មន្ទីរប្រឆាំងបទល្មើសគ្រឿ.ងញៀ.ន នៃអគ្គស្នងការដ្ឋាននបាលជាតិ បានបង្ហាញលទ្ធផលស្តីពីកិច្ចសហប្រតិបត្តិការបង្ក្រាបជួញដូរគ្រឿ.ងញៀ.នមួយករណី ដោយឃាត់ខ្លួនឈ្មួញជនជាតិថៃចំនួន២នាក់ និងសារធាតុញៀ.នជិត
រាជធានីភ្នំពេញ ៖ នៅព្រឹកថ្ងៃទី១១ ខែសីហា ឆ្នាំ២០២៣នេះ មន្ទីរប្រឆាំងបទល្មើសគ្រឿ.ងញៀ.ន នៃអគ្គស្នងការដ្ឋាននបាលជាតិ បានបង្ហាញលទ្ធផលស្តីពីកិច្ចសហប្រតិបត្តិការបង្ក្រាបជួញដូរគ្រឿ.ងញៀ.នមួយករណី ដោយឃាត់ខ្លួនឈ្មួញជនជាតិថៃចំនួន២នាក់ និងសារធាតុញៀ.នជិត៥០០គីឡូក្រាម។ ពិធីបង្ហាញស្នាដៃនេះធ្វើឡើងដោយលោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿ.ងញៀ.ន និងមានការចូលរួមពីក្រឡាបញ្ជី តំណាងឲ្យព្រះរាជអាជ្ញារងអមសាលាដំបូងរាជធានីភ្នំពេញ ដែលចុះប្រតិបត្តិការបង្ក្រាបជាក់ស្តែងផងដែរ។
លោកឧត្តមសេនីយ៍ឯក ឃឹង សារ៉ាត់ បានថ្លែងឲ្យដឹងថា ដោយអនុវត្តតាមបញ្ជាឯកឧត្តមនាយឧត្ដមសេនីយ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តមនាយឧត្ដមសេនីយ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿ.ងញៀ.ន ក្រោមការបញ្ជាដឹកនាំពីរូបលោកផ្ទាល់ កាលពីថ្ងៃទី០៨ ខែសីហា ឆ្នាំ២០២៣ ដោយសមត្ថកិច្ចជំនាញនៃ មន្ទីរប្រឆាំងគ្រឿ.ងញៀ.ន (ក៤) ដឹកនាំដោយលោកវរសេនីយ៍ទោ ឃឹង សេរី នាយករងមន្ទីរ និងលោកវរសេនីយ៍ឯក ទេព សំផន នាយការិយាល័យ (ក៤) ចូលរួមសហការពីកម្លាំងជំនាញនៃស្នងការដ្ឋាននគរបាលរាជធានីភ្នំពេញ លោក វង្ស សាវ៉ាត ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានធ្វើការស្រាវជ្រាវរយៈពេលជាង២ខែ និងឈានបើកកិច្ចប្រតិបត្តិការបង្ក្រាបក្រុមឧក្រិដ្ឋជនចរាចរគ្រឿ.ងញៀ.នឆ្លងដែន ពីតំបន់ត្រីកោណមាស ឆ្លងកាត់ឡាវចូលមកកម្ពុជា នៅ២គោលដៅផ្សេងគ្នាជាបន្តបន្ទាប់។
ដោយគោលដៅទី១- នៅមុខផ្ទះសំណាក់ «កណ្តាលស្ទឹង ព្រែកជ្រៃ» តាមផ្លូវលំ ស្ថិតក្នុងភូមិព្រែកជ្រៃ សង្កាត់ស្ពានថ្ម ខណ្ឌដង្កោ និងគោលដៅទី២- នៅចំណុចបុរីមួយកន្លែង ផ្លូវលេខ P-08 ស្ថិតក្នុងសង្កាត់ភ្នំពេញថ្មី ខណ្ឌសែនសុខ។ ជាលទ្ធផល គឺឃាត់ខ្លួនជនសង្ស័យជាជនជាតិថៃចំនួន២នាក់ ក្នុងនោះរួមមាន ៖ ១- ឈ្មោះ SAELEE CHALOEMRAT ភេទប្រុស អាយុ៣០ឆ្នាំ និង២- ឈ្មោះ SAEYANG THAVON ភេទប្រុស អាយុ៣៤ឆ្នាំ។ ចំណែកវត្ថុតាងដែលចាប់បាន មានដូចជា ៖ ១- សារធាតុញៀ.ន ប្រភេទមេតំហ្វេតាមីន ចំនួន៤៦៥ដុំ ស្មើនឹងទម្ងន់៤៦៥គីឡូក្រាម ៦៥១ក្រាម និង២- ទូរស័ព្ទ ២គ្រឿង។
ក្រោយពីបញ្ចប់ពិធីបង្ហាញមុខជនសង្ស័យទាំង២នាក់ រួមនឹងវត្ថុតាង សមត្ថកិច្ចបានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីនៃច្បាប់៕
ចែករំលែកព័តមាននេះ