អ៊ុយក្រែនប៉ងវា.យប្រហារដោយដ្រូននិងមីស៊ីលលើគ្រីមេ ជាពិសេសស្ពាន
សង្គ្រាមអ៊ុយក្រែន ៖ ក្រសួងការពារប្រទេសរុស្ស៊ីអះអាងកាលពីថ្ងៃ ទី១២ សីហាថា បានបំផ្លាញ
សង្គ្រាមអ៊ុយក្រែន ៖ ក្រសួងការពារប្រទេសរុស្ស៊ីអះអាងកាលពីថ្ងៃ ទី១២ សីហាថា បានបំផ្លាញ
ការប៉ុនប៉ងរបស់ដ្រូនអ៊ុយក្រែន២០គ្រឿងវាយប្រហារតំបន់គ្រីមេ ។
ក្រសួងនោះនិយាយថា នាយប់ថ្ងៃទី១១ មក១២ សីហា មានការប៉ុនប៉ងវាយប្រហារភេរវកម្មប្រឆាំង គោលដៅនានា នៅឧបទ្វីបគ្រីមេរបស់់អ៊ុយក្រែន ដោយប្រើដ្រូន២០គ្រឿងប៉ន្តែការប៉ុនប៉ងនោះបានត្រូវបំផ្លាញ ។ ដ្រូនអ៊ុយក្រែន១៤គ្រឿងត្រូវស្ទាក់កម្ទេចដោយប្រព័ន្ធការពារអាកាស និង៦គ្រ៉ឿងទៀតបាញ់ទម្លាក់ដោយមធ្យោបាយសង្គ្រាមអេឡិចត្រូនិក ។ ការវាយប្រហារនោះពុំបណ្ដាលឲ្យមានជនរងគ្រោះឬការខូចខាតនានាឡើយ ។ ម្យ៉ាងទៀតកងទ័ពរុស្ស៊ីអះអាងនាថ្ងៃទី១១ សីហា ថាបានបាញ់ទម្លាក់ដ្រូនអ៊ុយក្រែន១គ្រឿងខាងលិចក្រុងមូស្គូ ខណៈអ៊ុយក្រែនបង្កើនការវាយប្រហារបែបនេះសំដៅរដ្ឋធានីរុស្ស៊ី ។ ដ្រូនមួយរបស់អ៊ុយក្រែងក៏ត្រូវរុស្ស៊ីបាញ់ទម្លាក់ពីលើតំបន់បែលហ្គោរ៉ូដផងដែរ ។
ម្យ៉ាងវិញទៀតនាថ្ងៃទី១២ សីហា ស្ពានគ្រីមេរងការវាយប្រហារជាថ្មីពីសណាក់កងទ័ពអ៊ុយក្រែន ។ អាជ្ញាធរមូលដ្ឋាន និងកងទ័ពរុស្ស៊ីប្រកាសថា ការវាយប្រហារជដោយគ្រាប់មីស៊ីលអ៊ុយក្រែនប្រឆាំងស្ពានគ្រីមេ ត្រូវរារាំងកាលពីថ្ងៃទី១២ សីហា ។ តាមក្រសួងការពារប្រទេសរុស្ស៊ីថា ស្ពាននេះប៉ងវាយប្រហារដំបូងដោយមីស៊ីលការពារអាកាស១គ្រាប់ធុន S-200 ដែលកែមកជាមីស៊ីលវាយប្រហារលើដី ។ មីស៊ីលនោះត្រូវបានចាប់ឃើញទាន់ពេល និងស្ទាក់កម្ទេចលើអាកាសដោយប្រព័ន្ធការពារអាកាស ។
ពុំមានជនរងគ្រោះឬការខូចខាតឡើយ ។ ប៉ុន្តែតាមតេឡេក្រាមមេដឹកនាំគ្រីមេលោកស័រហ្គេយអាក់ស៊ីយ៉ូណូវគូសបញ្ជាក់ថា មានមីស៊ីលអ៊ុយក្រែនដល់២គ្រាប់ វាយប្រហារសំដៅស្ពានគ្រីមេ មិនមែន១គ្រាប់ឡើយ ហើយត្រូវបាញ់ទម្លាក់នៅច្រកសមុទ្រគ្រីមេ ។
ទោះបីយ៉ាងណាគេឃើញពពកផ្សែងនៅតាមកន្លែងជាច្រើននៃស្ពានគ្រីមេមានប្រវែង១៨គីឡូ
ម៉ែត្រ ដូចគេឃើញតាមរូបភាពវីដេអូ ។ ប៉ុន្មានម៉ោងក្រោយមកមានការវាយប្រហារថ្មីមួយទៀត ដោយមីសីុល S-200 កែច្នៃដែលក៏ត្រូវស្ទាក់កម្ទេចលើអាកាសដែរ ៕
ចែករំលែកព័តមាននេះ