ថ្មីៗនេះ មានការភ្ញាក់ផ្អើលយ៉ាងខ្លាំងពាសពេញបណ្ដាញសង្គម Internet របស់ប្រទេសថៃ ក្រោយពេលប្រទះឃើញមានបុរសម្នាក់ចេញមុខមកបង្ហោះរូបភាពប៉ុន្មានសន្លឹកនៅក្នុងគណនីហ្វេសប៊ុករបស់ខ្លួនឱ្យពុកម៉ែបងប្អូនជាច្រើននៅក្នុងហ្វេសប៊ុកបានដឹង។ បន្ទាប់ពីខ្លួនកំពុងតែញ៉ាំអាហារសុខៗ ស្រាប់តែប្រទះឃើញ
ប្រទេសថៃ ៖ ថ្មីៗនេះ មានការភ្ញាក់ផ្អើលយ៉ាងខ្លាំងពាសពេញបណ្ដាញសង្គម Internet របស់ប្រទេសថៃ ក្រោយពេលប្រទះឃើញមានបុរសម្នាក់ចេញមុខមកបង្ហោះរូបភាពប៉ុន្មានសន្លឹកនៅក្នុងគណនីហ្វេសប៊ុករបស់ខ្លួនឱ្យពុកម៉ែបងប្អូនជាច្រើននៅក្នុងហ្វេសប៊ុកបានដឹង។ បន្ទាប់ពីខ្លួនកំពុងតែញ៉ាំអាហារសុខៗ ស្រាប់តែប្រទះឃើញមានម្ជុលសឺរ៉ាំងវែងមួយដោតជាប់នៅក្នុងសាច់ជ្រូកប្រឡាក់តែម្តង រហូតធ្វើឱ្យបុរសរូបនោះ មានការភិតភ័យមិនស្ទើរឡើយចំពោះរឿងហេតុដែលបានកើតឡើងនឹកស្មានមិនដល់មួយនេះ ដោយទ្រាំមិនបាន បុរសរូបនេះក៏សម្រេចចិត្តថតបង្ហោះនៅលើ Internet តែម្ដងទៅ។
នេះបើយោងទៅតាមរយៈសារព័ត៌មានដ៏ល្បី Thairath បានផ្សព្វផ្សាយអំពីសំណេរនៃការបង្ហោះរបស់បុរសរូបនោះដោយរៀបរាប់ឱ្យដឹងថា «ខ្ញុំបានរកឃើញនៅម្ជុលសឺរ៉ាំងវែងមួយដែលវាបានដោតជាប់នៅក្នុងសាច់ជ្រូក។ ពិតជាសំណាងល្អខ្លាំងណាស់ ដែលខ្ញុំបានប្រទះឃើញវា មុនពេលខ្ញុំលើកដាក់ចូលទៅក្នុងមាត់របស់ខ្ញុំ។ នេះអាចនិយាយបានថា ប្រសិនជាខ្ញុំអត់បានឃើញវាទេនោះ ម្ជុលមួយនេះ ប្រហែលជាចាក់ថ្ពាល់របស់ខ្ញុំហើយ ទម្លុះដល់.ករបស់ខ្ញុំជាក់ជាមិនខាននោះឡើយ។ នេះពិតជាមានបុណ្យខ្ពស់ហើយដែលខ្ញុំមិនទាន់បានដាក់ចូលក្នុងមាត់របស់ខ្ញុំ»។
យ៉ាងណាមិញនេះ បើតាមគេដឹង បុរសខាងលើនេះ លោកគឺជាវេជ្ជបណ្ឌិតមួយរូប មានឈ្មោះថា «Lab Panda» ដែលបើកបង្ហាញករណីមួយនេះ និងនិយាយព្រមា.នអោយមហាជនមានការប្រុងប្រយ័ត្នអោយបានខ្ពស់មុននឹងបរិភោគអ្វីក៏ដោយ កុំអោយដូចរូបលោកមិនទាន់លើកដាក់ចូលក្នុងមាត់ផង ក៏រកឃើញម្ជុលសឺរ៉ាំងនៅក្នុងសាច់ជ្រូកបាត់ទៅហើយ។ ហើយក៏ជាសំណាងល្អផងដែរ ដែលគាត់មិនបានដាក់ក្នុងមាត់របស់គាត់។ បន្ទាប់មក គាត់ក៏បានស្នើដល់អ្នកពាក់ព័ន្ធចាត់វិធានការតឹងរឹងតាមការណែនាំរបស់នាយកដ្ឋានអភិវឌ្ឍន៍បសុសត្វ នៅថ្ងៃទី៣១ ខែកក្កដា ឆ្នាំ២០២៣។
មិនត្រឹមតែប៉ុណ្ណោះ ក៏មានសេចក្តីរាយការណ៍បានបញ្ជាក់ប្រាប់ដែរថា ទំព័រហ្វេសប៊ុកមួយដែលមានឈ្មោះ «Doctor Lab Panda» បានបង្ហាញរូបភាពសាច់ជ្រូកជាមួយម្ជុលសឺរ៉ាំង ដែលបានផ្ញើការព្រមា.ន និងបង្ហោះជាសារដាស់តឿនចែករំលែកអ្វីដែលបានកើតឡើង។ លោកបានប្រាប់បន្ថែមថា «ថ្ងៃនេះ ពួកយើងត្រឡប់មកពីដំណើរកម្សាន្តវិញ ពួកយើងក៏បានឈប់ទិញសាច់ជ្រូកប្រឡាក់ប្រេងល្ងមួយយកទៅញ៉ាំ ដើម្បីធ្វើម្ហូបជ្រលក់សាច់ជ្រូកនៅផ្ទះ។ ជាដំបូងគាត់ញ៉ាំធម្មតា មិនមានអ្វីប៉ះពាស់នោះឡើយ ប៉ុន្តែអ្វីដែលធ្វើអោយគាត់ស្ទើរតែគាំងនិយាយមិនចេញទៅវិញនោះ គាត់បានរកឃើញម្ជុលមួយនៅក្នុងសាច់ជ្រូកដែលកំពុងតែញ៉ាំនោះតែម្តង»។
ក្នុងនោះផងដែរ វេជ្ជបណ្ឌិត Lab Panda បានបញ្ជាក់បន្ថែមទៀតថា «ម្ជុលសឺរ៉ាំងរកឃើញនៅក្នុងសាច់ជ្រូកនោះ សំណាងល្អ ខ្ញុំបានរកឃើញវា មុនពេលខ្ញុំដាក់វាចូលមាត់ខ្ញុំ។ បើសិនជាមើលមិនទាន់ទេ ម្ជុលនឹងអាចចាក់ចូលថ្ពាល់ ឬបំពង់.ករបស់ខ្ញុំ។ ដូច្នេះសូមអ្នកពាក់ព័ន្ធចាត់វិធានការឱ្យតឹងរ៉ឹង ដើម្បីគ្រប់គ្រងម្ជុលសឺរ៉ាំងដែលអាចមាននៅក្នុងសត្វ។ នេះបើតាមការណែនាំរបស់នាយកដ្ឋានអភិវឌ្ឍន៍បសុសត្វ បើមិនដូច្នោះទេ វាអាចបង្កគ្រោះថ្នាក់ដល់អ្នកប្រើប្រាស់»។
បន្ទាប់ពីបានឃើញដូចនេះរួចមក ក៏មានមនុស្សជាច្រើននាំគ្នាចូលទៅខមិនបញ្ចេញមតិជាមួយនឹងសំណួរមួយចំនួនថា «ពិតជាគួរអោយខ្លាចខ្លាំងណាស់ គ្រាន់តែឃើញហើយក៏ញាក់សាច់តែម្ដង»។ ខ្លះទៀតក៏និយាយថា «តើសឺរ៉ាំងឆ្លងកាត់ដំណើរការកាត់យ៉ាងដូចម្តេច? ដែលត្រូវបានឆ្លើយ ប្រហែលមកពីគេប្រើស្លាយសាច់ជ្រូក។ ហើយគ្មានការរកឃើញលោហៈជាមុនទេ។ ដែលមានគ្រោះថ្នាក់ខ្លាំងណាស់»៕ ដោយ ៖ សុភា ដានេត
ចែករំលែកព័តមាននេះ