ប្រាក់រូប្លិ៍រុស្ស៊ីធ្លាក់ចុះដល់កម្រិតទាបបំផុតលើកដំបូង ចាប់តាំងពីផ្ទុះសង្គ្រាមនៅអ៊ុយក្រែន
រុស្ស៊ី ៖ ប្រាក់រូប្លិ៍របស់រុស្ស៊ី នៅក្នុងរយៈពេលប៉ុន្មានថ្ងៃថ្មីៗនេះ បានធ្លាក់ចុះដល់កម្រិតទាបបំផុតជា
រុស្ស៊ី ៖ ប្រាក់រូប្លិ៍របស់រុស្ស៊ី នៅក្នុងរយៈពេលប៉ុន្មានថ្ងៃថ្មីៗនេះ បានធ្លាក់ចុះដល់កម្រិតទាបបំផុតជា
រុស្ស៊ី ៖ ប្រាក់រូប្លិ៍របស់រុស្ស៊ី នៅក្នុងរយៈពេលប៉ុន្មានថ្ងៃថ្មីៗនេះ បានធ្លាក់ចុះដល់កម្រិតទាបបំផុតជាលើកដំបូង ធៀបនឹងប្រាក់ដុល្លារអាមេរិក ចាប់តាំងពីសង្គ្រាមឈ្លានពានអ៊ុយក្រែនបានចាប់ផ្តើម ដែលនេះគឺជាសញ្ញាមួយផ្សេងទៀតថា សេដ្ឋកិច្ចរបស់រុស្ស៊ី កំពុងរងបន្ទុកយ៉ាងខ្លាំង នៅពេលដែលជម្លោះអូសបន្លាយ គួបផ្សំនឹងទណ្ឌកម្មរបស់លោកខាងលិច។ នេះបើយោងតាមប្រភពពីគេហទំព័រ Business Insider ចេញផ្សាយកាលពីថ្ងៃទី០៨ ខែសីហា ឆ្នាំ២០២៣ កន្លងទៅ។
អត្រាប្តូរប្រាក់ ៩៦រូប្លិ៍រុស្ស៊ីក្នុង១ដុល្លារអាមេរិក នៅក្នុងសន្ទស្សន៍ជួញដូរកាលពីថ្ងៃទី០៨ ខែសីហា ឆ្នាំ២០២៣ ដែលជាអត្រាទាបបំផុត ចាប់តាំងពីប្រធានាធិបតីរុស្ស៊ី វ្លាដឺមៀរ ពូទីន បានចាប់ផ្តើមការលុកលុយនៅក្នុងប្រទេសអ៊ុយក្រែន កាលពីខែកុម្ភៈឆ្នាំមុន ដែលគ្រានោះ ១២០រូប្លិ៍រុស្ស៊ីក្នុង១ដុល្លារអាមេរិក នៅក្នុងសន្ទស្សន៍ការជួញដូរ ប៉ុន្តែបានស្ទុះងើបឡើងវិញយ៉ាងឆាប់រហ័ស ស្របពេលដែលធនាគារកណ្តាលរុស្ស៊ីបានចាត់វិធានការគាំទ្រ។
កាលពីខែកក្កដា កន្លងទៅ រូបិយប័ណ្ណរុស្ស៊ី បានធ្លាក់ចុះចេញពីកម្រិតមានសុវត្ថិភាពមួយសម្រាប់វិមានក្រឹមឡាំង ដែលនេះគឺជាសញ្ញាបង្ហាញពីការព្រួយបារម្ភរបស់ទីផ្សារសម្រាប់ប្រទេសរុស្ស៊ី បន្ទាប់ពីក្រុមទាហានស៊ីឈ្នួល Wagner បានបះបោររយៈពេលខ្លីប្រឆាំងនឹងលោក ពូទីន។
សេដ្ឋវិទូបានបន្លឺសំឡេងរោទិ៍ព្រមាន សម្រាប់សេដ្ឋកិច្ចរបស់ប្រទេសរុស្ស៊ី កាលពីឆ្នាំមុន ខណៈដែលប្រទេសនេះ ត្រូវបានរងការរិះគន់ដោយការដាក់ទណ្ឌកម្ម និងការកើនឡើងនៃការចំណាយលើវិស័យយោធា។ ការរឹតបន្តឹងលើពាណិជ្ជកម្មប្រេង និងឧស្ម័នធម្មជាតិបាននាំឱ្យប្រាក់ចំណូលថាមពលរបស់រុស្ស៊ីធ្លាក់ចុះ ៤៥% នៅក្នុងរយៈពេល៣ខែដំបូងនៃឆ្នាំនេះ។ ទន្ទឹមនឹងនេះ ការចំណាយរបស់រដ្ឋាភិបាលបានកើនឡើង ៣៤% ដែលនាំឱ្យរុស្ស៊ីប្រកាសឱនភាពថវិកាជាតិចំនួន ២៩ពាន់លានដុល្លារក្នុងត្រីមាសទី១ ដែលជាការធ្លាក់ចុះ ១០៧% ពីអតិរេកថវិកា ១៤ពាន់លានដុល្លារ កាលពីឆ្នាំមុន។
មន្ត្រីរុស្ស៊ី បានបង្ហាញពីភាពរឹងចចេសចំពេលមានសង្គ្រាម និងការរងទណ្ឌកម្ម ខណៈដែលលោកពូទីនបានអះអាងថា សេដ្ឋកិច្ចរបស់រុស្ស៊ីពិតជាអាចកើនឡើងនៅឆ្នាំនេះ ជាមួយនឹង GDP លើសពី ២% ប៉ុន្តែការប៉ាន់ប្រមាណទាំងនោះ ត្រូវបានដកចេញពីតួលេខសេដ្ឋកិច្ចផ្លែផ្ការបស់ខ្លួន។ នេះបើយោងតាមប្រភពពីក្រុមអ្នកស្រាវជ្រាវ Yale ដែលបានអះអាងថា សេដ្ឋកិច្ចរបស់រុស្ស៊ីស្ថិតក្រោមរ៉ាដារូបភាពដ៏អាក្រក់៕
ចែករំលែកព័តមាននេះ