ពិតជារន្ធ.ត់ណាស់ ខណៈកំពុងតែសប្បាយរីករាយនៅក្នុងកម្មវិធីអាពាហ៍ពិពាហ៍របស់កូនក្រមុំកូនកំលោះជាជនបរទេស ស្រាប់តែមានលោកគ្រូបង្រៀនម្នាក់ដែលចេញពីកម្មវិធីស្រវឹងជោកជាំ រួចបើករថយន្តរ៉េចង្កូតបុ.កចូលរោងការទាំងកំរោលតែម្តង បណ្តាលឱ្យប្រុសស្រីចំនួន
ខេត្តសៀមរាប ៖ ពិតជារន្ធ.ត់ណាស់ ខណៈកំពុងតែសប្បាយរីករាយនៅក្នុងកម្មវិធីអាពាហ៍ពិពាហ៍របស់កូនក្រមុំកូនកំលោះជាជនបរទេស ស្រាប់តែមានលោកគ្រូបង្រៀនម្នាក់ដែលចេញពីកម្មវិធីស្រវឹងជោកជាំ រួចបើករថយន្តរ៉េចង្កូតបុ.កចូលរោងការទាំងកំរោលតែម្តង បណ្តាលឱ្យប្រុសស្រីចំនួន៧នាក់ របួសធ្ងន់-ស្រាល ក្នុងនោះរួមមានកូនក្រមុំដែលជនជាតិបរទេស និងកូនកំលោះ ត្រូវបានបញ្ជូនទៅសង្គ្រោះនៅមន្ទីរពេទ្យបង្កែកខេត្តសៀមរាបផងដែរ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១៤និង៤០នាទីរសៀល ថ្ងៃទី០៦ ខែសីហា ឆ្នាំ២០២៣ នៅលើផ្លូវជាតិលេខ៦៨ ចន្លោះគីឡូម៉ែត្រលេខ ៣២.៣៣ មុខផ្ទះម្ចាស់កម្មវីធីឈ្មោះ ចាន់ សិទ្ធី ស្ថិតក្នុងភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប។
បើតាមប្រសាសន៍របស់លោកវរសេនីយ៍ឯក អ៊ុន ស្រស់ អធិការនគរបាលស្រុកស្រីស្នំ បានប្រាប់នៅព្រឹកថ្ងៃទី៧ ខែសីហា ឆ្នាំ២០២៣ នេះថា មានករណីគ្រោះថ្នាក់ចរាចរណ៍នៅលើផ្លូវជាតិលេខ៦៨ ចន្លោះគីឡូម៉ែត្រលេខ៣២.៣៣ មុខផ្ទះម្ចាស់កម្មវីធីឈ្មោះ ចាន់ សិទ្ធី ស្ថិតក្នុងភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប។ ចំណែករថយន្តបង្កម៉ាក TOYOTA TACOMA ស៊េរី២០០៤ ពណ៌ទឹកប្រាក់ ពាក់ផ្លាកលេខ ភ្នំពេញ1AC-6046 បើកបរដោយឈ្មោះ ឡំ ឡុញ ភេទប្រុស អាយុ៤១ឆ្នាំ មុខរបរគ្រូបង្រៀន មានទីលំនៅបច្ចុប្បន្នក្នុងភូមិក្រូចចារ ឃុំប្រីយ៍ ស្រុកស្រីស្នំ ខេត្តសៀមរាប (គ្មានរបួស)។
លោកបានបញ្ជាក់ថា មុនពេលកើតហេតុ លោកគ្រូបង្រៀនជាជនបង្កបានចេញពីកម្មវិធី ស្ថិតក្នុងស្ថានភាពស្រវឹងជោកជាំ រួចបើករថយន្ត TOYOTA TACOMA មួយគ្រឿង ដោយធ្វើដំណើរនៅលើផ្លូវជាតិលេខ៦៨ ចន្លោះគីឡូម៉ែត្រលេខ៣២.៣៣ ក្នុងទិសដៅពីត្បូងទៅជើង។ ហើយក៏រេចង្កូតឡើងទៅបុកចូលរោងការតែម្តង បណ្ដាលមនុស្សរបួសធ្ងន់-ស្រាលចំនួន៧នាក់។
លោកបញ្ជាក់ទៀតថា ក្នុងនោះរួមមាន ៖ ១- ឈ្មោះ សោម វណ្ណៈ ភេទប្រុស អាយុ៤០ឆ្នាំ ទីលំនៅបច្ចុប្បន្នភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប មុខរបរជាងអគ្គិសនី (របួសស្រាល)។ ២-ឈ្មោះ ត ថាញ់ទន់ ភេទប្រុស អាយុ៤៤ឆ្នាំ ទីលំនៅបច្ចុប្បន្នភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប មុខរបរលក់កាហ្វេ (របួសធ្ងន់)ហើយបញ្ជូនទៅមន្ទីរពេទ្យខេត្តសៀមរាប។
លោកបញ្ជាក់បន្តថា ៣- ឈ្មោះ de jong ភេទស្រី អាយុ៤៤ឆ្នាំ ជនជាតិហូឡង់ ត្រូវជាកូនក្រមុំ (របួសធ្ងន់) ហើយត្រូវបញ្ជូនទៅមន្ទីរពេទ្យខេត្តសៀមរាប។ ៤- ឈ្មោះ lEE SOKHOEUN ភេទប្រុស អាយុ៤៣ឆ្នាំ ជាជនជាតិខ្មែរ បានប្រពន្ធជនជាតិហេឡង់ ទៅរស់នៅប្រទេសហូឡង់ ត្រូវជាកូនកំលោះ (របួសធ្ងន់) ហើយត្រូវបញ្ជូនទៅមន្ទីរពេទ្យខេត្តសៀម រាប។ ៥- ឈ្មោះ Roar Renny ភេទប្រុស អាយុ៣២ឆ្នាំ ជនជាតិហេឡង់ (របួសស្រាល)។ ៦- ឈ្មោះ Ticho Caspar ភេទប្រុស អាយុ៣៥ឆ្នាំ ជនជាតិហេឡង់ (របួសស្រាល)។ ៧-ឈ្មោះ Lonneke ភេទស្រី អាយុ៤៤ឆ្នាំ ជនជាតិហេឡង់ (របួសស្រាល)។ ក្នុងហេតុការណ៍នេះធ្វើឱ្យរថយន្ត១គ្រឿងខូចខាតស្រាលផងដែរ។
ក្រោយទទួលបានសេចក្តីរាយការណ៍ខាងលើភ្លាម កម្លាំងនគរបាលចរាចរណ៍ស្រុក បានចុះទីដល់កន្លែងកើតហេតុ រួចធ្វើការវាស់វែង និងយករថយន្តបង្ករបស់គ្រូបង្រៀនទៅរក្សាទុកនៅអធិការដ្ឋាននគរបាលស្រុកស្រីស្នំ ដើម្បីដោះស្រាយតាមផ្លូវច្បាប់។
បច្ចុប្បន្ន ជនរងគ្រោះដែលត្រូវរថយន្តបុ.ក បណ្តាលឱ្យរបួសធ្ងន់នោះ កំពុងសម្រាកព្យាបាលនៅក្នុងមន្ទីរពេទ្យបង្អែកខេត្តសៀមរាប។ រីឯជនរងគ្រោះរងរបួសស្រាលវិញ ត្រូវសមត្ថកិច្ចបញ្ជូនទៅព្យាបាលនៅមណ្ឌលសុខភាពជ្រោយនាងនួន ប៉ុន្តែបានត្រឡប់ទៅផ្ទះវិញអស់ហើយ៕
ចែករំលែកព័តមាននេះ