ខេត្តកំពង់ចាម ៖ ក្រុមក្មេងទំនើងមិនតិចជាង៥នាក់ទេប្រដាប់ដោយព្រនង់បានព្រួតវាយយុវជនខ្មែរអ៊ិស្លាមដែលពិការដៃខាងស្តាំឈ្មោះ ណូ ផារី អាយុ១៧ឆ្នាំ រស់នៅភូមិព្រែកតូច ឃុំទន្លេបិទ ស្រុកត្បូងឃ្មុំនៅខាងក្រោមស្ពានគីហ្ស៊ុណាត្រើយខាងកើតកាលពីវេលាម៉ោងជិត១២អធ្រាត្រ ថ្ងៃទី៩ឧសភា ២០១១ បណ្តាលឲ្យរងរបួសធ្ងន់ ហើយត្រូវឪពុក
ខេត្តកំពង់ចាម ៖ ក្រុមក្មេងទំនើងមិនតិចជាង៥នាក់ទេប្រដាប់ដោយព្រនង់បានព្រួតវាយយុវជនខ្មែរអ៊ិស្លាមដែលពិការដៃខាងស្តាំឈ្មោះ ណូ ផារី អាយុ១៧ឆ្នាំ រស់នៅភូមិព្រែកតូច ឃុំទន្លេបិទ ស្រុកត្បូងឃ្មុំនៅខាងក្រោមស្ពានគីហ្ស៊ុណាត្រើយខាងកើតកាលពីវេលាម៉ោងជិត១២អធ្រាត្រ ថ្ងៃទី៩ឧសភា ២០១១ បណ្តាលឲ្យរងរបួសធ្ងន់ ហើយត្រូវឪពុកម្តាយនាំទៅសង្គ្រោះនៅមន្ទីរពេទ្យខេត្ត លុះវេលាម៉ោងប្រហែល៣រំលងអធ្រាត្រក៏បានស្លាប់ទៅ។ ក្រុមជនដៃដល់មិនទាន់ត្រូវសមត្ថកិច្ចស្រាវជ្រាវចាប់ខ្លួនបានទេ ។
បុរសឈ្មោះ រីម ណូ អាយុ៤២ឆ្នាំ ជាឪពុករៀបរាប់ឲ្យដឹងថា នៅពេលព្រលប់ថ្ងៃទី៩ ឧសភា គាត់ប្រើឲ្យកូនប្រុសឈ្មោះផារី ចេញពីផ្ទះទៅដេកយាមទូកនេសាទត្រីដែលចងទុកនៅច្រាំងទន្លេខាងមុខផ្ទះចំងាយប្រហែល៣០ម៉ែត្រ ព្រោះខ្លាចចោរលួច ហើយត្រូវគេព្រួតវាយឱ្យរបួសតែម្តង។ គាត់បានដឹកកូនយកទៅសង្គ្រោះនៅមន្ទីរពេទ្យខេត្ត តែដោយសារស្នាមរបួសក្បាលមានកលក្ខណៈធ្ងន់ធ្ងរពេកគេបានស្លាប់ទៅ ។
លោកកូប ឡេះ មេភូមិព្រែកតូចប្រាប់ឲ្យដឹងថា ឈ្មោះ ណូ ផារី បានដើរពីត្បូងទៅជើងជាមួយនឹងមិត្តភក្តិរបស់គេ២ទៅ៣នាក់ ។ ពេលទៅដល់ខាងក្រោមស្ពានគីហ្ស៊ុណាត្រើយខាងកើតទន្លេបិទគេទៅបត់ជើងតូចត្រង់កន្លែងងងឹតហើយត្រូវក្រុមក្មេងពាលដែលមានគ្នាមិនតិចជាង៥នាក់ប្រដាប់ទៅដោយដំបងដេញវាយត្រូវ ត្រង់ក្បាលផ្នែកខាងក្រោយយ៉ាងដំណំ ។ ឮសំលេងស្រែកឱ្យជួយមិត្តភក្តិដែលជិះម៉ូតូតាម ក្រោយចំនួន៣នាក់ប្រញាប់ទៅជួយភ្លាម។ ខណៈនោះម៉ូតូរបស់មិត្តភក្តិជនរងគ្រោះត្រូវក្រុមជនស្ទាវវាយបែកក្បាំងផងដែរ។
លោកប៉ន ស៊ាងហ៊ី នាយប៉ុស្តិ៍រដ្ឋបាលឃុំទន្លេបិទបានប្រាប់តាមទូរស័ព្ទថា នៅម៉ោងជាង១១យប់ថ្ងៃទី៩ ឧសភា ឈ្មោះ សុផារ៉ន ភេទប្រុសអាយុ២៣ឆ្នាំ បំរុងទៅវាយគេនៅម្តុំមុខផ្ទះសំណាក់ហេងនីតា ហើយជនរងគ្រោះបានរួមដំណើរដែរ ។ បន្ទាប់មកគេដើរត្រឡប់ទៅផ្ទះវិញត្រូវមនុស្ស១ក្រុមស្ទាក់វាយតាមផ្លូវ បណ្តាលឲ្យយុវជនឈ្មោះផារី ស្លាប់ ។ រឿងនេះទំនងជាគេវាយច្រឡំមនុស្ស ព្រោះអ្នករងគ្រោះជាមនុស្សស្លូតបូតនៅក្នុងភូមិព្រែកតូច ។ មិត្តភក្តិរបស់អ្នករងគ្រោះបញ្ជាក់ថា ក្រុមក្មេងទំនើងបង្កហេតុនោះរស់នៅត្រង់ម្តុំរោងចក្រក្តារបន្ទះទន្លេបិទមានគ្នា៨នាក់ ។ ក្រោយពីវាយមនុស្សស្លាប់ហើយពួកគេបានជិះម៉ូតូគេចបាត់ ៕
ចែករំលែកព័តមាននេះ