វិធីសាស្ត្រមួយចំនួនជួយឱ្យកូនរៀនពីរបៀបគ្រប់គ្រងលុយ
- ភ្នំពេញ
រាជធានីភ្នំពេញ ៖ ការបង្កើតច្បាប់ ការកំណត់ និងការអនុវត្តផលវិបាកអំពីទម្លាប់នៃការចំណាយរបស់កូនអ្នក អាចជួយឱ្យគេរៀនពីរបៀបធ្វើការសម្រេចចិត្តបានល្អអំពីលុយពេញមួយជីវិត ។
១. បង្រៀនក្មេងៗអំពីលុយ ៖ ការបង្រៀនកូនឱ្យចេះឈ្លាសវៃ និងប្រៀនប្រដៅខ្លួនឯងពេលរកលុយ និងចាយវាយ មិនត្រឹមតែការពារបញ្ហាអាកប្បកិរិយាច្រើននោះទេ វានឹងក្លាយជាជំនាញដែលជួយពួកគេពេញមួយជីវិតថែមទៀតផង ។ ដើម្បីចាប់ផ្តើម សូមក្រឡេកមើលទម្លាប់ និងអាកប្បកិរិយាផ្ទាល់ខ្លួនរបស់អ្នកទាក់ទងនឹងលុយ ហើយដោះស្រាយបញ្ហាផ្សេងៗដូចជាការចំណាយលើស ឬគោលដៅសន្សំតឹងរ៉ឹងពេក ។ គោលដៅ គឺដើម្បីធ្វើជាគំរូដ៏ល្អសម្រាប់កូនរបស់អ្នក ។ ក្មេងៗតែងតែធ្វើត្រាប់តាមឪពុកម្តាយរបស់ពួកគេ ហើយប្រសិនបើកុមារឃើញឪពុកម្តាយខ្ជះខ្ជាយលុយ ឬជំពាក់បំណុលធនាគារ នោះពួកគេទំនងជានឹងធ្វើដូចគ្នានៅពេលពួកគេធំឡើង ។ ដូចគ្នាដែរ ប្រសិនបើឪពុកម្តាយក្តោបក្តាប់លុយបានល្អ ហើយមិនខ្ជះខ្ជាយពួកគេនឹងប្រកាន់យកទម្លាប់ទាំងនេះផងដែរ ។
២. ការផ្តល់លុយឧបត្ថម្ភ ឬលុយលើកទឹកចិត្ត ៖ ក្មេងៗគួរតែចាប់ផ្តើមរកប្រាក់ឧបត្ថម្ភ ឬលុយលើកទឹកចិត្តភ្លាមៗ នៅពេលដែលពួកគេមានអាយុគ្រប់គ្រាន់ ដើម្បីជួយការងារផ្ទះ ។ ប្រសិនបើកុមារចូលរួមយ៉ាងសកម្មក្នុងការងារដូចជា សម្អាតបន្ទប់ទឹក ជូតកម្រាលឥដ្ឋ និងរៀបចំចានពេលញ៉ាំបាយ ពួកគេគួរតែទទួលបានសំណង ។ ចំនួនឱ្យកូនគួរតែផ្អែកលើកម្រិតនៃប្រាក់ចំណូលបច្ចុប្បន្នរបស់ឪពុកម្តាយ ក៏ដូចជាចំនួនការងារដែលបានបញ្ចប់ ។
៣. ការលើកទឹកចិត្តឯករាជ្យភាព ៖ នៅពេលនិយាយអំពីការបង្កើតច្បាប់ទាក់ទងនឹងលុយ ឪពុកម្តាយគួរតែបង្កើតគោលការណ៍ណែនាំមួយចំនួន ដើម្បីជួយកូនក្នុងការគ្រប់គ្រងលុយរបស់ពួកគេ និងចៀសវាងសម្ភារនិយម ប៉ុន្តែកូនៗក៏គួរតែទទួលបានឯករាជ្យមួយចំនួនផងដែរ ។ ការធ្វើខុស និងរៀនពីរឿងទាំងនោះ គឺជាវិធីដ៏ល្អមួយ ដើម្បីក្លាយជាការអប់រំបន្ថែមលើប្រធានបទនៃការគ្រប់គ្រងលុយដោយប្រយ័ត្នប្រយែង ។
៤. និយាយអំពីលុយ ៖ ឪពុកម្តាយជាច្រើនមានការស្ទាក់ស្ទើរក្នុងការនិយាយជាមួយកូនរបស់ពួកគេអំពីលុយ ។ ជាឧទាហរណ៍ ឪពុកម្តាយខ្លះបារម្ភថា ការចែករំលែកព័ត៌មានច្រើនពេកអំពីបញ្ហាប្រឈមផ្នែកហិរញ្ញវត្ថុរបស់គ្រួសារនឹងធ្វើឱ្យកូនរបស់ពួកគេមានភាពតានតឹង ។ ទន្ទឹមនឹងនេះ អ្នកផ្សេងទៀតព្រួយបារម្ភថា កូនរបស់ពួកគេនឹងបញ្ចេញព័ត៌មានអំពីហិរញ្ញវត្ថុរបស់គ្រួសារពួកគេទៅកាន់អ្នកខាងក្រៅ ។ ប៉ុន្តែ ពិតណាស់ការសន្ទនាទៀងទាត់អំពីលុយ គឺជាឱកាសសិក្សាដ៏សំខាន់សម្រាប់កុមារ ហើយឪពុកម្តាយមិនគួរខ្មាស់អៀនពីការនិយាយទាំងនេះទេ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងភាសាចិន ចូលរៀនថ្ងៃទី ៣១ ខែកក្កដា ឆ្នាំ ២០២៣ ខាងមុខនេះ ។ សាលារៀនផ្តល់ជូនការបញ្ចុះតម្លៃ ១៥% លើតម្លៃសិក្សាសម្រាប់កាចុះឈ្មោះ ចូលរៀនជាលក្ខណៈគ្រួសារ ឬពីរកម្មវិធីផ្តល់ជូនការធានារ៉ាប់រងគ្រោះថ្នាក់ និងការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូនខាងលើនេះមានសុពលភាពត្រឹមថ្ងៃទី ៣០ ខែកក្កដា ឆ្នាំ ២០២៣ ។
សាលារៀនផ្តល់ជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ