ចុះពិនិត្យការចាក់ដីពង្រីកឆ្នេរសមុទ្រខេត្តកែបប្រវែងជាង២គីឡូម៉ែត្រ
- កែប
ខេត្តកែប ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានអមដំណើរដោយឯកឧត្តម សោម ពិសិដ្ឋ អភិបាលខេត្តកែប…
ខេត្តកែប ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានអមដំណើរដោយឯកឧត្តម សោម ពិសិដ្ឋ អភិបាលខេត្តកែប និងមន្ត្រីជំនាញមកពីមន្ទីរផ្សេងៗខេត្តកែប បានចុះពិនិត្យមើលការចាក់ពង្រីកឆ្នេរចាប់ពីវិទ្យាល័យស្បូវ រហូតដល់ផ្សារក្ដាម ក្រុងកែប ខេត្តកែប ប្រវែង២គីឡូ៧០០ម៉ែត្រ។
ការចុះពិនិត្យនេះ គឺបន្ទាប់ពីឯកឧត្តមបានអញ្ជើញចូលរួមក្នុងពិធីផ្សព្វផ្សាយជាផ្លូវការស្ដីពីការដាក់ឱ្យអនុវត្តផែនការមេអភិវឌ្ឍន៍ទេសចរណ៍ខេត្តកែបឆ្នាំ២០២៣ និងឆ្នាំ២០៣៥ និងត្រៀមរៀបចំបុណ្យសមុទ្រលើកទី១០ ជុំទី៣ ដែលបានរៀបចំនៅសាលប្រជុំមុខសាលាខេត្តកែប កាលពីព្រឹកថ្ងៃទី០៧ ខែសីហា ឆ្នាំ២០២៣នោះមក ។
បើទោះជាមិនទាន់បង្ហាញប្លង់ពីការអភិវឌ្ឍន៍តាមបណ្ដោយចាក់ដីថ្មីក៏ដោយ ឯកឧត្តមសោម ពិសិដ្ឋ អភិបាលខេត្តកែប នឹងមានគម្រោងរៀបសួនច្បារបែបស្តង់ដារកម្រឹតខ្ពស់ និងកន្លែងកម្សានផ្សេងៗនៅតាមបណ្ដោយឆ្នេរ ។
ឯកឧត្តមសោម ពិសិដ្ឋ មានប្រសាសន៍ថា លោកនិងគាំទ្រផែនការអភិវឌ្ឍន៍ទេសចរណ៍ខេត្តកែបឆ្នាំ២០២៣ និងឆ្នាំ២០៣៥ និងមានរៀបចំគម្រោងបុណ្យសមុទ្រនៅចុងឆ្នាំ២០២៣ខាងមុខនេះទៀត ដើម្បីឆ្លើយតបទៅនឹងការទទួលធ្វើជាម្ចាស់ផ្ទះក្នុងរៀបចំព្រឹទ្ធការណ៍ធំៗទៀតផង ។
អ្នកជំនាញក៏បានលើកឡើងផងដែរថា ចំពោះឆ្នេរចាក់ដីថ្មីនោះ កំពុងតែរៀបចំគម្រោងធ្វើផ្លូវប្រប់តាមបណ្ដោយឆ្នេរងាយស្រួលអ្នកទេសចរធ្វើដំណើរកម្សាន្តចាប់ពីស្បូវ រហូតដល់ផ្សារក្ដាម បើមានតែកន្លែងលំហែកាយអត់ផ្លូវដើរក៏លំបាកដែរ ។
ចែករំលែកព័តមាននេះ