ខេត្តកំពង់ធំ ៖ ក្រោមការចង្អុលបង្ហាញពីលោកអភិបាលក្រុង និងបញ្ជាពីលោកឧត្តមសេនីយ៍ត្រីស្នងការ អ្នកចែកចាយនិងប្រើប្រាស់គ្រឿងញៀ.ន៣នាក់ក្នុងនោះមានស្រីខារ៉ាអូខេ ២នាក់ផងត្រូវនគរបាលការិយាល័យប្រឆាំងគ្រឿងញៀ.នខេត្ត សហការជាមួយសមត្ថកិច្ចអធិការដ្ឋានក្រុងស្ទឹងសែនឃាត់ខ្លួនកាលពីវេលាម៉ោង១១ និង៥០នាទី
ខេត្តកំពង់ធំ ៖ ក្រោមការចង្អុលបង្ហាញពីលោកអភិបាលក្រុង និងបញ្ជាពីលោកឧត្តមសេនីយ៍ត្រីស្នងការ អ្នកចែកចាយនិងប្រើប្រាស់គ្រឿងញៀន៣នាក់ក្នុងនោះមានស្រីខារ៉ាអូខេ ២នាក់ផងត្រូវនគរបាលការិយាល័យប្រឆាំងគ្រឿងញៀនខេត្ត សហការជាមួយសមត្ថកិច្ចអធិការដ្ឋានក្រុងស្ទឹងសែនឃាត់ខ្លួនកាលពីវេលាម៉ោង១១ និង៥០នាទីព្រឹកថ្ងៃទី៩ ឧសភា បន្ទាប់ពីពួកគេចែកចាយ និងប្រើប្រាស់គ្រឿងញៀននៅក្នុងផ្ទះជួលមួយ ស្ថិតក្នុងភូមិទី១ សង្កាត់កំពង់ធំ ក្រុងស្ទឹងសែន ។
មន្ត្រីនគរបាលក្រុងស្ទឹងសែនឱ្យដឹងថា កម្លាំងសហការបានឃាត់ខ្លួនមនុស្សចំនួន៣នាក់ទី១-ឈ្មោះឡៅ វាសនា ភេទប្រុស អាយុ២១ឆ្នាំ ទីលំនៅក្នុងភូមិទី១ សង្កាត់កំពង់ធំ ទី២-ឈ្មោះគឺ សុគន្ធា ភេទស្រី អាយុ២០ឆ្នាំ ជាស្រីខារ៉ាអូខេ ទីលំនៅក្នុងភូមិក្រចាប់ សង្កាត់អាចារ្យលាក់ ក្រុងស្ទឹងសែន និងទី៣-ឈ្មោះហេង ធារី ភេទស្រី អាយុ២២ឆ្នាំ ជាស្រី្តខារ៉ាអូខេ ស្នាក់នៅផ្ទះជួលកើតហេតុ និងមានទីលំនៅក្នុងភូមិពុកប្ញស្សី ឃុំពុកប្ញស្សី ស្រុកខ្សាច់កណ្ដាល ខេត្តកណ្ដាល ។ សមត្ថកិច្ចដកហូតបានវត្ថុតាងរួមមានគ្រឿងញៀនប្រភេទម្សៅមេតំហ្វេតាមីន (ម៉ាទឹកកក)ចំនួន២កញ្ចប់ធំ និងសំភារជក់មួយចំនួន។
មន្ត្រីនគរបាលប្រឆាំងគ្រឿងញៀនខេត្តបានឱ្យដឹងថា ក្រោយទទួលព័ត៌មានពីករណីចែកចាយគ្រឿងញៀននៅចំណុចនោះ លោកបានរាយការណ៍សុំយោបល់ពីថ្នាក់ដឹកនាំ និងបានសហការបង្ក្រាបនៅផ្ទះជួលរបស់ឈ្មោះទី ធីរ៉ាវុធ ស្ថិតក្នុងភូមិទី១ សង្កាត់កំពង់ធំ ដែលក្នុងនោះសមត្ថកិច្ចឃាត់ខ្លួនមនុស្ស៣នាក់ ខណៈដែលពួកគេកំពុងធ្វើសកម្មភាពចែកចាយ និងប្រើប្រាស់ជាក់ស្ដែង ។
ប្រជាជននៅទីនោះមានការភ្ញាក់ផ្អើលយ៉ាងខ្លាំងពេលសមត្ថកិច្ចទៅបង្ក្រាប ហើយពួកគាត់និយាយថា កន្លងមកឃើញមនុស្សប្លែកៗមុខជាច្រើនចេញចូលទៅរកស្រីៗទាំងនោះ តែពួកគាត់មិនចាប់អារម្មណ៍ទេ ។ ក្រោយពីកសាងសំណុំរឿងបញ្ចូនខ្លួនអ្នកទាំង៣ទៅសាលាដំបូងកាលពីថ្ងៃទី១០ ឧសភា រួចហើយនោះ នៅរសៀលថ្ងៃដដែលអ្នកយកព័ត៌មានយើងបានប្រទះឃើញសិស្សថ្នាក់វិទ្យាល័យមួយក្រុមដែលគេចសាលាបានទៅជួបជុំគ្នាក្នុងខ្យូសអាហារដ្ឋាន១ម្ដុំគល់ស្ពានពោធិ៍អង្រ្កង ហើយភ្ញៀវនៅក្បែរសង្ស័យថា ពួកគេមិនមែនមកទទួលទានអាហារធម្មតាឡើយ។ សកម្មភាពគេចសាលារបស់សិស្សសាលានាពេលបច្ចុប្បន្នធ្វើឲ្យមហាជនមានការចាប់អារម្មណ៍យ៉ាងខ្លាំង ព្រោះតែថ្នាំញៀនវាយលុកពួកគេ ៕
ចែករំលែកព័តមាននេះ