ខេត្តបន្ទាយមានជ័យ ៖ ទាហានឈុតខ្មៅថៃបើកច្រកទ្វារព្រំដែនខ្លងលឹក១ថ្ងៃ៣ម៉ោង មានពលរដ្ឋថៃចាកចេញរយៈពេល៤ថ្ងៃ មានចំនួន៤៤២នាក់ និងពលរដ្ឋកម្ពុជា៨៧៥នាក់ គិតត្រឹមថ្ងៃទី០៤ ខែសីហា ឆ្នាំ២០២៥ ក្រុងប៉ោយប៉ែត…
ខេត្តបន្ទាយមានជ័យ ៖ ទាហានឈុតខ្មៅថៃបើកច្រកទ្វារព្រំដែនខ្លងលឹក១ថ្ងៃ៣ម៉ោង មានពលរដ្ឋថៃចាកចេញរយៈពេល៤ថ្ងៃ មានចំនួន៤៤២នាក់ និងពលរដ្ឋកម្ពុជា៨៧៥នាក់ គិតត្រឹមថ្ងៃទី០៤ ខែសីហា ឆ្នាំ២០២៥ ក្រុងប៉ោយប៉ែត ។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារព្រំដែនអន្តរជាតិប៉ោយប៉ែតបានប្រាប់ថា៖រយៈពេល៤ថ្ងៃដើមខែសីហា ឆ្នាំ២០២៥នេះ ឃើញពលរដ្ឋថៃបានចាកចេញតាមច្រកទ្វារព្រំដែនអន្តរជាតិប៉ោយប៉ែត មានចំនួន៤៤២នាក់ស្រី២២៨នាក់ និងពលរដ្ឋកម្ពុជាដែលត្រឡប់ពីប្រទេសថៃចូលមកកម្ពុជាមានចំនួន៨៧៥នាក់ (ស្រី៣៥១នាក់) ។
លោកបានបញ្ជាក់ថា៖ នៅខែសីហា ឆ្នាំ២០២៥ ទាហានឈុតខ្មៅថៃបានបើកច្រកទ្វារព្រំដែនខ្លងលឹកប្រទេសថៃ ដែលឈមច្រកទ្វារព្រំដែនអន្តរជាតិប៉ោយប៉ែត១ថ្ងៃ៣ម៉ោង ចាប់បើកពីម៉ោង១រសៀល ដល់ម៉ោង៤រសៀល សម្រាប់ពលរដ្ឋវិលចូលប្រទេសវិញពលរដ្ឋថៃចាកចេញតាមច្រកទ្វារព្រំដែនអន្តរជាតិប៉ោយប៉ែតត្រឡប់ទៅប្រទេសថៃវិញ និងពលរដ្ឋកម្ពុជាចាកចេញពីទឹកដីថៃចូលមកកម្ពុជា មានពលករនិងអាជីវករនៅផ្សាររ៉ូងក្លឿ ប្រទេសថៃ។
លោក វ៉ាន់ ដារ៉ាន់ បានបញ្ជាក់ថា ច្រកទ្វារខ្លោងលឹកប្រទេសថៃដែលឈមច្រកទ្វារព្រំដែនអន្តរជាតិប៉ោយប៉ែតរយៈពេលកន្លងមក ភាគីទាហានឈុតខ្មៅថៃបានបិទបើកច្រកទ្វារព្រំដែនកម្ពុជា.ថៃដោយ(ឯកតោភាគី) បានបិទបើកនិងកំណត់ពេលវេលាចេញ.ចូលតាមចិត្តនឹកចង់ ដែលបង្កឱ្យជួបការលំបាកដល់ពលរដ្ឋថៃចាកចេញនិងពលរដ្ឋកម្ពុជាចូល ៕
ចែករំលែកព័តមាននេះ