រុស្ស៊ីថា ធនធានយោធាអ៊ុយក្រែនស្ទើរតែអស់ហើយ
សង្គ្រាមអ៊ុយក្រែន ៖ រដ្ឋមន្ត្រីការពារប្រទេសរុស្ស៊ីលោកស័រហ្គេយ ឆយហ្គូ វាយតម្លៃកាលពីថ្ងៃទី
សង្គ្រាមអ៊ុយក្រែន ៖ រដ្ឋមន្ត្រីការពារប្រទេសរុស្ស៊ីលោកស័រហ្គេយ ឆយហ្គូ វាយតម្លៃកាលពីថ្ងៃទី
១៥ សីហាថា ធនធានរបស់កងទ័ពអ៊ុយក្រែនស្ទើរតែអស់រលីងហើយ ពេលដែលក្រុងគៀវធ្វើចាប់
តាំងពីខែមិថុនាមក ការវាយបកទ្រង់ទ្រាយធំរបស់ខ្លួន ដើម្បីដណ្ដើមបណ្ដាដែនដីស្ថិតក្រោមការកាន់កាប់របស់រុស្ស៊ីមកវិញ ។
ក្នុងសន្និសីទមួយស្ដីពីសន្តិសុខនៅក្រុងមូស្គូលោកឆយហ្គូថ្លែងថា ធនធានយោធារបស់អ៊ុយ
ក្រែនស្ទើរតែអស់រលីងហើយ ។ លោកអះអាងទៀតថា ក្រុងគៀវមិនសម្រេចបានគោលដៅនៃ
ការវាយបករបស់ខ្លួន ក៏ទោះបីមានការជួយទ្រទ្រង់ទាំងស្រុងពីលោកខាងលិចក្ដី ។
លោកអះអាងទៀតថាយុទ្ធនាការយោធានៅអ៊ុយក្រែន ចាប់តាំងពីជិត១ឆ្នាំកន្លះមកនេះ បង្ហាញ
ពីការលំបាកខ្លាំងមួយសម្រាប់កងទ័ពរុស្ស៊ី ប៉ុន្តែ រុស្ស៊ីអាចបង្កើនផលិតកម្មរថក្រោះ និងរថពាសដែករបស់ខ្លួន ។ ទាក់ទិននឹងជំនួយអាវុធរបស់ពួកលោកខាងលិចដល់អ៊ុយក្រែន លោកឆយហ្គូ
អះអាងថា ធ្វើអីមិនកើតចំពោះកងទ័ពរុស្ស៊ីឡើយ ។ យើងត្រៀមចែករំលែកការវាយតមៃ្លលើ
បណ្ដាចំណុចខ្សោយរបស់បណ្ដាឧបករណ៍យោធាលោកខាងលិច ។ លោកថ្លែងបែបនេះនៅមុខ
បណ្ដាអ្នកទទួលខុសត្រូវយោធាអន្តរជាតិ ។ លោកឆយហ្គូក៏ថ្លែងអំណរគុណផងដែរដល់កងទាហានរុស្ស៊ីដែលលោកថា បានពុះពារតស៊ូដ៏អង់អាចក្លាហានលើទីលាន ប្រយុទ្ធប្រឆាំងពួកណាហ្ស៊ីបែប
ថ្មី ។
សន្និសីទលើកទី១១ស្ដីពីសន្តិសុខអន្តរជាតិក្រុងមូស្គូ រៀបចំធ្វើឡើងដោយកងទ័ពរុស្ស៊ី និងដែលប្រព្រឹត្តទៅកាលពីថ្ងៃទី១៤ សីហា ជិតរដ្ឋធានីជាផ្លូវការចូលរួមដោយអ្នកទទួលខុសត្រូវយោធាជាង៨០០រូប មកពីប្រទេស៧៦តែពុំមានប្រទេសលោកខាងលិចណាមួយទេ ៕
ចែករំលែកព័តមាននេះ