ខេត្តប៉ៃលិន ៖ នគរបាលការិយាល័យប្រឆាំងគ្រឿងញៀ.ន ចុះធ្វើការស្រាវជ្រាវ ស៊ើបអង្កេត និងបង្ក្រាបជាក់ស្តែងក្នុងករណីជួញដូរ ព្រមទាំងរក្សាទុកដោយខុសច្បាប់នូវសារធាតុញៀ.ន ដោយឃាត់ខ្លួនស្ត្រីជាជនសង្ស័យ រួមជាមួយនឹងវត្ថុតាងផងដែរ។ ហេតុការណ៍នគរបាលចាប់ឃាត់ខ្លួនស្ត្រីជាជនសង្ស័យនេះ បានកើតឡើងកាលពីវេលាម៉ោង០៩និង៣០នាទីព្រឹក ថ្ងៃទី០៤ ខែសីហា ឆ្នាំ២០២៣ ស្ថិតនៅក្នុងភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
បើប្រភពព័ត៌មាន បានឱ្យដឹងថា ជនសង្ស័យខាងលើមានឈ្មោះ សឿត ដានី ភេទស្រី អាយុ៣៥ឆ្នាំ រស់នៅភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ ចំណែកឯសម្ភារៈ និងវត្ថុតាងរួមមាន ៖ ម្សៅក្រាមសថ្លា (សង្ស័យថា ជាម៉ាទឹកកក១៤កញ្ចប់), ធំចំនួន០១កញ្ចប់ និងជញ្ជីងចំនួន១គ្រឿង។
ក្រោយពីបានសាកសួចម្លើយបឋមពីស្ត្រីជាជនសង្ស័យបានសហការឆ្លើយចង្អុលបង្ហាញពីមុខសញ្ញាដែលជាមេខ្លោងជួញដូរគ្រឿងញៀ.ន បន្ទាប់មកនគរបាលបានបន្តនីតិវិធីឈានទៅបង្ក្រាបទីតាំងមួយផ្សេងទៀតផងដែរ។ ជាលទ្ធផល ចាប់យកវត្ថុតាងម្សៅក្រាមសថ្លា (សង្ស័យជាម៉ាទឹកកក) ចំនួន០១កញ្ចប់ធំ។ ចំណែកជនសង្ស័យវិញ បានបើករថយន្តម៉ាក Luxes RX300 រត់គេចខ្លួនបាត់។
កម្លាំងជំនាញយើងស្នើសុំធ្វើការឃាត់ខ្លួនស្ត្រីជាជនសង្ស័យម្នាក់ខាងលើ ដើម្បីកសាងសំណុំរឿង ចាត់ការតាមនីតិវិធីច្បាប់៕
ចែករំលែកព័តមាននេះ