កម្មកររោងចក្រកាត់ដេរមួយកន្លែង ព្រោះតែខឹងថៅកែរោងចក្រ ដែលមិនបើកប្រាក់ឈ្នួលអោយទាន់ពេលវេលា ក្រុមកម្មករក៏នាំគ្នាបិទទ្វារមិនអោយថៅកែចេញពីរោងចក្រ។ ពេលនោះបងប្អូនថៅកែដឹង ក៏ដឹកកម្មករពីកន្លែងផ្សេងមកជួយ តែត្រូវ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា កម្មកររោងចក្រកាត់ដេរមួយកន្លែង ព្រោះតែខឹងថៅកែរោងចក្រ ដែលមិនបើកប្រាក់ឈ្នួលអោយទាន់ពេលវេលា ក្រុមកម្មករក៏នាំគ្នាបិទទ្វារមិនអោយថៅកែចេញពីរោងចក្រ។ ពេលនោះបងប្អូនថៅកែដឹង ក៏ដឹកកម្មករពីកន្លែងផ្សេងមកជួយ តែត្រូវកម្មកររោងចក្រស្មានថា ជាបក្សពួកក៏នាំគ្នាវា.យមួយប្រាវ បណ្ដាលឱ្យរងរបួសបែកក្បាលតែម្តង។ ចំណែកភាគីបង្កក៏ជិះម៉ូតូរត់គេចខ្លួនបាត់ បង្កឲ្យមានការភ្ញាក់ផ្អើលកាលពីវេលាម៉ោង៨យប់ ថ្ងៃទី១ ខែសីហា ឆ្នាំ២០២៣ នៅចំណុចក្នុងរោងចក្រកាត់ដេរសម្លៀកបំពាក់មួយកន្លែង ដែលស្ថិតនៅក្នុងភូមិកន្ទោកជើង សង្កាត់កន្ទោក ខណ្ឌកំបូល។
បើតាមប្រភពព័ត៌មានពីកម្មករកាត់ដេរមួយក្រុម បាននិយាយប្រាប់ថា នៅមុនពេលកើតហេតុ វេលាម៉ោង៥ជិត៦ល្ងាច ថ្ងៃទី១ ខែសីហា ឆ្នាំ២០២៣ ក្នុងរោងចក្រកាត់ដេរមួយកន្លែងដែលទើបតែបើកថ្មី អត់ទាន់មានឈ្មោះ ត្រូវបានក្រុមកម្មករនាំគ្នាតវ៉ារឿងថៅកែជនជាតិចិន មិនទាន់បើកលុយឱ្យ ហើយចេះតែពន្យារពេលថ្ងៃបើកប្រាក់ឈ្នួលតាំងពីថ្ងៃសៅរ៍ ទី២៩ ខែកក្កដា ឆ្នាំ២០២៣ រហូតមកដល់ពេលល្ងាចថ្ងៃកើតហេតុ ទើបកម្មករនាំគ្នាតវ៉ាបិទទ្វាររោងចក្រមិនឱ្យថៅកែចេញពីរោងចក្រឡើយ ហើយឱ្យបានបើកប្រាក់ឈ្នួលអោយកម្មករជាបន្តបន្ទាប់។
ប្រភពដដែលបន្តថា តែនៅពេលនោះដែរ បងប្អូនថៅកែរោងចក្រក៏លឺដំណឹងថា កម្មករបិទទ្វាររោងចក្រមិនអោយថៅកែចេញ ក៏ស្រាប់តែនាំកម្មករពីកន្លែងផ្សេងមកមួយរថយន្ត ដោយមានគ្នា៤ទៅ៥នាក់ ដើម្បីមកជួយអន្តរាគមន៍។ ខណៈភ្លាមៗនោះ កម្មកររោងចក្រកាត់ដេរសម្លៀកបំពាក់នៅកន្លែងកើតហេតុ បានវា.យកម្មករដែលជិះរថយន្ដមកជួយអន្តរាគមន៍នោះ បណ្តាលឲ្យរងរបួសបែកក្បាលម្នាក់ ចំណែកភាគីបង្កដែលជាកម្មកររោងចក្រកាត់ដេរខាងលើ ក៏បាននាំគ្នាជិះម៉ូតូរត់គេចខ្លួនបាត់ស្រមោលទៅ។
ក្រោយពេលកើតហេតុ កម្លាំងសមត្ថកិច្ចនគរបាលប៉ុស្តិ៍បានអោយជនរងគ្រោះទៅដាក់ពាក្យបណ្ដឹង ដើម្បីស្រាវជ្រាវរកជនបង្កចាត់ការតាមនីតិវិធី៕
ចែករំលែកព័តមាននេះ