ខេត្តឧត្តរមានជ័យ ៖ ប្រជាពលរដ្ឋនៅក្នុងខេត្តឧត្តរមានជ័យ បាននិយាយថា កសិករដែលរស់នៅតាមបណ្តាស្រុកប្រមាណ៨០ភាគរយ កំពុងនាំគ្នាដាំដំណាំដំឡូងមី ព្រោះតែមានហាងឆេងលក់ទៅក្រៅប្រទេសមានតម្លៃខ្ពស់ ។ លោកវណ្ណ កុសល អភិបាលស្រុកត្រពាំងប្រាសាទ មានប្រសាសន៍ថា បើតាមការសង្កេតគឺនៅឆ្នាំ២០១០ កន្លងទៅ
ខេត្តឧត្តរមានជ័យ ៖ ប្រជាពលរដ្ឋនៅក្នុងខេត្តឧត្តរមានជ័យ បាននិយាយថា កសិករដែលរស់នៅតាមបណ្តាស្រុកប្រមាណ៨០ភាគរយ កំពុងនាំគ្នាដាំដំណាំដំឡូងមី ព្រោះតែមានហាងឆេងលក់ទៅក្រៅប្រទេសមានតម្លៃខ្ពស់ ។ លោកវណ្ណ កុសល អភិបាលស្រុកត្រពាំងប្រាសាទ មានប្រសាសន៍ថា បើតាមការសង្កេតគឺនៅឆ្នាំ២០១០ កន្លងទៅ មានប្រជាកសិករតែប្រមាណ២០%ប៉ុណ្ណោះដាំដំឡូងមី តែសម្រាប់ឆ្នាំ២០១១នេះបានសង្កេតឃើញថា ពួកគាត់បាននាំគ្នាដាំដំឡូងមីគ្រប់កន្លែង។
ប្រការដែលពួកគាត់នាំគ្នាដាំដំឡូងមីយ៉ាងច្រើនបែបនេះ ព្រោះតែបានមើលទូរទស្សន៍ និងតាមព័ត៌មានផ្សេងៗថា ដំឡូងមីមានហាងឆេងនាំចេញទៅខាងក្រៅប្រទេស គឺមានតម្លៃខ្ពស់ ចាប់ពី៦០០ ទៅ៧០០រៀល ក្នុង១គីឡូក្រាមសម្រាប់ដំឡូងមីស្ងួត ហើយបើដំឡូងមីស្រស់វិញក៏បានតម្លៃ៤០០ ទៅ៥០០រៀលដែរ ក្នុង១គីឡូក្រាម។លោកវណ្ណ កុសល បានបញ្ជាក់ថា ប្រជាពលរដ្ឋនៅក្នុងស្រុកត្រពាំងប្រាសាទសម្រាប់គ្រួសារខ្លះដែលមានផ្ទៃដីចំនួន៥ហិកតានោះ ពួកគាត់ដាំដំឡូងមី៣ទៅ៤ហិកតា ហើយនៅសល់១ទៅ២ហិកតា គឺទុកដាំដំណាំផ្សេងៗ ដូចជាសណ្តែកដី សណ្តែកសៀង សណ្តែកបាយ និងដាំដំណាំរួមផ្សំផ្សេងៗទៀត។
លោកអភិបាលស្រុកត្រពាំងប្រាសាទបន្តទៀតថា ក្នុងឆ្នាំនេះ ប្រជាពលរដ្ឋស្រុកត្រពាំងប្រាសាទបានដាំដំឡូងមីនៅលើផ្ទៃដីចំនួន១ម៉ឺនហិកតា និងដំណាំផ្សេងៗជាច្រើនរយហិកតា។ រីឯផ្ទៃដីស្រែចំការ ក៏អាចកើនឡើងលើសពីឆ្នាំ២០១០ដែរ ព្រោះថា នាឆ្នាំនេះ ប្រជាពលរដ្ឋបាននាំគ្នាបង្កបង្កើនផលផ្នែកកសិ-ឧស្សាហកម្មចំនួន៩០ភាគរយ ។
ប្រជាពលរដ្ឋក្នុងស្រុកត្រពាំងប្រាសាទពុំមានគ្រួសារណាម្នាក់ចេញទៅរកស៊ីនៅខាងក្រៅប្រទេសឡើយ ឬចេញទៅធ្វើកម្មករនៅប្រទេសថៃទេ ព្រោះពួកគាត់យល់ថា ទៅរកស៊ី១ខែពុំស្មើធ្វើស្រែមួយងារ ដូច្នេះពួកគាត់ខិតខំបង្កបង្កើនផលដំណាំតែប៉ុណ្ណោះ ។ ប្រជាកសិករបានឱ្យដឹងថា ពួកគាត់ទិញដើមដំឡូងមីក្នុង១បាវ ដែលមានចំនួន២០ដើមតម្លៃ៣.៥០០រៀល ៕
វរការពារព្រំដែនបង្ក្រាបរថយន្តយីឌុបដឹកដំឡូងមីបង្កប់ឈើប្រណីត
សមត្ថកិច្ចរដ្ឋបាលព្រៃឈើឃាត់ខ្លួនបុរស២នាក់ដឹកឈើគ្រញូងប្រុងចេញទៅប្រទេសវៀតណាម
ចែករំលែកព័តមាននេះ