ខេត្ដកណ្ដាល ៖ ករណីឃា-ត-ក-ម្មមួយបានកើតឡើង កាលពីវេលាម៉ោង៣កន្លះទៀបភ្លឺឈាន
ចូលថ្ងៃទី១២ ខែសីហា ឆ្នាំ២០២៣ ស្ថិតនៅភូមិថ្មី ឃុំសន្លុង ស្រុកខ្សាច់កណ្តាល ខេត្តកណ្តាល បណ្តាលឲ្យជនរងគ្រោះ២នាក់ប្តីប្រពន្ធជាថៅកែចិញ្ចឹមទាទិញ-លក់ពងទា និងចំណីសត្វទាស្លា-ប់បាត់បង់ជីវិតកំពុងដេកនៅលើគ្រែក្រោមផ្ទះ ដែលហេតុការណ៍នេះ បង្កឡើងដោយជនមិនស្គាល់មុខ១ក្រុមបានចូលទៅបាញ់ប្រហារ រួចគេចខ្លួនបាត់អស់ ។
ជនរងគ្រោះខាងលើ ឈ្មោះ ម៉ុច ម៉ៅ ភេទប្រុស អាយុ៤៧ឆ្នាំ មុខរបរចិញ្ចឹមសត្វទាទិញលក់ពងទា និងលក់ចំណីសត្វទា (ជាប្តី) ដែលអ្នកស្រុកគេតែងតែហៅថា ថៅម៉ៅ ៗ និងម្នាក់ឈ្មោះ គល់ ហ៊ាន់ អាយុ៤៥ឆ្នាំ ជាប្រពន្ធ (ស្លាប់នៅកន្លែងកើតហេតុ) ។ ក្រោយកើតហេតុ កម្លាំងសមត្ថកិច្ចបានចុះទៅដល់ និងបានពិនិត្យឃើញវត្ថុតាង ៖.សំបកគ្រាប់កាំភ្លើងចំនួន៩ គ្រាប់ .ក្បាល់គ្រាប់កាំភ្លើងចំនួន៣ ។
តាមការបំភ្លឺពីសាក្សីជាសាច់ញាតិជនរងគ្រោះឲ្យដឹងថា នៅវាលាម៉ោងប្រហែល១០យប់ថ្ងៃទី១១ ខែសីហា ឆ្នាំ២០២៣ ជនរងគ្រោះទាំង២នាក់ប្តីប្រពន្ធ បាននាំគ្នាចូលទៅសម្រាន្តនៅលើគ្រែក្រោមផ្ទះរបស់ខ្លួនដូចសព្វដង ។ ចំណែកកម្មករដើរប្រមូលពងទាម្នាក់ឈ្មោះ ស៊ាន់ សេងហ័ង ភេទប្រុស អាយុ១៩ឆ្នាំ ក៏ដេកនៅលើគ្រែមួយទៀតនៅក្បែរជនរងគ្រោះដែរ រីឯកូនបង្កើត និងកូនប្រសារ ដេកក្នុងបន្ទប់នៅលើផ្ទះ ។
សាក្សីបន្តថា លុះដល់វេលាម៉ោងប្រហែល៣កន្លះទៀបភ្លឺ ស្រាប់តែមានជនមិនស្គាល់អត្តសញ្ញាណ១ក្រុមបានចូលទៅបាញ់ប្រហារជនរងគ្រោះ២នាក់ប្តីប្រពន្ធជាច្រើនគ្រាប់ បណ្តាលឲ្យស្លាប់បាត់បង់អាយុជីវិតភ្លាមៗ ។ ករណីខាងលើនេះ សមត្ថកិច្ចកំពុងដុតដៃដុតជើងធ្វើស្រាវជ្រាវ ដើម្បីកំណត់មុខសញ្ញាតាមចាប់ខ្លួនជនសង្ស័យនាំមកផ្តន្ទាទោសតាមផ្លូវច្បាប់ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ