បុរសម្នាក់ត្រូវបានគ្រូពេទ្យដេរអស់ច្រើនថ្នេរ ក្រោយពីយកកាំបិ.តប៉័ងតោកា.ប់ទៅលើក្បាលខ្លួនឯង បណ្ដាលឱ្យរងរបួសធ្ងន់ធ្ងរ ខណៈប្រចណ្ឌប្រពន្ធរបស់ខ្លួនជាមួយអ្នកភូមិខ្លាំងពេក។
ខេត្តប៉ៃលិន ៖ បុរសម្នាក់ត្រូវបានគ្រូពេទ្យដេរអស់ច្រើនថ្នេរ ក្រោយពីយកកាំបិ.តប៉័ងតោកា.ប់ទៅលើក្បាលខ្លួនឯង បណ្ដាលឱ្យរងរបួសធ្ងន់ធ្ងរ ខណៈប្រចណ្ឌប្រពន្ធរបស់ខ្លួនជាមួយអ្នកភូមិខ្លាំងពេក។ ហេតុការណ៍បុរសប្រចណ្ឌប្រពន្ធនេះ បានកើតឡើងកាលពីវេលាម៉ោង១០ព្រឹក ថ្ងៃទី០៦ ខែសីហា ឆ្នាំ២០២៣ នៅចំណុចផ្ទះ ស្ថិតក្នុងភូមិអូរកន្ធៀងវ៉ា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
ជនរងគ្រោះខាងលើនេះមានឈ្មោះ បូ ទូច ភេទប្រុស អាយុ២៨ឆ្នាំ (មុខរបរកសិករ) រស់នៅភូមិ-ឃុំកើតហេតុខាងលើ។ ចំណែកប្រពន្ធឈ្មោះ ណៃ សុផា អាយុ២៧ឆ្នាំ មុខរបរកសិករ។
បើតាមប្រភពព័ត៌មានបានឱ្យដឹងថា កាលពីវេលាម៉ោង០៨និង៣០នាទីព្រឹក ថ្ងៃទី៦ ខែសីហា ឆ្នាំ២០២៣ ស្ត្រីជាប្រពន្ធឈ្មោះ ណៃ សុផា បានដើរទៅយកអង្ករនៅផ្ទះរបស់ឈ្មោះ ផឹម ទុំ ភេទស្រី អាយុ៥១ឆ្នាំ ស្ថិតនៅក្នុងភូមិជាមួយគ្នា។ លុះដល់ម៉ោង០៩និង៣៩នាទីព្រឹកថ្ងៃដដែល បុរសជាប្ដីក៏បានដើរតាមពីក្រោយទៅរកប្រពន្ធ ហើយក៏ចាប់ផ្តើមប្រចណ្ឌប្រពន្ធថា «ទៅរកជួបសហា.យ»។
ប្រភពដដែលបន្តទៀតថា ពេលនោះបុរសជាប្ដីក៏ដេញវា.យប្រពន្ធរត់ផ្អើលពេញភូមិតែម្តង លុះនាងជាប្រពន្ធឃើញសភាពមិនស្រួល ក៏រត់គេចខ្លួនទៅពួននៅក្នុងផ្ទះរបស់ខ្លួន ស្រាប់តែបុរសជាប្ដីរកមិនឃើញ ក៏ទាញយកកាំបិ.តប៉័ងតោទៅកា.ប់ក្បាលខ្លួនឯង បណ្តាលឱ្យរងរបួសធ្ងន់ធ្ងរតែម្ដង។
បើតាមការកញ្ជាក់ពីឈ្មោះ ផឹម ទុំ ជាអ្នកជិតខាង បានឱ្យដឹងថា បុរសឈ្មោះ បូ ទូច រូបនេះ បានរករឿងប្រពន្ធនៅឯផ្ទះរបស់គាត់ ហើយដេញវា.យប្រពន្ធដូចសត្វធាតុ លុះនាងរត់ពួន ខណៈបុរសជាប្តីរកមិនឃើញ ក៏ទាញយកកាំបិ.តកា.ប់ក្បាលខ្លួនឯងរងរបួសតែម្ដងទៅ។
ចំណែកលោកមេភូមិអូកន្ធៀងវ៉ាវិញ ក៏ឱ្យដឹងដែរថា បុរសឈ្មោះ បូ ទូច ជាមនុស្សញៀ.នស្រា.ស តែងតែផឹកស្រាជាប្រចាំថ្ងៃ និងបានរករឿងប្រពន្ធកូនគ្មានថ្ងៃស្រាកស្រាន្ត ក្រោយពេលស្រវឹងផងដែរ ដោយមិនចេញទៅធ្វើការរកស៊ីអ្វីនោះឡើយ។
ទោះបីជាយ៉ាងណាក៏ដោយ បច្ចុប្បន្នជនរងគ្រោះត្រូវបានប្រពន្ធ និងក្រុមគ្រួសារបញ្ជូនទៅកាន់មណ្ឌលសុខភាពភ្នំស្ពង់ ដើម្បីធ្វើការព្យាបាល និងដេរអស់ច្រើនថ្នេរផងដែរ៕
ចែករំលែកព័តមាននេះ