ADផ្ទាំងផ្សព្វផ្សាយពាណិជ្ជកម្ម

Picture

ប្រចណ្ឌ​ប្រពន្ធ​​​វាយសម្លា.ប់​ប្អូនថ្លៃ​​​​ គេ​ចខ្លួន​​បាន​​២ថ្ងៃ ​​​​​ចេញមក​សារ​ភាពត្រូវ​​ចាប់​ខ្លួន

14 ឆ្នាំ មុន

រាជធានីភ្នំពេញ ៖ ​ជនជាឃាតក​​វាយ​សម្លា.ប់​​​ប្អូនថ្លៃ​​​ឯង ត្រូវ​​បានប៉ូលិស​​ខណ្ឌដង្កោ​ចាប់​ខ្លួន​​​បន្ទាប់ពី​រូបគេ​​គេចខ្លួន​​​រយៈ​ពេល​​២ថ្ងៃ ហើយ​គ្មាន​​កន្លែង​សម្រាប់​លាក់​ខ្លួន​​ ម្យ៉ាង​ពេល​វាយ​​សម្លា.ប់​នោះ​​មិនដឹង​ថា ជា​ប្អូនថ្លៃ​​នឹកស្មាន​ថា ​​ជា​ប្រុសសហាយ​​របស់​ប្រពន្ធ លុះក្រោយ​​​មក​ទើប​ដឹង​ថា ​ជា​ប្អូនថ្លៃ​​ក៏​បាន​ចេញមក​សារ​ភាព​ទទួលកំហុស​​ និងអុជ​ធូប​សុំ​​ខមាល​ទោសសព ហើយ​ក៏ត្រូវប៉ូលិស​​​ចាប់​ខ្លួន​តែម្តង

រាជធានីភ្នំពេញ ៖ ​ជនជាឃាតក​​វាយ​សម្លាប់​​​ប្អូនថ្លៃ​​​ឯង ត្រូវ​​បានប៉ូលិស​​ខណ្ឌដង្កោ​ចាប់​ខ្លួន​​​បន្ទាប់ពី​រូបគេ​​គេចខ្លួន​​​រយៈ​ពេល​​២ថ្ងៃ ហើយ​គ្មាន​​កន្លែង​សម្រាប់​លាក់​ខ្លួន​​ ម្យ៉ាង​ពេល​វាយ​​សម្លាប់​នោះ​​មិនដឹង​ថា ជា​ប្អូនថ្លៃ​​នឹកស្មាន​ថា ​​ជា​ប្រុសសហាយ​​របស់​ប្រពន្ធ លុះក្រោយ​​​មក​ទើប​ដឹង​ថា ​ជា​ប្អូនថ្លៃ​​ក៏​បាន​ចេញមក​សារ​ភាព​ទទួលកំហុស​​ និងអុជ​ធូប​សុំ​​ខមាល​ទោសសព ហើយ​ក៏ត្រូវប៉ូលិស​​​ចាប់​ខ្លួន​តែម្តង ។ ​ជន​រូបនេះ​ត្រូវ​​ចាប់ខ្លួន​​កាលពីវេលា​ម៉ោង​​១០​និង​៣០នាទី​​​យប់ថ្ងៃទី​​១០ ឧសភា ​​២០១១ ​នៅចំណុច​ផ្ទះកើតហេតុ ​ស្ថិតក្នុង​ភូមិ​​​ដំណាក់ត្រយឹង ​សង្កាត់​​ចោមចៅ ខណ្ឌដង្កោ ។

ជន​​នេះ​​ឈ្មោះ​​​ចូវ ចាន់ថន ​អាយុ​៣០ឆ្នាំ ​​ស្រុក​​​កំណើត​ភូមិ​​​​ភ្នំរន្ទះ ឃុំ​​អង្គប្រាសាទ​​ ស្រុកគិរី​វង់ ខេត្តតាកែវ​។ ចំណែក​ឯ​បុរសជា​ប្អូនថ្លៃ​​​ដែល​ត្រូវ​ជន​ម្នាក់​នេះ​​វាយ​សម្លាប់​​នោះឈ្មោះ​​កែវ សាវ៉ាង អាយុ​​២៥​ឆ្នាំ ​​ជាជាង​ជួសជុលម៉ូតូ​ ស្នាក់​នៅ​​ផ្ទះ​លេខ​​​១១៥E ផ្លូវ​​លេខ​៥E បុរីសន្តិភាព​២ ​ភូមិ​​ដំណាក់​​ត្រយឹង សង្កាត់ចោមចៅ ។ ​គួររំឭក​ផង​ដែរ​ថា ​ហេតុការណ៍​​វាយសម្លាប់​​គ្នានោះ ​កើតឡើង​​កាល​ពីវេលាម៉ោង​​១១​និង​​៥០នាទី​​យប់ថ្ងៃទី​​៨​ ឧសភា ​នៅក្នុង​ភូូមិ​ដំណាក់​​ត្រយឹង​ ។ ​ដោយ​នៅ​មុន​ពេល​កើតហេតុ ​ជន​ជា​ឃាតក​ និងជន​រងគ្រោះ​​ផឹកស៊ី​​ជាមួយគ្នា​​​ច្រៀង​ខារ៉ាអូខេ​​យ៉ាង​សប្បាយ​​​ក្រោយ​មក​ក៏​​មានទំនាស់​គ្នា​កើត​ឡើង ។ ពេល​នោះ​ជនរងគ្រោះ​​បាន​​គេច​ទៅ​ដេក​នៅ​លើផ្ទះ​របស់​​ឪពុកម្តាយ​​ក្មេក​​របស់ជនជា​ឃាត​កនោះ ហើយ​ក៏ត្រូវ​​ជននោះ​​យកឈើជ្រុង​​ទៅ​​តាម​វាយ​សម្លាប់​ ហើយ​​បន្ទាប់មក​​បាន​រត់​គេច​ខ្លួន​បាត់​ស្រមោល ។​

តាមប្រភពព័ត៌​មាន​​​បាន​ឱ្យ​ដឹង​ថា មុនដំបូង​​គេ​ពុំ​បានដឹង​ថា ទំនាស់​នេះ​ផ្តើមចេញពីរឿង​​​អ្វី​នោះ​​​ទេ លុះ​​រយៈ​ពេល​​​២ថ្ងៃ​​​ក្រោយ​មក​​​បន្ទាប់​ពី​គ្មាន​​កន្លែង​​​សម្រាក​​លាក់ខ្លួន​ គ្មានលុយចាយ​​ មិន​អាច​​រត់​ទៅ​បានឆ្ងាយ​​ ជនជា​ឃាតក​​បានចេញ​​មក​សារ​ភាព​ទោស​កំហុស​​ចំពោះក្រុមគ្រួសារ​​ និង​​​អុជធូប​​សុំ​ខមាទោស​ចំពោះសពប្អូនថ្លៃ ហើយ​​ក៏​​ត្រូវប៉ូលិស​ខណ្ឌដង្កោ​​​​ចាប់ខ្លួន​​​តែម្តង៕