ផ្ទុះឆេះនៅស្ថានីយចាក់ប្រេងមួយកន្លែង ស្លា.ប់ជាង៣០នាក់
ប្រទេសរុស្ស៊ី ៖ តាមតេឡេក្រាមក្រសួងសភាពការណ៍បន្ទាន់រុស្ស៊ីរាយការណ៍ថា មនុស្សដល់ជាង១០២
ប្រទេសរុស្ស៊ី ៖ តាមតេឡេក្រាមក្រសួងសភាពការណ៍បន្ទាន់រុស្ស៊ីរាយការណ៍ថា មនុស្សដល់ជាង១០២នាក់រងរបួស ក្នុងគ្រោះថ្នាក់ផ្ទុះឆេះស្ថានីយចាក់ប្រេងមួយកន្លែងនៅទីក្រុងម៉ាខាត់ឆ្កាឡា ដោយក្នុងចំណោមអ្នករបួសទាំងនេះ យ៉ាងតិច៣៣នាក់បានត្រូវស្លា.ប់។
ការផ្ទុះឆេះនោះកើតមានកាលពីថ្ងៃទី១៤ សីហា នៅស្ថានីយចាក់ប្រេងមួយនៃទីក្រុងនេះស្ថិតនៅជាប់សមុទ្រកាស្ពីយែន ដែលជារដ្ឋធានីនៃសាធារណរដ្ឋដាហ្គេស្ថាន។ ភ្លើងបានឆេះរាលដាលក្នុងទំហំប្រមាណ៦០ម៉ែត្រក្រឡា ដោយអ្នកពន្លត់ភ្លើងដល់ទៅ២៦០នាក់ត្រូវបានបញ្ជូនទៅ។
ក្រសួងសភាពការណ៍បន្ទាន់បន្តថា យន្តហោះពេទ្យ១គ្រឿងត្រូវបានបញ្ជូនទៅដើម្បីដឹកបណ្ដាអ្នករបួសធ្ងន់មកកាន់ក្រុងមូស្គូ។ គ្រោះមហន្តរាយនេះកើតមាននាវេលាម៉ោង២១និង៤១នាទីម៉ោងក្នុងស្រុក តាមផ្លូវថ្នល់សហព័ន្ធមួយ។ ប្រមុខរដ្ឋបាលនៃសាធារណរដ្ឋដាហ្គេស្ថាន លោកស័រហ្គេយមេលីកូវគូសបញ្ជាក់ថា មូលហេតុនៃការផ្ទុះឆេះនោះកំពុងតែបំភ្លឺ។
តាមសាក្សីម្នាក់នៅកន្លែងផ្ទុះឆេះដកស្រង់សម្ដីដោយកាសែតរុស្ស៊ី IZVETIA ថា ភ្លើងចាប់ផ្ដើមឆេះចេញពីកន្លែងដែលមានរថយន្តច្រើនគ្រឿងចត ហើយក៏បានឆេះរាលដាលដល់ស្ថានីយចាក់ប្រេង។ ស្នូរផ្ទុះពិតជាខ្លាំងដោយជះអណ្ដាតភ្លើងចេញសន្ធោសន្ធៅ៕
ចែករំលែកព័តមាននេះ