រាជធានីភ្នំពេញ ៖ សារលិខិតមួយច្បាប់ចុះថ្ងៃទី២ ឧសភា របស់អ្នកស្រី Mary Wareham អ្នកសម្របសម្រួលអង្គការសម្ព័ន្ធគ្រាប់បែកចង្កោមណូវែលហ្សេឡង់ Aotearoa បានធ្វើជាផ្លូវការទៅកាន់ស្ថានទូតថៃស្តីពីការប្រើប្រាស់គ្រាប់បែកចង្កោម។ សារលិខិតនេះបានជូនចំពោះលោកឯកអគ្គរាជទូត Theppitak ដោយបានសរសេរថា
រាជធានីភ្នំពេញ ៖ សារលិខិតមួយច្បាប់ចុះថ្ងៃទី២ ឧសភា របស់អ្នកស្រី Mary Wareham អ្នកសម្របសម្រួលអង្គការសម្ព័ន្ធគ្រាប់បែកចង្កោមណូវែលហ្សេឡង់ Aotearoa បានធ្វើជាផ្លូវការទៅកាន់ស្ថានទូតថៃស្តីពីការប្រើប្រាស់គ្រាប់បែកចង្កោម។ សារលិខិតនេះបានជូនចំពោះលោកឯកអគ្គរាជទូត Theppitak ដោយបានសរសេរថា «ខ្ញុំសរសេរលិខិតនេះជំនួសមុខឱ្យអង្គការសម្ព័ន្ធគ្រាប់បែកចង្កោមណូវែលហ្សេឡង់ Aotearoa (ANZCMC) ដើម្បីសម្តែងនូវក្តីកង្វល់យ៉ាងជ្រាលជ្រៅរបស់យើងចំពោះការប្រើប្រាស់គ្រាប់បែកចង្កោមរបស់ថៃក្នុងអំឡុងពេលជម្លោះព្រំដែនជាមួយនឹងកម្ពុជាកាលពីខែកុម្ភៈ ឆ្នាំ២០១១។ ANZCMC សូមជំរុញឱ្យប្រទេសថៃចូលរួមនៅក្នុងអនុសញ្ញាឆ្នាំ២០០៨ ស្តីអំពីគ្រាប់បែកចង្កោមជាបន្ទាន់»។
សារលិខិតបន្តថា នៅពេលចុងក្រោយនេះ យើងខ្ញុំបានសរសេរលិខិតទៅកាន់ស្ថានទូតថៃនៅថ្ងៃទី២៩ មេសា ឆ្នាំ២០១០ និងថ្ងៃទី២៧ តុលា ឆ្នាំ២០០៨ ប៉ុន្តែមិនដែលបានទទួលការឆ្លើយតបម្តងណាឡើយ។ ឈរលើការស៊ើបអង្កេតដល់ទីតាំងដាច់ដោយឡែកពីគ្នា អង្គការសម្ព័ន្ធគ្រាប់បែកចង្កោម (CMC) បានធ្វើសេចក្តីសន្និដ្ឋានកាលពីខែកន្លងទៅថា ថៃបានប្រើគ្រាប់បែកចង្កោមមកលើទឹកដីកម្ពុជា ក្នុងអំឡុងពេលជម្លោះព្រំដែនកាលពីខែកុម្ភៈ ឆ្នាំ២០១១។ ថៃបានបញ្ជាក់អះអាងពីការប្រើប្រាស់គ្រាប់បែកចង្កោមប្រភេទ ១៥៥ មិល្លីម៉ែត្រ Dual Purpose Improved Conventional Munition (DPICM) ដែលផ្ទុកទៅដោយគ្រាប់បែកតូចៗជាច្រើន។ ប្រជាជនកម្ពុជា២រូបបានបាត់បង់ជីវិតដោយសារគ្រាប់ប្រភេទនេះ ហើយ២នាក់ផ្សេងទៀតបានរងរបួស។
ទោះបីជាយ៉ាងណាក៏ដោយ ថៃបានអះអាងថា ខ្លួនមិនបានចាត់ទុកគ្រាប់ DPICM ជាគ្រាប់បែកចង្កោមទេ។ យើងមិនយល់ស្របយ៉ាងដាច់អហង្ការជាមួយនឹងទស្សនៈនេះ ដោយសារតែគ្រាប់ DPICM យ៉ាងច្បាស់លាស់ និងដោយគ្មានការសង្ស័យស្ថិតនៅក្នុងនិយមន័យគ្រាប់បែកចង្កោម ដែលមាននៅក្នុងអនុសញ្ញាឆ្នាំ២០០៨ ស្តីអំពីគ្រាប់បែកចង្កោម ដែលបានចុះហត្ថលេខាដោយរដ្ឋចំនួន១០៨ រួមទាំងណូវែលហ្សេឡង់ផងដែរ។ ការប្រើប្រាស់គ្រាប់បែកចង្កោម DPICM ជាមួយនឹងគ្រាប់បែកតូចៗ M85 ដោយអង់គ្លេសនៅក្នុងប្រទេសអ៊ីរ៉ាក់ ឆ្នាំ២០០៣ ដោយអ៊ីស្រាលអែល ក្នុងប្រទេសលីបង់ ឆ្នាំ២០០៦ ដោយ Georgia ឆ្នាំ២០០៨ បានបណ្តាលឱ្យរបួស និងបាត់បង់ជីវិតជនស៊ីវិលយ៉ាងច្រើន។
យើងសូមទាមទារឱ្យថៃចាត់វិធានការជាបន្ទាន់ដើម្បីបញ្ឈប់ការប្រើប្រាស់គ្រាប់បែកចង្កោម រួមទាំង DPICM ហើយនឹងចូលរួមនៅក្នុងអនុសញ្ញាឆ្នាំ២០០៨ ស្តីអំពីគ្រាប់បែកចង្កោមជាបន្ទាន់។ លើសពីនេះទៅទៀត យើងសុំជំរុញឱ្យថៃស្វះស្វែងរកដំណោះស្រាយការទូតដោយសន្តិវិធីចំពោះជម្លោះរបស់ខ្លួនជាមួយនឹងកម្ពុជា។ យើងសូមស្វាគមន៍នូវឱកាសដើម្បីពិភាក្សាបញ្ហានេះដោយផ្ទាល់ជាមួយគ្នា។ យើងខ្ញុំរង់ចាំទទួលការឆ្លើយតបពីឯកឧត្តម។ លិខិតនេះបានចម្លងជូន Hon Georgina Te Heuheu រដ្ឋមន្ត្រីទទួលបន្ទុកការកាត់បន្ថយ និងត្រួតពិនិត្យសព្វាវុធ និង Laura Cheeseman នាយកអង្គការសម្ព័ន្ធគ្រាប់បែកចង្កោម៕
ចែករំលែកព័តមាននេះ