អ៊ុយក្រែនដកតំណែងបណ្ដាមន្ត្រីទទួលបន្ទុករើសទ័ព ព្រោះមូលហេតុម្យ៉ាង
សង្គ្រាមអ៊ុយក្រែន ៖ ប្រឈមមុខនឹងការលុកលុយរបស់រុស្ស៊ីអស់ពេលជាង១ឆ្នាំមកហើយអ៊ុយក្រែន
សង្គ្រាមអ៊ុយក្រែន ៖ ប្រឈមមុខនឹងការលុកលុយរបស់រុស្ស៊ីអស់ពេលជាង១ឆ្នាំមកហើយអ៊ុយក្រែនពេលនេះកំពុងប្រឈមមុខនឹងរឿងឈឺក្បាលមួយទៀតគឹរឿងពុករលួយ ។
ប្រធានាធិបតីអ៊ុយក្រែន លោកវ៉ូឡូឌីមៀរហ្សេឡេនស្គី ប្រកាសកាលពីថ្ងៃទី១១ សីហា ពីការដកហូតតំណែងមន្ត្រីតំបន់ទាំងអស់ទទួលបន្ទុកខាងជ្រើសរើសទាហាន បន្ទាប់ពីការស៊ើបអង្កេតធំមួយ ។ ក្នុងចំណោមមន្ត្រីទាំងនោះមួយចំនួនសង្ស័យបង្កើតប្រព័ន្ធប្រមូលទ្រព្យតាមរយៈការក្លែងបន្លំ ។ ពួកគេទទួលការសូកប៉ាន់ ដែលអាចឲ្យអ្នកសូកគេចផុតពីកាតព្វកិច្ចយោធាក្នុងពេលប្រទេសកំពុងមានសង្គ្រាម ។
ប្រធានាធិបតីរូបនោះលើកឡើងតាមតេឡេក្រាមថា ពួកគេជាអ្នកប្រមូលទ្រព្យដោយខុសច្បាប់ធ្វើបែបបទយ៉ាងណាឲ្យទទួលបានមូលនិធិដោយខុសច្បាប់ ស្វែងរកលាភសក្ការៈខុសច្បាប់ ធ្វើដំណើររកស៊ីដោយខុសច្បាប់ឆ្លងកាត់ព្រំដែន។
ដំណោះស្រាយរបស់យើងគឺយើងដកតំណែងស្នងការយោធាទាំងអស់ ។ លោកបញ្ជាក់ថាការ
ស៊ើបអង្កេតពីបទឧក្រិដ្ឋលើមនុស្ស១១២នាក់ ត្រូវបានបើកធ្វើបន្ទាប់ពីការឆែកឆេររបស់អង្គការប្រឆាំងពុករលួយរបស់ភ្នាក់ងារស៊ើបការណ៍និងរបស់រដ្ឋអយ្យការ ។
លោកហ្សេឡេនស្គីបានចេញបញ្ជាថា បណ្ដាអ្នកដកតំណែងត្រូវជំនួសដោយបណ្ដាអតីតយុទ្ធជន ដែលធ្លាប់ប្រយុទ្ធនៅលើទីលានប្រឆាំងកងទ័ពរុស្ស៊ី ។ អំពើវៀចវេរនិងពុករលួយគឺជាអំពើក្បត់ ៕
ចែករំលែកព័តមាននេះ