ឯកឧត្តម ជុំ ហាត ប្រធានក្រុមប្រឹក្សាខេត្ត ឯកឧត្តម ម៉ែន វិបុល អភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀ.នខេត្ត និងលោកជំទាវឧត្តមសេនីយ៍ឯក ជ័យ បុប្ផា អគ្គលេខាធិការរង អាជ្ញាធរជាតិ ប្រយុទ្ធប្រឆាំង
ខេត្តស្វាយរៀង ៖ ព្រឹកថ្ងៃទី៣ ខែសីហា ឆ្នាំ២០២៣ ឯកឧត្តម ជុំ ហាត ប្រធានក្រុមប្រឹក្សាខេត្ត ឯកឧត្តម ម៉ែន វិបុល អភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀ.នខេត្ត និងលោកជំទាវឧត្តមសេនីយ៍ឯក ជ័យ បុប្ផា អគ្គលេខាធិការរង អាជ្ញាធរជាតិ ប្រយុទ្ធប្រឆាំងគ្រឿងញៀ.ន បានអញ្ជើញជាអធិបតីភាពក្នុងពិធីអបអរ សាទរ ទិវា អន្តរជាតិប្រយុទ្ធប្រឆាំងគ្រឿងញៀ.នថ្ងៃទី២៦ ខែមិថុនា ឆ្នាំ២០២២ ក្រោមប្រធានបទ«អ្វីៗដើម្បីប្រជាជនជាចម្បង បញ្ឈប់ការរើសអើង និងមាក់ងាយអ្នកញៀនគ្រឿងញៀន. ពង្រឹងការអប់រំបង្ការ» ។
នៅក្នុងពិធីនេះ ក៏មានការដុតបំផ្លាញវត្ថុតាងគ្រឿងញៀ.នតាមអំណាចសាលក្រម សាលដីកា និងសេចក្តីសម្រេចរបស់សាលាដំបូងខេត្តស្វាយរៀង និងខេត្តព្រៃវែង សរុបចំនួន២០.៥៤៤,២៧ក្រាមផងដែរ ។
ចូលរួមនៅក្នុងពិធីនេះមាន គណៈប្រតិភូអាជ្ញាធរជាតិ ប្រយុទ្ធប្រឆាំងគ្រឿងញៀ.ន អភិបាលរងខេត្តស្វាយរៀង អភិបាលរងខេត្តព្រៃវែង ឯកឧត្តមប្រធានសាលាដំបូង ឯកឧត្តមព្រះរាជ អាជ្ញាអមសាលាដំបូងខេត្តស្វាយរៀង ខេត្តព្រៃវែង លោកមេបញ្ជាការ-មេបញ្ជាការរងកងកម្លាំងទាំងបី លោក-លោកស្រីប្រធានមន្ទីរនានាជុំវិញខេត្ត លោកអភិបាលក្រុង-ស្រុក មន្ត្រីរាជការ កងកម្លាំងប្រដាប់អាវុធទាំងបី លោកគ្រូអ្នកគ្រូ សិស្សានុសិស្ស យុវជនសហភាពសហព័ន្ធយុវជនកម្ពុជា ខេត្ត យុវជនកាយឫទ្ធិ យុវជនកាកបាទក្រហមកម្ពុជាខេត្ត និងម្ចាស់សណ្ឋាគារ ផ្ទះសំណាក់ ក្លិបកម្សាន្ត សរុបចំនួន ៧៧០នាក់ ។
ឯកឧត្តម ខាំ ផារី ព្រះរាជអាជ្ញានៃអយ្យការអមសាលាដំបូងខេត្តស្វាយរៀង បានរាយការណ៍ជូនអង្គពិធីថា សាលាដំបូងនិងអយ្យការអមសាលាដំបូងខេត្តស្វាយរៀង ស្នើសុំដុតបំផ្លាញថ្នាំញៀ.នដែលបានដកហូតពីសំណុំរឿងព្រហ្មទណ្ឌសរុបចំនួន ៥៣សំណុំរឿង និងមានដំណាក់កាលគឺ ដំណាក់កាលស៊ើបសួរ ដំណាក់កាលជំនុំជម្រះ និងដំណាក់កាលសាលក្រមជាស្ថាពរ ។ ចំពោះប្រភេទថ្នាំញៀ.នដែលត្រូវដុតបំផ្លាញចោលនាពេលនេះមាន ប្រភេទសថ្លាទម្ងន់ ២.៩០២,២៩ក្រាម ប្រភេទខេតាមីន ទម្ងន់ ៥៤៨,១២ក្រាម ប្រភេទអ៊ិចស្ត្រាស៊ីទម្ងន់៣៦៩,៨១ក្រាម ប្រភេទDNA ជាម្សៅម៉ដ្ឋពណ៌ស(រោយលើសន្លឹកពណ៌បៃតង)មានទម្ងន់ ១៥.០៩៤,៣៥ក្រាម ។ សរុបទម្ងន់១៨.៩១៤.៥៧ក្រាម ។
សាលាដំបូងនិងអយ្យការអមសាលាដំបូងខេត្តព្រៃវែង ស្នើសុំដុតបំផ្លាញចោលថ្នាំញៀ.នដែលបានដកហូតពីសំណុំរឿងព្រហ្មទណ្ឌសរុប៧២សំណុំរឿង ដែលមានថ្នាំញៀ.នប្រភេទមេតំហ្វេតាមីន ១.៦២៩,៧០ក្រាម ។ ការដុតបំផ្លាញថ្នាំញៀ.នទាំង២ខេត្ត គឺខេត្តស្វាយរៀង និងខេត្តព្រៃវែង សរុប ២០.៥៤៤,២៨ក្រាម ។
ឯកឧត្តម ម៉ែន វិបុល អភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀ.នខេត្ត បានដាក់ចេញនូវគោលដៅមួយចំនួនក្នុងការលើកកម្ពស់ប្រសិទ្ធភាព ការងារបង្ការ ទប់ស្កាត់ ប្រយុទ្ធប្រឆាំងគ្រឿងញៀ.នក្នុងខេត្តឱ្យមានប្រសិទ្ធភាព ៕
ចែករំលែកព័តមាននេះ