ខេត្តសៀមរាប ៖ រាជរដ្ឋាភិបាលធ្លាប់បានចេញអនុក្រិត្យកំណត់ដែនព្រៃលិចទឹកនៅជុំវិញបឹងទន្លេសាប ក្នុងនោះ ដីនៅតំបន់៣ រាជរដ្ឋាភិបាលបានហាមដាច់ខាត មិនអនុញ្ញាតិឱ្យបំផ្លាញកា-ប់ទន្ទ្រានយកដីបង្ក បង្កើនផលនោះឡើយ ក៏ប៉ុន្តែកន្លងទៅថ្មីៗនេះ នៅក្នុងភូមិសាស្ត្រស្រុកប្រាសាទបាគង…
ខេត្តសៀមរាប ៖ រាជរដ្ឋាភិបាលធ្លាប់បានចេញអនុក្រិត្យកំណត់ដែនព្រៃលិចទឹកនៅជុំវិញបឹង
ទន្លេសាប ក្នុងនោះ ដីនៅតំបន់៣ រាជរដ្ឋាភិបាលបានហាមដាច់ខាត មិនអនុញ្ញាតិឱ្យបំផ្លាញកា-ប់ទន្ទ្រានយកដីបង្ក បង្កើនផលនោះឡើយ ក៏ប៉ុន្តែកន្លងទៅថ្មីៗនេះ នៅក្នុងភូមិសាស្ត្រស្រុកប្រាសាទបាគង ខេត្តសៀមរាប ដីព្រៃលិចទឹក ស្ថិតនៅតំបន់៣នោះ មានជនល្មើសឆ្លៀតឱកាសបានកាប់ដើមរាំងទឹកធំៗជាច្រើនដើម ដើម្បីយកដីមកបង្កបង្កើនផលធ្វើជាកម្មសិទ្ធិរបស់ខ្លួន ស្ថិតនៅត្រង់ចំណុចកែងដូនអី ក្នុងឃ្លាំងចង្អើរ ក្រោមទំនប់៧៨ ឃុំកណ្តែក ស្រុកប្រាសាទបាគង ខេត្តសៀម
រាប ។
ប្រភពពីពលរដ្ឋបានរាយការណ៍ថា ការកាប់បំផ្លាញដើមរាំងទឹកធំៗជាច្រើនដើមនោះ គឺជាការកាប់ទន្ទ្រានយកដីព្រៃលិចទឹកក្នុងតំបន់៣នៃបឹងទន្លេសាប ដែលរដ្ឋហាមឃាត់នេះ យកមកធ្វើជាកម្មសិទ្ធិផ្ទាល់ខ្លួន។ ពលរដ្ឋសង្ស័យថា ជនឆ្លៀតឱកាសនោះ ប្រហែលបើកភ្លើងខៀវពីអាជ្ញាធរមូលដ្ឋាន ឬមន្ត្រីជំនាញពាក់ព័ន្ធខ្លះៗហើយ ទើបអាចជនល្មើសធ្វើសកម្មភាពបទល្មើសទាំងអស់នេះ បានដោយរលូននឹងកើតមានជាបន្តបន្ទាប់កន្លងមក ។
ករណីនេះ ពលរដ្ឋបារម្ភថា នឹងមានផលប៉ះពាល់ដល់ដែនជម្រករបស់មច្ឆជាតិកាន់តែខ្លាំងឡើងៗដីនៅតំបន់ទាំងនោះ គឺរាជរដ្ឋាភិបាលបានបែងចែកជាតំបន់១ តំបន់២ និងតំបន់៣ បច្ចុប្បន្ន ដីនៅតំបន់៣នោះ កន្លែងខ្លះៗ រដ្ឋាភិបាលកំពុងរៀបចំធ្វើជាកម្មសិទ្ធិជូនពលរដ្ឋ ។
ជុំវិញករណីខាងលើនេះ លោកសូរ ប្លាតុង អភិបាលស្រុកប្រាសាទបាគង បានឱ្យដឹងតាមរយៈតេលេក្រាម នៅថ្ងៃទី៧ ខែសីហា នេះ ថា លោកបានឱ្យក្រុមការងាររបស់លោកចុះសហការជាមួយមន្ត្រីជលផល ព្រមទាំងមន្ត្រីបរិស្ថាន ដើម្បីចុះពិនិត្យមើល និងហាមឃាត់មិនឱ្យមានសកម្មភាពបែបនេះបន្តទៅទៀត ពីព្រោះការកាប់ដើមរាំងទឹកជាច្រើនដើមនៅតំបន់៣នោះ លោកបានកំណត់មុខសញ្ញារួចហើយដែរ តែទុកឱ្យជំនាញធ្វើការតាមនិតិវិធីច្បាប់ ។
គួររំលឹកផងដែរថា ការកាប់ទន្ទ្រានដីព្រៃលិចទឹកនៅតំបន់៣ដែលរដ្ឋាភិបាលបានហាមឃាត់ក្នុងរយ:ពេលប៉ុន្មានឆ្នាំកន្លងមកនេះ រាជរដ្ឋាភិបាលបានចេញអនុក្រឹត្យកំណត់ដែនព្រៃលិចទឹកនៅជុំវិញបឹងទន្លេសាប ជាបីតំបន់ គឺតំបន់១ តំបន់២ និងតំបន់៣ ។ ដីនៅក្នុងតបន់១ រដ្ឋអាចចេញប័ណ្ណកម្មសិទ្ធិស្របច្បាប់ជូនប្រជាពលរដ្ឋធ្វើជាម្ចាស់កម្មសិទ្ធិស្របច្បាប់។ ដីនៅតំបន់២ រដ្ឋអនុញ្ញាតឱ្យប្រជាពលរដ្ឋបង្កបង្កើនផលបាន ប៉ុន្តែមិនអាចចេញប័ណ្ណកម្មសិទ្ធិឱ្យនោះទេ។
ដោយឡែក ដីនៅតំបន់៣ រាជរដ្ឋាភិបាលហាមឃាត់ដាច់ ខាតមិនអនុញ្ញាតឱ្យកាប់ទន្ទ្រានធ្វើជាកម្មសិទ្ធិបានឡើយ ។ ជាក់ស្តែង កាលពីថ្ងៃទី៧ ខែកក្កដា ឆ្នាំ២០២៣ កន្លងមក នេះ ចំពោះករណីជនឆ្លៀតឱកាស ពួកគេបានកាប់ដើមរាំងទឹកធំៗ ជាច្រើនដើមនៅចំណុចខាងលើនោះ ។
មហាជនបានលើកឡើងថា ជាលទ្ធផលសមត្ថកិច្ចពាក់ព័ន្ធក៏ដូចជា មន្ត្រី ជំនាញអសមត្ថភាព ឬក៍ជាការឃុបឃិតគ្នាជាខ្សែបណ្តោញ រវាងជនល្មើសនិងមន្ត្រីមានសមត្ថកិច្ចជាដើម។ ជាការពិតណាស់ ការឃុបឃិតរវាងមន្ត្រីជាមួយជនល្មើសបានបង្កើតបញ្ហារាប់រយជំពូក និងធ្វើឱ្យមានផលបះពាល់ជាខ្លាំងពាក់ព័ន្ធផ្លូវច្បាប់តែម្តង ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ