យោងតាមលោកបប់ អារ៉ាំ អ្នករៀបចំការប្រកួតរបស់ប៉ាក់គីអាវ និងជាប្រធានក្រុមហ៊ុនរៀបចំការប្រកួតនៅអាមេរិកTop Rank Promotions បាននិយាយឲ្យគេដឹងថា ខ្លួននឹងរៀបចំឲ្យមានការជួបគ្នាជាលើកទី៣រវាងកីឡាករចូអាន ម៉ានូអែល ម៉ាកហ្គេស និងម៉ានី ប៉ាក់គីអាវ នៅខែវិច្ឆិកាខាងមុខ ។
ព័ត៌មាននេះអាចជាតន្រ្តីដ៏ពិរោះបំផុតសម្រាប់ត្រចៀករបស់ម៉ាកហ្គេស
យោងតាមលោកបប់ អារ៉ាំ អ្នករៀបចំការប្រកួតរបស់ប៉ាក់គីអាវ និងជាប្រធានក្រុមហ៊ុនរៀបចំការប្រកួតនៅអាមេរិកTop Rank Promotions បាននិយាយឲ្យគេដឹងថា ខ្លួននឹងរៀបចំឲ្យមានការជួបគ្នាជាលើកទី៣រវាងកីឡាករចូអាន ម៉ានូអែល ម៉ាកហ្គេស និងម៉ានី ប៉ាក់គីអាវ នៅខែវិច្ឆិកាខាងមុខ ។
ព័ត៌មាននេះអាចជាតន្រ្តីដ៏ពិរោះបំផុតសម្រាប់ត្រចៀករបស់ម៉ាកហ្គេស ក្នុងខណៈពេលកីឡាកររូបនេះបានកំពុងរង់ចាំយ៉ាងអន្ទះសាចង់ជួបប្រកួតជាមួយប៉ាក់គីអាវជាលើកទី៣។
ម៉ាកហ្គេសបានស្វះស្វែងរកឱកាសជួបប្រកួតជាមួយប៉ាក់គីអាវចាប់តាំងពីឆ្នាំ២០០៨មកម៉្លេះពោលគឺ៤ឆ្នាំបន្ទាប់ពីពួកគេមានលទ្ធផលស្មើគ្នាប្រកួតនៅក្រុងឡាសវេហ្គាស រដ្ឋនេវ៉ាដា កាលពីខែឧសភាឆ្នាំ២០០៤ ។ កាលពី៣ឆ្នាំកន្លងទៅ ម៉ាកហ្គេសបានធ្វើដំណើរទៅកាន់ទីក្រុងម៉ានីលក្នុងគោលបំណងសំពះអង្វរសុំប្រកួតជាមួយប៉ាក់គីអាវ។ ម៉ាកហ្គេសបានអះអាងថា ការប្រកួតចំនួន២លើកកន្លងមកជាមួយប៉ាក់គីអាវ គឺខ្លួនជាអ្នកឈ្នះ តែផ្ទុយទៅវិញការកាត់ក្តីរបស់ចៅក្រមមិនដូចបំណងរបស់គេឡើយ។ ម៉ាកហ្គេសបានស្តីបន្ទោសចៅក្រមថាឲ្យពិន្ទុខុស និងសម្រេចចិត្តមិនត្រឹមត្រូវ។
នៅសង្វៀនប្រកួតMGM Grand លោកអារ៉ាំបានថ្លែងប្រាប់ក្រុមអ្នកយកព័ត៌មានថា ខ្លួនបានសម្រេចចិត្តកំណត់យកខែវិច្ឆិកាសម្រាប់ការប្រកួតបន្ទាប់របស់ប៉ាក់គីអាវ។ ចំណែកទីកន្លែងប្រកួតលោកថាអាស្រ័យលើគូប្រកួតដែលប៉ាក់គីអាវត្រូវជួប។ លោកអារ៉ាំបានបញ្ចេញឈ្មោះកីឡាករមួយចំនួនក្នុងនោះមាន ហ្វ្លយ មេវេដឌ័រ (ពិត) ចូអាន ម៉ានូអែល ម៉ាហ្គេស(អាច)និងអ៊ែនឌ័រ បឺតូ(ប្រហែល) ។
ចាប់តាំងពីពេលដែលលោកអារ៉ាំបានបញ្ចេញឲ្យដឹងពីឈ្មោះកីឡាករ៣នាក់ ដែលអាចក្លាយជាគូប្រកួតបន្ទាប់របស់ប៉ាក់គីអាវរួចមក ម៉ាកហ្គេសហាក់ដូចជាដឹងថា ខ្លួននឹងក្លាយជាមនុស្សម្នាក់ដែលប៉ាក់គីអាវត្រូវជួបក្នុងខែវិច្ឆិកា។ចំណែកមេវេដឌ័រនិងបឺតូមិនស្ថិតនៅក្នុងចិត្តប៉ាក់គីអាវនោះទេ ។
ស្ថានភាពមេវេដឌ័រមិនអាចនិយាយពីការជួបជាមួយប៉ាក់គីអាវបានទេក្នុងពេលនេះ គឺក្នុងខណៈកីឡាករអាមេរិករូបនេះបានជាប់ពាក់ព័ន្ធក្នុងរឿងក្តីមួយចំនួន។ មេវេដឌ័រនឹងត្រូវបង្ហាញខ្លួនក្នុងតុលាការរដ្ឋនេវ៉ាដាឆាប់ៗខាងមុខ ក្នុងរឿងក្តីវាយតប់និងប្រើអំពើហិង្សាលើអតីតមិត្តស្រីរបស់ខ្លួន។ ក្រៅពីនេះរូបគេក៏នឹងប្រឈមនឹងបទចោទប្រកាន់ជាច្រើនទៀតផងដែរ ។ កាលពីប៉ាក់គីអាវប្រកួតជាមួយកីឡាករសេន ម៉ូស្ល៊ីរាត្រីថ្ងៃសៅរ៍កន្លងមកនេះ មេវេដឌ័របានបញ្ជាក់ថាខ្លួនមិនបានយកភ្នែកមើលសូម្បីបន្តិចសោះឡើយ។ ជាជំនួស វេដឌ័របញ្ជាក់ថា ខណៈដែលប៉ាក់គីអាវកំពុងប្រកួត រូបគេកំពុងមើលការសម្តែងរាំច្រៀងរបស់នាងឡេឌី ហ្គាហ្គា។
ចំណែកកីឡាករបឺតូវិញ ឱកាសរបស់គេបានចប់បាត់ទៅហើយ ពោលគឺបន្ទាប់ពីគេបានចាញ់កីឡាករវិចទ័រ អូទីសកាលពីខែមេសា ។
ប៉ុន្តែអ្វីដែលជាការសម្រេចចិត្តចុងក្រោយ មកដល់ពេលនេះ គឺបានលេចចេញជារូបរាងច្បាស់ហើយ។ ឥឡូវនេះម៉ាកហ្គេសគឺជាបេក្ខជនសម្រាប់ការប្រកួតនៅខែវិច្ឆិការបស់ប៉ាក់គីអាវ។
សូមបញ្ជាក់ថា ប៉ាក់គីអាវមានឯតទគ្គកម្មប្រកួតឈ្នះ៥៤លើក ចាញ់៣លើក ស្មើ២លើក និងធ្លាប់ផ្តួលដៃគូឲ្យសន្លប់៣៨លើក។ ឯម៉ាកហ្គេសធ្លាប់ប្រកួតចំនួន៥៨លើកក្នុងនោះឈ្នះ៥២លើក ចាញ់៥លើក ស្មើ១លើក និងផ្តួលដៃគូឲ្យសន្លប់៣៨លើក ៕
ចែករំលែកព័តមាននេះ