រាជធានីភ្នំពេញ ៖ ជនជាតិចិន២នាក់ជាប់ចោទពីបទ.លួ.ចមានស្ថានទម្ងន់ទោស «ប្ល.ន់» និងកាន់កា.ប់អាវុធដោយគ្មានការអនុញ្ញាត កាលពីព្រឹកថ្ងៃទី៩ ខែសីហា ឆ្នាំ២០២៣ ហើយត្រូវបានលោក ធ្ធាំ ប៊ុណ្ណា ចៅក្រមជំនុំជម្រះសាលាដំបូងរាជធានីភ្នំពេញ ប្រកាសសាលក្រមសម្រេចផ្តន្ទាទោសដាក់ពន្ធនាគារ ក្នុងម្នាក់៥ឆ្នាំ ដោយគិតពីថ្ងៃចាប់ខ្លួន និងឃុំខ្លួន។ សាលក្រមនេះ បានប្រកាសធ្វើឡើងជាសាធារណៈ ចំពោះជនជាប់ចោទ និងមេធាវីការពារក្តី ដោយទុកពេលឲ្យប្តឹងឧទ្ធរណ៍ បើសិនជនជាប់ចោទមិនសុខចិត្តចំពោះការកាត់ក្តីនេះ។
ជនជាប់ចោទទាំង២នាក់ខាងលើនេះ ម្នាក់ម្នាក់ឈ្មោះ YAO YUHON G ភេទប្រុស អាយុ៤៣ឆ្នាំ ជនជាតិចិន កាន់លិខិតឆ្លង ដែនលេខ ED ៩៣៧០១៣២ មុខរបរជាបុគ្គលិក និងបើកបររថយន្តនៅកាស៊ីណូជីងលី ស្នាក់នៅអាផាតមិនបាលី១ បន្ទប់លេខ១២អា១ ផ្លូវចៃកា ក្រុម៧៨ ស្ថិតក្នុងភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ និងម្នាក់ទៀតមានឈ្មោះ WANG YANG ភេទប្រុស អាយុ៣៦ឆ្នាំ ជនជាតិចិន កាន់លិខិតឆ្លងដែនលេខ EG ២១៤៦៣៨៣ មុខរបរមិនពិតប្រាកដ ស្នាក់នៅអាផាតមិនបាលី១ បន្ទប់លេខ ១២អា១ ផ្លូវចៃកា ក្រុម៧៨ ស្ថិតភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
សូមជម្រាបថា កាលពីថ្ងៃទី៧ ខែមករា ឆ្នាំ២០២៣ វេលាម៉ោង១៤និង៣០នាទីរសៀល កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានស្រាវជ្រាវឃាត់ខ្លួនជនសង្ស័យចំនួន២នាក់ នៅចំណុចមុខច្រកចូលបុរីចំការមន ផ្លូវព្រះនរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ព័ន្ធករណីអំពើលួ.ចមានស្ថានទម្ងន់ទោសដោយសារការប្រព្រឹត្តអំពើហិ.ង្សា ដោយប្រើប្រាស់អាវុ.ធខ្លីម៉ាក LOCK 19 ពណ៌ខ្មៅ និងកូនកាំបិ.តបត់ម៉ាក Browning ដងឈើ ភ្ជ.ង់ប្ល.ន់យកប្រាក់ចំនួន៧៣៩ដុល្លារអាមេរិក ពីជនរងគ្រោះឈ្មោះ FANG FANG ភេទស្រី អាយុ៣៤ឆ្នាំ នៅចំណុចហាងហួយយ៉ូវ ផ្លូវបេតុង ក្រុម៧៨ ស្ថិតក្នុងភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី៦ ខែមករា ឆ្នាំ២០២៣ វេលាម៉ោង១៧និង៣០នាទីល្ងាច។
ក្រោយធ្វើសកម្មភាព សមត្ថកិច្ចបានស្រាជ្រាវ និងឃាត់ខ្លួនជនសង្ស័យទាំង២នាក់នោះ ដោយដកហូតវត្ថុតាងអាវុ.ធខ្លីម៉ាក LOCK 19 ពណ៌ខ្មៅ ចំនួន១ដើម, បង់អាវុ.ធខ្លីចំនួន២ និងគ្រា.ប់ចំនួន១៧គ្រា.ប់។ បន្ទាប់ពីឃាត់ខ្លួន ជនសង្ស័យរួមនឹងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ហើយតុលាការក៏បានសម្រេចឃុំខ្លួនជនសង្ស័យបណ្តោះអាសន្ន ចាប់ពីពេលនោះរហូតមកដល់ថ្ងៃបើកសវនាការ និងប្រកាសសាលក្រមផ្តនាទោសនាពេលនេះ៕
ចែករំលែកព័តមាននេះ