ខេត្តកំពង់ស្ពឺ ៖ ស្នងការនគរបាលខេត្តកំពង់ស្ពឺ ចេញបញ្ជាឱ្យសមត្ថកិច្ចតាមចាប់អ្នកបើកបររថយន្តដឹកកម្មករកម្មការិនី បណ្តាលឱ្យក្រឡាប់ផ្ងារជើងនៅឃុំព្នាយ ស្រុកសំរោងទង យកមកទទួលខុសត្រូវនិងចាត់ការតាមនីតិវិធី ។ ករណីខាងលើនេះដែរ កម្មករកម្មការិនីរងរបួសជាច្រើននាក់…
ខេត្តកំពង់ស្ពឺ ៖ ស្នងការនគរបាលខេត្តកំពង់ស្ពឺ ចេញបញ្ជាឱ្យសមត្ថកិច្ចតាមចាប់អ្នកបើកបររថយន្តដឹកកម្មករកម្មការិនី បណ្តាលឱ្យក្រឡាប់ផ្ងារជើងនៅឃុំព្នាយ ស្រុកសំរោងទង យកមកទទួលខុសត្រូវនិងចាត់ការតាមនីតិវិធី ។
ករណីខាងលើនេះដែរ កម្មករកម្មការិនីរងរបួសជាច្រើននាក់ ដោយការក្រឡាប់រថយន្ត ត្រូវបានសមត្ថកិច្ចនគរបាលសហការបញ្ជូនទៅសង្គ្រោះបន្ទាន់នៅតាមមន្ទីរពេទ្យ កាលពីវេលាម៉ោង០៥និង៥៧នាទីព្រឹកថ្ងៃទី០៥ ខែសីហា ឆ្នាំ២០២៣ នៅលើផ្លូវក្រាលកៅស៊ូ ក្នុងភូមិទ្រា ឃុំព្នាយ ស្រុកសំរោងទង ខេត្តកំពង់ស្ពឺ ។
ក្រោយហេតុការណ៍បង្កគ្រោះថ្នាក់ខាងលើ លោកឧត្តមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ បានបញ្ជាឱ្យជំនាញចរាចរណ៍ និងអធិការនគរបាលស្រុកសំរោងទងសហការស្រាវជ្រាវរកបុគ្គលជាអ្នកបើកបរមកទទួលខុសត្រូវចំពោះហេតុការណ៍ដែលបានបង្កឡើងអោយមានការខូចខាត និងរងរបួសធ្ងន់ស្រាល ដល់បងប្អូនកម្មករ កម្មការិនី បន្ថែមទោសទណ្ឌ និងលើច្បាប់ចរាចរណ៍បន្ថែម តើអ្នកបើកបរត្រូវទទួលបែបណារាល់ការប្រព្រឹត្ដ និងបង្កអោយមានគ្រោះថ្នាក់ដល់អ្នកដំណើរដែលផ្ញើវាសនាលើខ្លួន ។
អ្នកបើកបរឈ្មោះ គា ទីណា ភេទប្រុស អាយុ២៤ឆ្នាំ រស់នៅភូមិកណ្ដក់ ឃុំព្រៃក្រសាំង ស្រុកសាមគ្គីមុនីជ័យ គួរតែចូលខ្លួនមក កុំគេចពីការទទួលខុសត្រូវ។
បើតាមទិន្នន័យដែលទទួលបានបន្ថែម ៖ សរុបកម្មកររងរបួសមានចំនួន៥១នាក់ ប្រុស១៧នាក់ ក្នុងនោះរងរបួសធ្ងន់ចំនួន ០៨នាក់ ប្រុស ០២នាក់ ៕
ចែករំលែកព័តមាននេះ