ជំនួយការ និងទីប្រឹក្សាផ្ទាល់ប្រធានគណបក្សខ្មែរតែមួយ ត្រូវចាប់ខ្លួនពាក់ព័ន្ធករណីរត់ការចែកដីជូនពលរដ្ឋ ដោយមិនស្របច្បាប់
- ក្រចេះ
ខេត្តក្រចេះ ៖ មនុស្ស២ នាក់ដែលតាមការអះអាងថា ម្នាក់ជាជំនួយការ និងម្នាក់ជាទីប្រឹក្សាផ្ទាល់
ខេត្តក្រចេះ ៖ មនុស្ស២ នាក់ដែលតាមការអះអាងថា ម្នាក់ជាជំនួយការ និងម្នាក់ជាទីប្រឹក្សាផ្ទាល់
ខេត្តក្រចេះ ៖ មនុស្ស២ នាក់ដែលតាមការអះអាងថា ម្នាក់ជាជំនួយការ និងម្នាក់ជាទីប្រឹក្សាផ្ទាល់របស់ប្រធានគណៈបក្សខ្មែរតែមួយ កាលពីថ្ងៃទី១២ ខែសីហា ឆ្នាំ២០២៣ ត្រូវបានកម្លាំងសមត្តកិច្ចនគរបាលខេត្តក្រចេះធ្វើការឃាត់ខ្លួន ពាក់ព័ន្ធករណី ឆបោក «រត់ការចែកដីធ្លីជូនប្រជាពលរដ្ឋ ដោយមិនស្របច្បាប់» ។
ជនសង្ស័យម្នាក់ឈ្មោះ ស៊ុន សាមេឃ ភេទប្រុស អាយុ៥១ ឆ្នាំ មុខរបរ ជាជំនួយការ ប្រធានគណបក្សខ្មែរតែមួយ រស់នៅភូមិក្តី សង្កាត់ព្រៃតាហ៊ូ ក្រុងស្ទឹងត្រែង ខេត្តកំពង់ធំ ។ និង ម្នាក់ឈ្មោះ លាម ចំរើន ភេទប្រុស អាយុ៦១ ឆ្នាំ (តាមចម្លើយអះអាងថា ខ្លួនជាតំណាងរាស្ត្រគណបក្សខ្មែរតែមួយ មានទីលំនៅភូមិសាមគ្គី ឃុំស្វាយជ្រះ ស្រុកស្នួល ខេត្តក្រចេះ ។
តាមសេចក្តីរាយការឲ្យដឹងថា នៅព្រឹកថ្ងៃទី១២ ខែសីហា ឆ្នាំ២០២៣ នៅផ្ទះរបស់ឈ្មោះ លាម ចំរើន ភូមិសាមគ្គី ឃុំស្វាយ ជ្រះ ស្រុកស្នួល ខេត្តក្រចេះ មានករណីឆបោក (រត់ការចែកដីជូនប្រជាពលរដ្ឋ) នៅចំណុចអូរនិមិត្ត ភូមិសាមគ្គី ឃុំស្វាយជ្រះ ស្រុកស្នួល ខេត្តក្រចេះ បង្កឡើងដោយជនសង្ស័យចំនួន២ នាក់ ដូចមានឈ្មោះខាងលើនេះ ដោយជនសង្ស័យបានធ្វើសកម្មភាពគៀរគរប្រមូលប្រជាពលរដ្ឋឲ្យចុះបញ្ផី ដើម្បីយកទៅរត់ការចែកដី នៅចំណុចអូរនិមិត្ត ភូមិសាមគ្គី ស្រុកស្នួល ខេត្តក្រចេះ ដោយសន្យា ផ្តល់ដីជូនប្រជាពលរដ្ឋ ក្នុងមួយគ្រួសារពី ២ ហិកតាទៅ ៥ហិកតា ។
ក្រោយពីទទួលបានព័ត៌មាននេះ ក្រុមការងារគណៈបញ្ផាការឯកភាពស្រុក រួមមាន កម្លាំងនគរបាល និងកម្លាំងអាវុធហត្ថ ដឹកនាំដោយលោក គា ណុច អភិបាលរងស្រុកស្នួល បានចុះទៅដល់កន្លែងកើតហេតុ ដោយធ្វើការពិនិត្យ និងស្រាវជ្រាវ ទើបឃាត់ខ្លួនជនសង្ស័យទាំង២ នាក់ ហើយក៏បានដកហូតវត្ថុតាង ៖ បញ្ផីឈ្មោះប្រជាពលរដ្ឋចំនួន៣១៩ច្បាប់, កាតគណបក្សចំនួន១, អត្តសញ្ញាណប័ណ្ណចំនួន១, សៀវភៅដាក់នាមប័ណ្ណចំនួន១ក្បាល, កាបូបដៃ១, លុយចំនួន១៥ ម៉ឺនរៀល, ទូរស័ព្ទ១គ្រឿងម៉ាក ViVo, ហឹបដែកមានឯកសារចំនួន២, កាតាបដាក់ឯកសារផ្សេងៗ ចំនួន៣, សាក់កាដូដាក់ខោអាវ៣ និងសំភារៈប្រើប្រាស់ផ្សេងៗទៀត ។
នៅចំពោះមុខសមត្ថកិច្ច ជនសង្ស័យទាំង២នាក់បានសារភាពប្រហាក់ប្រហែលគ្នាថា ពួកគាត់ពិតជាបានធ្វើសកម្មភាពគៀរគរ ប្រមូលប្រជាពលរដ្ឋបានចំនួន៣១៩គ្រួសារដូចជា ៖ ខេត្តក្រចេះ ៨៨ គ្រួសារ, ខេត្តត្បូងឃ្មុំ ២០៦គ្រួសារ, ខេត្តកណ្តាល២ គ្រួសារ, ខេត្តព្រះសីហនុ២គ្រួសារ, ខេត្តសៀមរៀប១ គ្រួសារ, ខេត្តកំពង់ចាម៤ គ្រួសារ, ខេត្តព្រៃវែង៦ គ្រួសារ, ខេត្តស្វាយរៀង៤ គ្រួសារ
ខេត្តកំពង់ឆ្នាំង១គ្រួសារ, ខេត្តបាត់ដំបង១គ្រួសារ, ខេត្តឧត្តរមានជ័យ១គ្រួសារ និងខេត្តកំពត១គ្រួសារ ដើម្បីចុះបញ្ផីឈ្មោះ ស្នើសុំទៅថ្នាក់ដឹកនាំចែកដីនៅចំណុចអូរនិមិត្ត ស្ថិតនៅភូមិសាមគ្គី ឃុំស្វាយជ្រះ ស្រុកស្នួល ខេត្តក្រចេះ ជូនប្រជាពលរដ្ឋក្នុងមួយគ្រួសារចំនួន២ហិកតាទៅ៥ហិចតាប្រាកដមែន ។
ដោយឡែកថវិកាដែលប្រជាពលរដ្ឋផ្តល់ជូនឲ្យពួកគាត់ចំនួន១៥ម៉ឺនរៀល គឺឲ្យដោយស្ម័គ្រចិត្តពួកគាត់ទាំង២នាក់ពុំបានទាមទារនោះទេ ។ ជនសង្ស័យត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបញ្ចូនទៅការិយាល័យជំនាញខេត្ត ចាត់ការបន្តតាមនីតិវិធី ៕
ចែករំលែកព័តមាននេះ