រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា អ្នកជួលផ្ទះជិតគ្នា ព្រោះតែខឹងរឿងចាស់ ក៏បានប្រើអំពើហិ.ង្សាវា.យគ្នា បណ្ដាលឱ្យបុរសម្នាក់រងរបួសភ្នែកម្ខាងយ៉ាងធ្ងន់ធ្ងរ ក្រោយមកសមត្ថកិច្ចឃាត់ប្រុសស្រីចំនួន៣នាក់យកទៅសួរនាំតែម្តង បង្កអោយមានការភ្ញាក់ផ្អើលកាលពីវេលាម៉ោង៦យប់ ថ្ងៃទី៦ ខែសីហា ឆ្នាំ២០២៣ នៅផ្ទះជួល ស្ថិតក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
សេចក្តីរាយការណ៍បន្តថា ជនរងគ្រោះខាងលើមានឈ្មោះ ព្រុំ ប្រលឹង ភេទប្រុស អាយុ៣៤ឆ្នាំ មុខរបរកម្មកររោងចក្រ ស្នាក់នៅភូមិកើតហេតុខាងលើ នឹងមានស្រុកកំណើតនៅភូមិស្វាយអង្គ ឃុំស្វាយអង្គ ស្រុកស្វាយជ្រំខេត្តស្វាយរៀង។ ចំណែកជនបង្កវិញ ដោយមិនបានប្រាប់ដឹងពីឈ្មោះនោះទេ។
តាមប្រភពព័ត៌មានពីជនរងគ្រោះ បានអោយដឹងថា នៅមុនពេលកើតហេតុ គាត់បានទៅប្តូរហ្គាស់ ដោយដើរឆ្លងកាត់បន្ទប់ភាគីបង្ក ហើយរូបគាត់ (ជនរងគ្រោះ) ក៏បាននិយាយជាមួយបន្ទប់ជិតខាងនៅក្បែរបន្ទប់ជនបង្ក។ ចំណែកភាគីបង្កវិញកំពុងតែផឹកស៊ីនៅក្នុងបន្ទប់ជួល ដោយមានគ្នាចំនួន៣នាក់ ក្នុងនោះស្រី២នាក់ និងប្រុសម្នាក់ បន្ទាប់មកភាគីបង្កក៏បានស្រែកថា «ហែងម៉េចបានមើលមុខអញ»។ គាត់ (ភាគីរងគ្រោះ) ក៏បានតបវិញថា «អញមិនបានមើលមុខហែងអីណា» បន្ទាប់ពីភាគីទាំងសង្ខាងក៏បានឈ្លោះទាស់ទែងពាក្យសម្ដីទៅវិញទៅមក រហូតវា.យគ្នាតែម្តង ប៉ុន្តែមិនទាន់មានរបួសនោះទេ ។
ប្រភពព័ត៌មានពីជនរងគ្រោះ បានបន្តទៀតថា ខណៈពេលឈ្លោះគ្នា និងវា.យគ្នាម្តងហើយ រូបគាត់ (ភាគីរងគ្រោះ) ក៏បានចុះពីបន្ទប់ជាន់ទី២ ដើម្បីមកប្តូរហ្គាស់ ចំណែកភាគីបង្កវិញ ក៏បានចុះមកតាមដល់ក្រោយ ដោយមានស្ត្រីជាប្រពន្ធ និងបងស្រីថ្លៃចុះមកជាមួយគ្នាផងដែរ។ បន្ទាប់មកភាគីបង្កក៏មកវា.យគាត់ម្ដងទៀត ដោយមានបងប្អូនប្រជាពលរដ្ឋ ព្រមទាំងឪពុកជនបង្កក៏បានមកជួយឃាត់ដែរ តែឃាត់មិនជាប់ ក៏ស្រាប់តែជនបង្កវា.យរូបគាត់ (ជនរងគ្រោះ) បណ្តាលអោយរងរបួសធ្ងន់តែម្ដង (ប៉ោងភ្នែកម្ខាង ផ្នែកខាងស្ដាំរងរបួសធ្ងន់)។
គួរបញ្ជាក់ផងដែរថា បុរសជាជនបង្កក៏ធ្លាប់មានជម្លោះជាមួយអ្នកជិតខាង ព្រមទាំងរូបគាត់កាលពីមុនពេលចូលឆ្នាំម្តងរួចមកហើយ ដោយជនបង្កបានចងអង្រឹងឃាំងផ្លូវអ្នកជិតខាងបន្ទប់ជួល លុះពេលគេដើរកន្លងអង្រឹង ក៏វា.យគេតែម្ដង ចំណែកប្រពន្ធជនបង្កវិញក៏បានវា.យប្រពន្ធជនរងគ្រោះផងដែរ។
បើតាមប្រពន្ធជនបង្កវិញ ក៏បាននិយាយប្រាប់ដែរថា មូលហេតុដែលនាំមានអំពើហិ.ង្សានេះ គឺដោយសារតែភាគីរងរបួស (ជនរងគ្រោះ) បាននិយាយមកកាន់ប្តីរបស់ខ្លួនថា «អញគុំហែងយូរហើយ» ប្តីគាត់ទ្រាំមិនបាន ទើបវា.យបែបនេះ ។
ក្រោយពេលកើតហេតុ នគរបាលក៏នាំខ្លួនជនបង្កមកសួរនាំនៅប៉ុស្តិ៍នគរបាលភ្លាមៗ ចំណែកជនបង្ក និងប្រពន្ធ ព្រមទាំងបងថ្លៃស្រី និយាយស្តីមិនសមរម្យជាមួយកម្លាំងសមត្ថកិច្ចទាល់តែសោះ។ ហើយដោយសារសម្ដីភាគីបង្កទាំង៣នាក់និយាយមិនសមរម្យទៅលើសមត្ថកិច្ច នគរបាលប៉ុស្តិ៍ក៏បានកសាងសំណុំរឿងបញ្ជូនទៅកាន់ផ្នែកជំនាញព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធីនៃច្បាប់តែម្តង៕
ចែករំលែកព័តមាននេះ