ADផ្ទាំងផ្សព្វផ្សាយពាណិជ្ជកម្ម

Picture

សមត្ថកិច្ច​​​ឆ្មក់​ចូលផ្ទះមេខ្លោង​​​ចែកចាយ​គ្រឿង​ញៀន​​​​ទាំ​ងយប់​ ប៉ូលិស​​​៦នាក់​ដណ្តើម​​គ្នា​​លោត​ចុះ​ដី​ បណ្តាល​ឱ្យ​​​រង​របួស​

14 ឆ្នាំ មុន

​ខេត្តកណ្តាល​ ៖ ​បុរស​ម្នាក់ដែល​​​ជាមុខ​សញ្ញា​ចែកចាយ និងប្រើប្រាស់គ្រឿងញៀ.ន​​បានត្រូវសមត្ថកិច្ច​​​ប៉ូលិស​​​​ការិយាល័យ​​​ប្រឆាំង​គ្រឿង​ញៀន​​ខេត្ត ​សហការជាមួយ​ប៉ូលិស​ស្រុក​​ខ្សាច់​កណ្តាល ​ធ្វើការឃាត់ខ្លួន​​កាលពីវេលាម៉ោង​​៨​និង​​៣០នាទីព្រឹក​​ថ្ងៃទី​​​១១ ឧសភា ​បន្ទាប់ពី​​​ជននេះ​មិន​​ព្រម​​​ឱ្យប៉ូលិស​​ធ្វើការ​ត្រួតពិនិត្យ​​​​លំនៅ​​ឋាន​របស់គេ

​ខេត្តកណ្តាល​ ៖ ​បុរស​ម្នាក់ដែល​​​ជាមុខ​សញ្ញា​ចែកចាយ និងប្រើប្រាស់គ្រឿងញៀន​​បានត្រូវសមត្ថកិច្ច​​​ប៉ូលិស​​​​ការិយាល័យ​​​ប្រឆាំង​គ្រឿង​ញៀន​​ខេត្ត ​សហការជាមួយ​ប៉ូលិស​ស្រុក​​ខ្សាច់​កណ្តាល ​ធ្វើការឃាត់ខ្លួន​​កាលពីវេលាម៉ោង​​៨​និង​​៣០នាទីព្រឹក​​ថ្ងៃទី​​​១១ ឧសភា ​បន្ទាប់ពី​​​ជននេះ​មិន​​ព្រម​​​ឱ្យប៉ូលិស​​ធ្វើការ​ត្រួតពិនិត្យ​​​​លំនៅ​​ឋាន​របស់គេ​ ហើយ​មិន​​​តែប៉ុណ្ណោះ ថែមទាំង​​យក​​​កាំភ្លើង​ភ្ជង់​​​លើសមត្ថកិច្ច បណ្តាល​ឱ្យ​​​ដណ្តើម​គ្នា​​​លោត​​ប្រាស​អាយុចុះ​ពី​លើ​​​ផ្ទះ​ទាំង​ភ្នែក​នៅ​​កញ្ចឹង​.ក ។​​

ជនសង្ស័យ​​ដែលជាមុខសញ្ញា​​​ចែកចាយ​គ្រឿងញៀន​​ និងប្រើប្រាស់​​​នោះឈ្មោះ​​រៀល ​​បូរ៉ាន់ ភេទប្រុស អាយុ​​​៤២​ឆ្នាំ ​មុខ​របរ​ចែកចាយ​គ្រឿងញៀន មានទីលំនៅ​​ភូមិ​ព្រែក​​​តាទេព ​ឃុំ​ព្រែក​លួង ​ស្រុកខ្សាច់​កណ្តាល ។ ក្រោយពេល​ឃាត់ខ្លួន​​ដក​​ហូត​បាន​​កាំភ្លើង M16 លេខ​​៦២២១២៦ ចំនួន​១ដើម ​​គ្រាប់​​​៣១​គ្រាប់ ​សម្ភារ​សម្រាប់វេច​ខ្ចប់​​​ធ្វើការ​ចែក​ចាយ​ និងប្រើ​ប្រាស់​​គ្រឿងញៀន​​មួយចំនួន ។​

លោក​វរសេនីយ៍​​​ឯក​លន់ សុផាត ​ស្នងការ​រង​​ទទួលបន្ទុក​​​ប្រឆាំង​គ្រឿងញៀន​ បាន​​ឱ្យ​​ដឹង​ថា ដោយអនុវត្ត​​​តាមការ​ចង្អុល​​បង្ហាញ​ពី​លោកស្នង​ការ​​ កម្លាំង​ការិយាល័យ​​ជំនាញ​បាន​ធ្វើ​ការ​​ស្រាវ​ជ្រាវ​​រហូត​កំណត់មុខសញ្ញា​​​ជនសង្ស័យ​​ដែល​ចែក​ចាយ និង​ប្រើប្រាស់​​គ្រឿងញៀន​ ​បន្ទាប់មក​លោក​បាន​​ដឹក​នាំ​​កម្លាំង​ជំនាញ ចុះ​​សហការ​​​ជាមួយ​ប៉ូលិស​ស្រុក​ខ្សាច់​កណ្តាល ​រួចក៏ធ្វើការ​ឃាត់ខ្លួន​ជនសង្ស័យ​​​ឈ្មោះ​រៀល បូរ៉ាន់ នេះ​បានតែ​ម្តង​​ ដោយឆ្លង​​កាត់​ការ​លំបាក និង​ព្រលឹង​​ចុងសក់​ផងដែរ ព្រោះជនជាប់សង្ស័យ​បាន​ទាញ​​កាំភ្លើង M16 ភ្ជង់​ប៉ូលិស​​​ឱ្យលោត​​​ប្រញាយ​ចុះ​ពីលើ​​ផ្ទះ​យ៉ាង​កត់ក្រហល់ បណ្តាល​​ឱ្យ​ខ្លះបាក់ឆ្អឹង​ដង​កាំបិត ខ្លះ​ក្រិច​ជើង។​

លោក​វរសេនីយ៍​​​ឯក​លន់ ​សុផាត បាន​​ឱ្យ​ដឹង​ទៀត​ថា ​តាមពិតទៅ​​ប៉ូលិស​​​បាន​ចុះ​ទៅ​​ដល់​លំនៅ​​ឋាន​​ជនមុខសញ្ញា​តាំង​ពី​វេលាម៉ោង​​​១០​ព្រឹកថ្ងៃទី​១០ ឧសភា ម៉្លេះ ប៉ុន្តែ​​​កម្លាំង​ជំនាញ​​​​បាន​ធ្វើការ​​ឃ្លាំមើល​​​ជនសង្ស័យ​​​រៀល ​បូរ៉ាន់ ​បន្តិច​សិន​ ​។ លុះនៅវេលាម៉ោង​​​៨​យប់ កម្លាំង​​ប៉ូលិស​បាន​​ឡើង​​ទៅលើ​ផ្ទះ​ជន​សង្ស័យ​​ដើម្បីធ្វើ​ការ​​ត្រួតពិនិត្យ ​ប៉ុន្តែ​​រៀល បូរ៉ាន់​ មិនព្រម​​​​បើក​ទ្វារ​​​​ឱ្យនោះទេ ​​ពេលនោះ​​សមត្ថ​កិច្ច​​បានធ្វើការ​ធាក់​ទ្វារ​​ដើម្បី​ចូល​​​​ទៅពិនិត្យ​​ និង​ធ្វើ​ការឃាត់ខ្លួន​ តែ​ត្រូវជនសង្ស័យយកធុងហ្គាស ​ចំណុះ​​៧លីត្រ ដាក់​នៅ​ពីមុខ និង​បាន​​យក​កាំ​ភ្លើង​​​វែង M16 ភ្ជង់គំរាម​ដោយស្រែក​ថា «​បើអញ​ងាប់​​​ អញនឹង​បាញ់ធុងហ្គាស​​នេះ​ឱ្យផ្ទុះ​ងាប់​​​ទាំង​អស់​គ្នា​» ​ភ្លាម​នោះ​ស្រាប់តែ​ប្រពន្ធ​​ជនសង្ស័យ​​បានស្ទុះ​​ទៅ​ឱប​​ រួច​កម្លាំង​​​សមត្ថកិច្ច​​​ក៏លោតចុះ​​​ពី​លើ​ផ្ទះ​​​កម្ពស់​​៣ម៉ែត្រ​កន្លះ ដើម្បី​ប្រាស​អាយុ​បន្តិចសិន ទើប​​រកយុទ្ធ​សាស្ត្រ​ជាថ្មីទៀត ។ ពេលលោត​​ចុះពី​លើ​​ផ្ទះ​នោះ​បណ្តាល​ឱ្យប៉ូលិស​​​ម្នាក់​រង​របួស​​ភ្លាត់​ឆ្អឹង​​ជើង និងម្នាក់ទៀត​​បាក់ឆ្អឹង​​​ដងកាំ​បិត និង​​៤​នាក់ទៀត​រង​របួស​​ស្រាល រួច​កម្លាំង​នៅ​តែ​​បន្ត​ព័ទ្ធ​​រហូត​ពេញមួយយប់ ៕