ខេត្តកំពង់ស្ពី ៖ កម្មករ កម្មការិនីរោងចក្រប្រមាណ៧០នាក់ បានរងរបួសធ្ងន់-ស្រាល ហើយត្រូវបានដឹកយកទៅសង្គ្រោះព្យាបាលភ្លាមៗ បន្ទាប់ពីរថយន្តបើកបរក្នុងល្បឿងនលឿនដល់ចំណុចផ្លូវកោងរេចង្កូតធ្លាក់ពីផ្លូវបណ្តាលឲ្យក្រឡាប់ចូលស្រែ។ ហេតុការណ៍គ្រោះថ្នាក់រថយន្តដឹកកម្មករក្រឡាប់នេះ បានកើតឡើងកាលពីវេលាម៉ោង៥និង៥៧នាទីព្រឹកថ្ងៃទី០៥ ខែសីហា…
ខេត្តកំពង់ស្ពី ៖ កម្មករ កម្មការិនីរោងចក្រប្រមាណ៧០នាក់ បានរងរបួសធ្ងន់-ស្រាល ហើយត្រូវបានដឹកយកទៅសង្គ្រោះព្យាបាលភ្លាមៗ បន្ទាប់ពីរថយន្តបើកបរក្នុងល្បឿងនលឿនដល់ចំណុចផ្លូវកោងរេចង្កូតធ្លាក់ពីផ្លូវបណ្តាលឲ្យក្រឡាប់ចូលស្រែ។
ហេតុការណ៍គ្រោះថ្នាក់រថយន្តដឹកកម្មករក្រឡាប់នេះ បានកើតឡើងកាលពីវេលាម៉ោង៥និង៥៧នាទីព្រឹកថ្ងៃទី០៥ ខែសីហា ឆ្នាំ២០២៣ ត្រង់ចំណុចភូមិទ្រា ឃុំព្នាយ ស្រុកសំរោងទងខេត្តកំពង់
ស្ពឺ។
នគរបាលចរាចរណ៍ស្រុកសំរោងទងបាននិយាយឲ្យដឹងថា នៅមុនពេលកើតហេតុ មានរថយន្តមួយគ្រឿងម៉ាកហ៊ីយ៉ាន់ដាយ ពណ៌ស គ្មានស្លាកលេខ ទម្ងន់២.៥តោន អ្នកបើកបរឈ្មោះ គា ទីណា ភេទប្រុស អាយុ២៤ឆ្នាំ មុខរបរតៃកុងរថយន្តរស់នៅភូមិកណ្ដក់ ឃុំព្រៃក្រសាំង ស្រុកសាមគ្គីមុនីជ័យ ដឹកកម្មករកម្មការិនី សរុបប្រហែលជាង៧០នាក់ បើកបរពីជើងទៅត្បូងមកដល់ចំណុចផ្លូវកោងបានបត់ទៅកើត បណ្ដាលឲ្យរេចង្កូតក្រឡាប់ធ្លាក់ចូលក្នុងស្រែ រងរបួសអ្នកជិះលើរថយន្ដ។
នគរបាលចរាចរណ៍ស្រុកបានបន្តទៀត ក្រោយកើតហេតុមន្ត្រីជំនាញបានហៅរថយន្តសាមុយដឹកអ្នករងរបួសយកទៅសង្គ្រោះនៅឯមន្ទីរពេទ្យបង្អែកខេត្តកំពង់ស្ពឺ។ ចំពោះវត្ថុតាងរថយន្តត្រូវបានយកទៅរក្សាទុកនៅប៉ុស្តិ៍រដ្ឋបាលឃុំព្នាយរង់ចាំដោះនៅពេលក្រោយ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ