង្ស័យរូបនោះ ស្ថិតក្នុងភូមិ
រាជធានីភ្នំពេញ ៖ ក្មេងប្រុសជំទង់ម្នាក់បានធ្វើសកម្មភាពចាប់រំលោភសេពសន្ថវៈក្មេងស្រីអាយុ៨ឆ្នាំម្នាក់ ប៉ុន្តែមិនបានសម្រេចនោះទេ ក៏ត្រូវម្តាយក្មេងស្រីប្តឹងប៉ូលិសឱ្យចាប់ខ្លួនកសាងសំណុំរឿងចាត់ការតាមផ្លូវច្បាប់ កាលពីវេលាម៉ោង៩និង៣០នាទីព្រឹកថ្ងៃទី១០ ឧសភា ២០១១ នៅរោងបាយផ្ទះជនសង្ស័យរូបនោះ ស្ថិតក្នុងភូមិត្រពាំងក្រឡាញ់ ឃុំសំរោងលើ ស្រុកអង្គស្នួល ខេត្តកណ្តាល ។ ក្មេងប្រុសជំទង់ម្នាក់នេះឈ្មោះអឿន ថា ហៅតឹង អាយុ១៦ឆ្នាំ ជាសិស្ស មានទីលំនៅភូមិខាងលើ ចំណែកឯក្មេងស្រីរងគ្រោះអាយុ៨ឆ្នាំ ។
តាមប្រភពព័ត៌មានបានឱ្យដឹងថា នៅមុនពេលកើតហេតុក្មេងស្រីរងគ្រោះបានរត់លេងជាមួយក្មេងៗមួយចំនួនទៀត នៅជិតផ្ទះក្មេងប្រុសជំទង់ជាប់ចោទ។ ពេលនោះក្មេងប្រុសខិលខូចបានឱ្យលុយទៅក្មេងស្រីរងគ្រោះចំនួន១.០០០រៀល និងបានលួងលោមសុំរួមរ័ក បន្ទាប់មកជននេះបាននាំក្មេងស្រីរងគ្រោះទៅក្នុងផ្ទះបាយរបស់ខ្លួន ធ្វើសកម្មភាពចាប់រំលោភសេពសន្ថវៈតែម្តង ។ ខណៈក្មេងប្រុសជំទង់នោះកំពុងធ្វើសកម្មភាព មិត្តភក្តិរបស់នាងដែលរត់លេងជាមួយនោះដោយសារបាត់នាងយូរពេកបានស្រែកហៅ ធ្វើឱ្យក្មេងប្រុសខិលខូចបញ្ឈប់សកម្មភាពចំណែកក្មេងស្រីរងគ្រោះបានទាញសំពត់ស្លៀករួចរត់ទៅរកមិត្តភក្តិរបស់នាង។
ប្រភពដដែលបានបន្តទៀតថា ខណៈនោះនាងមានទឹកមុខស្លេកស្លាំងយ៉ាងខ្លាំង ចំណែកឯស្ត្រីជាម្តាយពេលឃើញកូនមានទឹកមុខបែបនេះក៏បានធ្វើការសួរនាំពីមូលហេតុផ្សេងៗ ប៉ុន្តែនាងមិនបានឆ្លើយតបទេ សូម្បីតែមួយម៉ាត់ ។ ពេលនោះមិត្តភក្តិរបស់នាងបានប្រាប់ម្តាយនាងថា ពួកគេបានឃើញក្មេងប្រុសជំទង់ឈ្មោះអឿន ថា ហៅតឹង ឱ្យលុយទៅនាងចំនួន១.០០០រៀល។ ត្រង់នេះស្ត្រីជាម្តាយមានការចាប់់អារម្មណ៍យ៉ាងខ្លាំង ព្រោះកាលពីរយៈពេល៣ខែមុន ក្មេងប្រុសម្នាក់នេះធ្លាប់យកឈើរុកប្រដាប់ភេទកូនរបស់គាត់ (ក្មេងស្រីរងគ្រោះ) ម្តងរួចមកហើយ ។ ភ្លាមៗនោះស្ត្រីជាម្តាយបានជជីកសួរម្តងហើយម្តងទៀត រហូតដល់ក្មេងស្រីរូបនោះនិយាយការពិតចេញមកអស់ ទើបប្តឹងប៉ូលិសព្រហ្មទណ្ឌស្រុកអង្គស្នួល ហើយប៉ូលិសប៉ុស្តិ៍សំរោងលើចុះទៅចាប់ខ្លួនតែម្តង ៕
ចែករំលែកព័តមាននេះ